रोमियो 3:4 - लाहौली बाइबिल

⁴ मह! बिल्कुल ला माह! भले हर इच्च़ा मीह हप्सी शोतो तांला परमेश्वर सच्चा साबित शोतो। छना कि पवित्रशास्त्र परमेश्वरो पाहठी कुट्रा, “झांह लेह कांह केनोह गप्पारिंङ धर्मी ठहरेसोन, दंङ फेंसला लहज़ा केई जय खोकपोन।

रोमियो 3:4 Iomraidhean Croise

मत्ती 11:19

पर अपेहल गेह मीहू योह ज़ेहे तुंङमातोग दंङ केहच़ी कुट्रातंई कि गेह महस ज़ज़ा ए सरा तुंङज़ा, दंङ चुंगी लेहप्च़ातु ए पापीतु साथी शुगाह, पर अच़ि परमेश्वरो शिक्षा मनेके जोज़ा दोऊ ज़िंदगीरिङ परमेश्वरो ज्ञान हेले साबित शोतो।”

लूको 20:16

दिहे कि दुह दाखो बगीचारिंङ अंज़े ज़िमदारातिंङ सच़ी च़रपोतो, दंङ बगीचारिंङ ऊईतिंङ घाह्ड़ीरिंङ रें च़रपोतो।” दिह रेड्रीरंङ, मीहच़ी कुहतो “परमेश्वरे झांह लेह माजूंस।”

यहून्नो 3:33

पर अंऊ दोच़ी दोऊ गवाही ग्रहण लहरिर दोई दी गप्पा पक्‍का लेह च़रति कि परमेश्वर सच्चा तोह।

रोमियो 11:1

झांह लेह गेह रूहक्च़ातग, छि परमेश्वरे एनोह प्रजा बि छोड़ेके चरच़तो आ? माह अपेहल ला माह! गेह ल ता इस्राएली शुगाह; अब्राहमो खानदान ए बिन्यामीनो खानदानो दोरच़ी शुगाह।

रोमियो 11:11

दंङ गेह रूहक्च़ातग, “छि यहुदी ठोकर लेहपी रंङ साते दहचे इलिर? माह! बिल्कुल ला माह! पर दोतु अविशवासो दोरच़ी ऊईजाति बि उद्धार खोकसिरी, दंङ इस्राएली मीहतिंङ जलन शोतो।

रोमियो 3:31

दंङ छि हेंज़ी कानूना बि विशवासो दोरच़ी बेकार बणाके चरच़ातंई? बिल्कुल लाह माह! पर हेनर दू कानून बि साबित लहज़ातंई अंऊ परमेश्वरे मुसाओ दोरच़ी रांहषी तते।

रोमियो 6:15

दंङ, छि हेनर ध्यांए लगातार पाप लोहवा लांईया, कि हेनर कानूनो अधीन माह पर मोह्ड़े दाह ओ अधीन तोतोंई? माह! बिल्कुल ला माह!

रोमियो 6:2

माह बिल्कुल माह! हेनर पापो थल्जी सिए इलजी तोतोंई, दंङ झांह लेह हेंदिंङ लगातार पाप लहज़ी माह जूंस।

रोमियो 7:13

दंङ छि कानूने, अंऊ रूठे तोहई, गिह्बी परमेश्वरो दोरच़ी शत्‌ह लेह चरच़तो आ? माह! बिल्कुल ला माह! पर दि पाप तोहई अच़ि झांह लहरी। पापे दू ए कानून अंऊ रूठे तोहई दोबि इस्तेमाल लहज़ी गिह्बी परमेश्वरो दोरच़ी शत्‌ह लेह च़रति। झांह लेह पापे कंङातो कि दू हेले रिंङ छि शुह, दंङ हुकुमे कंङातो कि पाप भत्ते पाहठी मांजी तोह।

रोमियो 7:7

दंङ छि दिऊ मतलब दि तोह आ कि कानून पाप शुह? माह! बिल्कुल माह! पर दिए कानूनो दोरच़ी गेह पाप बि ञेंए केहतग। गेह ञेंए चरच़ातग कि लालच लहज़ी पाप शुह, छना कुचे कानूनारिंङ दि च़ेहसी तोह कि, “लालच थालोहू।”

रोमियो 9:14

दंङ दिऊ मतलब छि शुई? छि दि परमेश्वरो अन्याय तोहई आ? माह! बिल्कुल ला माह!

