रोमियो 4:11 - लाहौली बाइबिल

¹¹ परमेश्वरे अब्राहमा बि तुहई ए स्वीकार लेह चरच़ाते दंङ दोबि धर्मी घोषित लेह च़रति, हालांकि हेंतेग तचेक दोऊ खतना शुहसी माह तोहई। खतना ओ चिन्ह स्वीकार लहज़िमी मोहर शुह। झांह लेह, दुह, दुह मीहतु आत्मिक बाह बणेंके तोह, अच़ि विशवास लहज़ा तोर, पर दोतु खतना शुहचे माह दोरे एनोह विशवासो दोरच़ी धर्मी शुहचे इलोर।

रोमियो 4:11 Iomraidhean Croise

मत्ती 16:16

शमौन पतरसे दोबि जुबाब रेंहई, “कांह श्रींङी परमेश्वरो योह मसीह शुनाह।”

मत्ती 8:11

गेह केतंङ साते कुट्रातग कि महस ऊई जातिऊ मीहरे पूर्व ए पशिचमंङज़ि अंज़े अब्राहम, इसहाक ए याकूबा रंङ साते स्वर्गीय राजंङ बगत जोओर।

लूको 19:9

दंङ यीशु ज़ि दोबि कुहतो “तोहग दिह घरबारो मीहतु बिचंङ उद्धार शुहचा, छना कुचे कि दिह लाह अब्राहमो खानदानो शुह,

यहून्नो 3:33

पर अंऊ दोच़ी दोऊ गवाही ग्रहण लहरिर दोई दी गप्पा पक्‍का लेह च़रति कि परमेश्वर सच्चा तोह।

यहून्नो 3:36

अच़ि परमेश्वरो योहू टोहकठे विशवास लहज़ा, अनंत जीवन दोऊ शुह; पर अच़ि योहू टोहकठे विशवास माह लहज़ा, दोबि अनंत जीवन माह खोकसोतो, पर परमेश्वरो सज़ा दोऊ टोहकठे शोतो।

यहून्नो 6:35

यीशु ज़ि दोतंङ साते कुंई, “जीवनो रोटी गेह शुगाह; अंऊ गिऊ कछंङ अपा, दुह अपेहला योंई माह केषतो, दंङ अरी गिऊ टोहकठे विशवास लोहतो दुह अपेहला तीस्करे माह शोतो।

यहून्नो 6:40

छना कुचे गिऊ पिता परमेश्वरो हिटी दिह तोह, कि अच़िला गिह्बी खमोर, दंङ गिऊ टोहकठे विशवास लोहर, दोई अनंत जीवन खोक्पोतो; दंङ गेह अंतिम ध्याड़ा रिंङ यच़ाह षीङमी लोहग।”

यहून्नो 6:47

गेह केतंङ साते हेले कुट्रातग अच़िला गिऊ टोहकठे विशवास लज़तोर, अनंत जीवन दोतु शुह।

यहून्नो 8:33

दोच़ी यीशु बि जुबाब रेंईर, “ञेंहरे ता अब्राहमो खानदानो शुई, दंङ अतुला गुलाम माह शुई दंङ केई छिला कुट्रातन कि केहरे आज़ाद शुहचे योंई?”

रोमियो 10:11

छना कुचे यशायाह भविष्यवक्ता ज़ि मसीहू पाहठी पवित्रशास्त्रारिंङ दि च़ेहसी तते, “अरिला दोऊ टोईच़ी विशवास लोहतो, दू शर्मिन्दा माह शोतो।”

रोमियो 10:4

कानूनो मकसद हेंतेग मसीहू अपिमी रंङ साते पूरा शुहचे इलि। दिऊ नतीज़ा दि तोह कि हर इच्च़ा अंऊ मसीहू टोहकठे विशवास लहज़ा, दू परमेश्वरो नज़रारिंङ धर्मी घोषित शुहचे यवाह।

रोमियो 10:6

पर अंऊ धर्मिकता विशवास रिंङ तोह, दि पाहठी पवित्रशास्त्र कुट्रा, “केनाह रंङ साते दि गप्पा था कुडू कि स्वर्गो तचेक खेका योतो मसीह बि योंखा धरती रिंङ हपिमी थल्जी?

रोमियो 3:22

अपेहल हेनर यीशु मसीहू टोहकठे विशवास लहज़ातंई, दंङ हेनर परमेश्वरो दोरच़ी धर्मी शुहचे य्वातंई, अंऊ कि भत्ते विशवास लहज़ा तु थल्जी तोह। परमेश्वर भत्ते तंङ साते इच्च़ा ठ्रोह व्यवहार लहज़ा।

रोमियो 3:30

छना कुचे इच्च़ा ए परमेश्वर तोह, अंऊ खतना लहसी यहुदी तिंङ विशवासा रंङ दंङ खतना मेह ऊईजाति तिंङ ला विशवास मेह धर्मी बणाके च़रपोतो।

रोमियो 4:10

दंङ अब्राहम अपेहल धर्मी ठहरेसिरी? छि अपेहल दोऊ खतना शुह्ते? खतना ओ हालातरिंङ माह पर खतना मेह ए परमेश्वरे दोबि धर्मी ठहराएकाते।

