रोमियो 3:25 - लाहौली बाइबिल

^25-26 परमेश्वरे यीशु मसीह बि हेंदु पापो थल्जी बलि शुहबिमी थल्जी च़चे च़रति। यीशु मसीह ज़ि एनोह जीवनो बलि दिऊ थल्जी रें च़रति, ताकि दोऊ टोहकठे विशवास लहज़ा हेनर परमेश्वरो कछंङ अपि तरपोंई। दंङ परमेश्वरे दि दिऊ थल्जी लहरी कि दोई तुहई दि सही लहरी, अपेहल दोई पापी तिंङ माफ लहज़िमी थल्जी धीरज़ लहरी। दिरंङ दि ला पता लेहकी यवात कि परमेश्वर सही तोह, अपेहल दोई दुह मीहतिंङ अपनाएच़ा अंऊ यीशु टोहकठे विशवास लहज़ातोर।

रोमियो 3:25 Iomraidhean Croise

यहून्नो 6:47

गेह केतंङ साते हेले कुट्रातग अच़िला गिऊ टोहकठे विशवास लज़तोर, अनंत जीवन दोतु शुह।

प्रेरित 14:16

दोई तुईकी टेमा रिंङ, भत्ते जातितिंङ एनोह-एनोह हिसाबे जोज़ी रेंई।

प्रेरित 15:18

गेह घेंङौ मीहतु मदत लहरिगा कि दोरे महसे तुहई ए दि गप्पा ए ञेंई तरपोर।

प्रेरित 17:30

झांह लेह परमेश्वरे मीहतु अज्ञानतो टेम ध्यान माह रें, पर हेंतेग भत्ते ठहरि रिंङ भत्ते मीहतिंङ सेहम किरज़िमी हुकुम रंड्रा।

प्रेरित 2:23

दुह ए यीशु, परमेश्वर ओ हिटी ऊ हिसाबे ए पुरा समझो हिसाबे, केहतु हवाले लेह केहरिर। दंङ केहच़ी दुह मांजी मीहतु मदत ए मेख्खा लगाके क्रूसंङ चहढा के सचे च़रतिन।

प्रेरित 3:18

पर अंऊ गप्पातु पाहठी परमेश्वरे भत्ते भविष्यवक्तातु दोरच़ी कंड्राते, कि दोऊ मसीह दुख उठापोतो दंङ सचे च़रपोर; दोतिंङ दोई दू हेले लहज़ी कंड्रातो।

प्रेरित 4:28

दोच़ी दुहए लहरिर अंऊ कांह सामर्थ ए हिटी ज़ि तुहई ए तय लेह च़रते कि शुहबी जूंस।

रोमियो 2:4

छि कांह परमेश्वरो भलाई ए सहनशीलता, दंङ सब्ररूपी धन बि बेकार ञेंच़ातन? दंङ केई दि माह समझेक्च़ातन कि परमेश्वरो भलाई कनिंङ पश्चाताप काराच़ि सिखाएच़ा?

रोमियो 5:1

झांह लेह हेनर विशवासो दोरच़ी धर्मी ठहरेक्सा इलिन, दोहपल प्रभु यीशु मसीहू दोरच़ी परमेश्वरा रंङ साते हेंदु मेल-मिलाप शुचि इलजी तोह।

रोमियो 5:11

सिर्फ दि मशत, पर हेंतेग ता हेंदु प्रभु यीशु मसीहू दोरच़ी परमेश्वरारंङ साते हेंदु मेल-मिलाप शुहचे इलज़ा; झांह लेह ञेंरे परमेश्वरा रिंङ खुश तोतोंई।

रोमियो 5:18

झांह लेह छना इच्च़ा मीहू अपराधो दोरच़ी भत्ते मीहतिंङ सज़ा खोकसिरी, ध्वांए इच्च़ा धर्मिकता ओ कम ला भत्ते मीहतु थल्जी धर्मी शुहबी वहज़ा शुई अच़ि जीवन रंड्रा।

रोमियो 5:9

झांह लेह अपेहल हेनर परमेश्वरे रंङ साते धर्मी घोषित शुहचे इलांई, छना कुचे मसीह हेंदु थल्जी सिए इलि दंङ हेंदु पापो थल्जी एनोह शुहई बहाएक्ति। दंङ मसीह हेंदिंङ पक्‍का ए परमेश्वरो रोहषो दोरच़ी बचाएपोतो।

1 कुरिन्थियों 5:7

केरे पापो युई सुम हुंज़े च़रतुंई, मतलब दि कुकम लहज़ा मीहु हखा कुंई कि दुह हेंदु संगति रिंङ शामिल शुहबी माहरपोतो। दंङ केरे पापो प्रभाव मेह इच्च़ा खरकोई ए शुद्ध नाता रिंङ इदि-अई दिरंङ साते जोड़ेक्च़ा ठ्रोह विशवासी तु इच्च़ा शुद्ध झुण्ड शुचि योंई, हेले रिंङ केरे परमेश्वरो पवित्र मीह शुई। छना कुचे मसीह हेंदु फसहो त्याहरो कुरच़ा हेंदिंङ हेंदु पापो दोरच़ी छुड़ाएच़िमी थल्जी बलिदान शुहचे शुह।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