1 कुरिन्थियों 6:15

छि केहच़ी माह ञेंच़ातंई आ कि केहतु फुक मसीहू अंङ शुह? छि इच्च़ा मीह एनोह फुक रेंज़ा, अंऊ मसीहू शुह, दंङ छि दिबी कुकम लहज़ार रंङ साते जोड़ेक्सी जूंस?

2 कुरिन्थियों 1:18

छना ठ्रोह परमेश्वर सच्चा तोह, अंऊ ञेंहच़ी केतंङ साते कुट्रातंई दू हमेशा हेले तोह छना वोई ओ मतलब “वोई” दंङ “माह” ओ मतलब “माह” ए शुहबी।

गलातियों 2:17

रे यहुदी मीहच़ी चेहच़ातोर कि हेंज़ी पाप लहसी शुई, छना कुचे हेनर कानूनो भाषे लहज़िमी वहज़ा यीशु मसीहू टोहकठे विशवास लहज़ातंई। छि दिऊ मतलब दि तोह कि यीशु मसीह ज़ि हेंदु दोरच़ी पाप लेह लहतो आ? माह! बिल्कुल ला माह!

गलातियों 2:21

गेह दि गप्पो दोरच़ी इंकार लेह मरपोग कि परमेश्वरे एनोह मोह्ड़े दाह ओ दोरच़ी हेंदिंङ बचाके तहच़ा। छना कुचे अगर मीहरे मूसा ओ कानूनो भाषे लहज़ा धर्मिकता खोकच़ातोर, दंङ यीशु मसीह बि सिमी छल्ले ज़रूरत माह तोहई।

गलातियों 6:14

अगर गेह घमण्ड लहज़ातग ता सिर्फ दि गप्पो टोईच़ी घमण्ड लोहग कि हेंदु प्रभु यीशु मसीह हेंदु थल्जी क्रूसो टोईच़ी सिए इलि। छना कुचे दोऊ सिमी थल, गेह एंतेग संसारो हिटी ओ गुलाम माह तोहग दंङ एंतेग दितु बिचंङ अंऊला चीज़ो दोर्तिंङ गिऊ टोईच़ी हुकुम लहज़िमी शाक्ति माह।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

इब्रानियों 6:18

दंङ देर यह्च़ा झुह्ट गप्पो ज़िकर तोह, इच्च़ा दोऊ वाईदा, दंङ अई दोऊ कसम, अंऊ अपेहल ला लेहक्सतो माह दंङ अतु पाहठी परमेश्वर अपेहल ला हप्सी कुट्री मरपोतो। झांह लेह अंऊ हेनर परमेश्वरो कछंङ सुरक्षा खोकसिमी थल्जी अंज़े शुहई दंङ अंऊ उम्मीद दोई हेंदिंङ रांहषी ततो, दोबि चुमज़ा बंङज़ा तोंहि, दंङ हेनर महस खुश तोतोंई।

1 यूहन्ना 5:10

अंऊ परमेश्वरो योह टोईच़ी विशवास लहज़ा, दोई ञेंहच़ा कि परमेश्वरे छिल्ला लाह कुहषी ततो दुह हेले शुह, अच़ि परमेश्वरो टोईच़ी विशवास माह लहज़ा, दोई परमेश्वर बि हप्सी ठहराएति, छना कुचे दोई दुह गवाही टोहकठे विशवास माह लहरी, अंऊ परमेश्वरे एनोह योह पाहठी रांहषी ततो।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,