रोमियो 9:30

ञेंहच़ी छिला कुट्रातंई दोऊ मतलब दि तोह, ऊईजाति परमेश्वर रंङ साते सही तच़िमी कोशिश माह लहज़ातेर, पर परमेश्वरे दोतिंङ विशवासो दोरच़ी धर्मी घोषित लहरी।

रोमियो 9:33

छना पवित्र शास्त्र रिंङ च़ेहसी तोह, “खंई, गेह यरूशलेम शहर रिंङ ठोकर रंड्रा ठ्रोह रह्घ, दंङ मीहतिंङ दह्पी लहज़ा अंऊर ठोकर ज़हरी चटान केट्रातोग, अंऊर अंऊ दोई टोईच़ी विशवास लहज़ा दुह माह षेपोदो।”

रोमियो 9:6

तांला दि सोचेक्सी माह जूंस कि परमेश्वर एनोह वाईदा पूरा लहज़िमी थल्जी नाकाम शुहचे इलि, छना कुचे इस्राएलो खानदाना रिंङ जेह्की भत्ते मीहरे सच्चे इस्राएली र माह तोर।

गलातियों 3:22

पर पवित्र शास्त्र हेंदिंङ कंड्रा कि हेनर भत्तेर पापी शुई, भत्ते संसार पापो शाक्ति ओ अधीन। झांह लेह अच़िला यीशु मसीहू टोईच़ी विशवास लहज़ा, परमेश्वरो वाईदा दुह मीहतु थल्जी ए शोतो।

गलातियों 3:29

छना कुचे केरे भत्तेर यीशु मसीह रिंङ इच्च़ा शुहचे इलजी तोतोंई, दंङ हेंतेग केरे अब्राहमो परिवारो हिस्सा शुई, दंङ केतिंङ भत्ते धिर खोकसोतो, अतु परमेश्वरे अब्राहमो हखा वाईदा लहसी तहरे।

गलातियों 3:7

केतिंङ दि समझेक्सी जूंस कि अंऊ मीहरे अब्राहमो ठ्रोह परमेश्वरो टोहकठे विशवास लहज़ातोर, दोरे ए अब्राहमो हेले ओ कटुरे शुरे।

गलातियों 5:5

गेह झांह कुट्री तरच़ातग छना कुचे हेंदिंङ पवित्र आत्माओ दोरच़ी पूरा भरोसा तोह कि परमेश्वर हेंदिंङ धर्मी रूपारिंङ ग्रहण लोहतो छना कुचे हेनर यीशु मसीहू टोहकठे विशवास लहज़ातंई।

गलातियों 6:16

परमेश्वर दू इस्राएलो भत्ते तिंङ एनोह शांति रमतो दंङ दोतु टोहकठे दया लोहतो अंऊ दि कानूनो भाषे लहज़ातोर, छना कुचे दोरे ए परमेश्वरो दोरच़ी अंङषी मीहरे शुरे।

इफिसियों 1:13

अपेहल केहच़ी सच्चाई ओ बचन, केनातु मुक्ति ऊ रूठे खबर, रेड्रीमी थल मसीह रिंङ विशवास लाहतंई दंङ मसीह रंङ साते हेंदु एकता ओ वहज़ा ज़ि, परमेश्वरे हेंदिंङ दू पवित्र आत्मा रांई अपि दोई एनोह मीहतिंङ रंड्रीमी वाईदा लहसी तते। पवित्र आत्मा इच्च़ा निशानो ठ्रोह तोह अंऊ दोई दर्शाएच़ा कि हेनर परमेश्वरो शुई।

इफिसियों 4:30

केनातु कमो दोरच़ी पवित्र आत्माबि दुखी थालंही, अंऊ केहतु छुटकारो थल्जी बयाना ओ रूपारिंङ रांहषी तोह।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

इब्रानियों 11:7

विशवासो दोरच़ी ए नूह बि इच्च़ा हढ डढो पाहठी परमेश्वरो दोरच़ी चेतावनी खोकसिरी अंऊ दोई अपेहल खांहषी माह तोई, तांला दोई चेतावनी खोक्शे परमेश्वरो हुकुमो भाषे लहरी, दंङ एनोह टबरातु बचावो थल्जी जहाज़ बणाएति, दंङ नूहो विशवास लहज़िमी तुहई, ऊई मीहरे अंऊ दोच़ी विशवास माह लहरिर, दोतिंङ दोषी ठहराएतिर दंङ दोरे डुमज़े सिए इलिर। नूह परमेश्वरो नज़रारिंङ धर्मी बणेंके इलि, छना कुचे दोई परमेश्वरो टोईच़ी विशवास लाहते।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

प्रकाशित वाक्य 9:4

छना अतिंङ आ बिच्छु डंक रंङ साते टेहषी शवाह, ध्वांए दि टिटातिंङ ङा लाह तचेक दुह मीहतिंङ नुकसान लहज़िमी हुकुम रें च़रति, अतु फ्याह ओ टोईच़ी परमेश्वरो मोहर निशान माह तोहई। पर दोतंङ साते कुहषी तोहई दोतिंङ माह ता धरतीऊ श्रांङ, माह ए अंऊ आ ब्रनज़ेर, दंङ माह ए अंऊ आ बुटा बि नुकसान लहज़ी तोहई।