रोमियो 3:8 - लाहौली बाइबिल

⁸ पर अंऊ गिऊ थल्जी झांह ठ्रोह गप्पा लहज़ा दुह सज़ा ओ हकदार तोह, अंऊ दोरच़ी भलाई उत्पन्न शोतो? छना कि रें मीहरे अंऊ हेंदु निन्दा लहज़ातोर, कुट्रातोर कि ञेंहच़ी दिए सिखाएक्च़ातंई। पर अंऊ गिऊ पाहठी झांह ठ्रोह कुट्रातोर दू सज़ा ओ हकदार तोह।

रोमियो 3:8 Iomraidhean Croise

मत्ती 5:11

धन्य शुंई केरे, अपेहल मीहच़ी गिऊ चेला शुहबिमी बजहच़ि केहतु निंदा लोहर, दंङ केरे तंग लोहर, दंङ हप्सी कुचे केहतु थल्जी भत्ते पाहठी मांजी गप्पारे कोर।

रोमियो 5:20

थले मुसाओ कानून दिऊ थल्जी रेंईर ताकि भत्ते मीहरे खंड्री तरपोर कि दोरे अंयों पापी तोईरे। दंङ अपेहल मीहच़ी महसे बे महसे पाप लहज़ी लेहतिर, दंङ परमेश्वरे अंऊ मोह्ड़े दाह कंङाते दुह ला महसे बे महसे बणेंके इलि,

रोमियो 6:1

परमेश्वर एनोह मोह्ड़े दाह ओ दोरच़ी हेंदु पाप माफ लहज़ा। पर छि हेंज़ी दि सोचेक्तेंई कि हेनर पाप लोहवा ए लोंहि।

रोमियो 6:15

दंङ, छि हेनर ध्यांए लगातार पाप लोहवा लांईया, कि हेनर कानूनो अधीन माह पर मोह्ड़े दाह ओ अधीन तोतोंई? माह! बिल्कुल ला माह!

रोमियो 7:7

दंङ छि दिऊ मतलब दि तोह आ कि कानून पाप शुह? माह! बिल्कुल माह! पर दिए कानूनो दोरच़ी गेह पाप बि ञेंए केहतग। गेह ञेंए चरच़ातग कि लालच लहज़ी पाप शुह, छना कुचे कानूनारिंङ दि च़ेहसी तोह कि, “लालच थालोहू।”

2 कुरिन्थियों 11:15

झांह लेह अगर दोऊ सेवक ला धर्मिकता ओ सेवकातु ठ्रोह दिखावा लोहतो, दंङ छल्ले मोह्ड़े गप्पा माह, पर दोतु अंत दोतु कमो हिसाबे शोतो।

2 कुरिन्थियों 6:8

चाहे मीहच़ी हेंदिंङ आदर रंड्रातोर या हेंदु बुराई लहज़ातोर; षटणा लोहर या श्राप रमोर, ञेंहच़ी हमेशा हेंदु पाहठी हेले कांहषी तातंई। पर रै मीहच़ी कुईरे कि ञेंरे हप्साड़ तोतोंई।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”