इफिसियों 1:7

मसीहू शुहई बहाएक्च़िमी दोरच़ी हेंदिंङ छुटकारा खोकसिरी, मतलब, हेंदु पाप माफ शुहचे इलि, परमेश्वरो मोह्ड़े दाह महसे महान तोह अंऊ दोई हेंदिंङ महस रांहषी ततो।

इफिसियों 2:13

इच्च़ा टेम तोहई अपेहल केरे परमेश्वरो दोरच़ी महस ऊईतार तोईनी, पर हेंतेग परमेश्वर केतिंङ यीशु मसीहू शुहई दोरच़ी एनोह कछंङ रैंज़ा हति।

1 तीमुथियुस 1:15

दि गप्पा हेले ए दंङ भत्ते पाहठी मनेक्च़िमी जोगे तोह, कि मसीह यीशु हेनर पापी तु उद्धार लहज़िमी थल्जी संसारारंङ अंज़े शुह, अंऊ दोतु बिचंङ भत्ते वे मोह्ड़े पापी गेह शुगाह।

इब्रानियों 11:14

दि दू मीहतु पाहठी कंड्रा अंऊ दोच़ी कुट्रातोर कि दोरे दि संसारारंङ परदेशी शुरे। दोच़ी कंड्रातोर कि इच्च़ा झांह ठ्रोह देश खोकच़िमी उम्मीद लहज़ी लेहकी तोतोर अंऊ दोतु शोतो।

इब्रानियों 11:17

अपेहल परमेश्वरे अब्राहमा बि परखेक्ति, दंङ विशवासा रंङ साते अब्राहम, इसहाका बि बलिदान लेह तेयार शुहचे इलि। इसहाक अब्राहमो इच्च़ा ए योह तोहई। परमेश्वरे दू योह पाहठी अब्राहमा रंङ साते वाईदा लहसी तहरे कि, “दि इसहाको दोरच़ी ए कांह खानदानो गिनती शोतो।” अब्राहमा बि पूरा भरोसा तोहई कि, कि परमेश्वर सिए दोतिंङ श्रींङमी लेह तरच़ा। दंङ झांह ठ्रोह अब्राहमा बि इसहाक सिए दोतु बिचंङ ज़ि यह्च़ा खोकसिरी।

इब्रानियों 11:7

विशवासो दोरच़ी ए नूह बि इच्च़ा हढ डढो पाहठी परमेश्वरो दोरच़ी चेतावनी खोकसिरी अंऊ दोई अपेहल खांहषी माह तोई, तांला दोई चेतावनी खोक्शे परमेश्वरो हुकुमो भाषे लहरी, दंङ एनोह टबरातु बचावो थल्जी जहाज़ बणाएति, दंङ नूहो विशवास लहज़िमी तुहई, ऊई मीहरे अंऊ दोच़ी विशवास माह लहरिर, दोतिंङ दोषी ठहराएतिर दंङ दोरे डुमज़े सिए इलिर। नूह परमेश्वरो नज़रारिंङ धर्मी बणेंके इलि, छना कुचे दोई परमेश्वरो टोईच़ी विशवास लाहते।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

इब्रानियों 9:5

दिऊ अलावा बक्सो टोईच़ी तेजोमय करूब मिंदंङ झुह्ट पखारंङ साते बणाषी तोहई, अंऊ दि गप्पो इशारा तोहई कि परमेश्वर ठहरि टोहकठे तोह। दोतु अलसी पखार बक्सा ओ तोंरिखी हिस्सा कपची तरच़ातेर अतु टोहकठे शुई पुरच़ातेर ताकि मीहतु पाप माफ शोर। कि इच्च़ा-इच्च़ा लहज़ी दोतु बखान लेह मरच़ि।

1 यूहन्ना 1:10

अगर हेंज़ी कोंहई कि ञेंहच़ी पाप माह लंहि, दंङ हेंज़ी परमेश्वरा बि हप्सी ठहराएच़ा तोंई, दंङ एंतेग तचेक हेंज़ी परमेश्वरो बचन स्वीकार माह लहज़ातंई।

1 यूहन्ना 2:2

दंङ दुह हेंदु पापो माफी ऊ थल्जी बलिदान शुहचे इलि, दुह सिर्फ हेंदु ए मशत पर भत्ते संसारो मीहतु पापो थल्जी लाह बलि शुहचे इलि।

1 यूहन्ना 4:10

हेंदु दाह परमेश्वरो थल्जी सच्चे माह, पर परमेश्वरो दाह हेंदु थल्जी सच्चा तोह। परमेश्वरे हेंदु पाप ऊई तार लहच़िमी थल्जी एनोह योह बलिदान लेह च़रति अतु वहज़ा ज़ि हेंदु पाप माफ शुहचे इलिर।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”