रोमियो 3:23 - लाहौली बाइबिल

²³ झांह लेह भत्ते ज़ि पाप लहसी तातोर दंङ दू महिमा तचेक पिचे मारतेंई अंऊ परमेश्वरे रंड्रा।

रोमियो 3:23 Iomraidhean Croise

रोमियो 1:28

दंङ दोच़ी परमेश्वरा बि ञेंच़िमी कोशिश मलाहरिरे दंङ परमेश्वरे ला दोतिंङ दोतु निकम्मे सेहमो टोईच़ी छोड़ेके केहरी दोच़ी अनुचित कम लोहर।

रोमियो 11:32

छना कुचे परमेश्वरे भत्ते तिंङ हुकुम माह मनेक्च़िमी अनुमति रंड्रा, ताकि दू भत्ते मीहतु टोईच़ी एनोह दाह कंङे तरपोतो।

रोमियो 3:19

ञेंहच़ी ञेंच़ातंई कि कानून छिला कुट्रा, दुह मीहतंङ साते कुट्रा, अंऊ मुसाओ कानूनो अधीन तोतोर, ताकि मीहतिंङ बहाना बणाएट्रिमी दोरच़ी रोकेकी तरपोंई, दंङ संसारो भत्ते मीहरे परमेश्वरो फेंसला ओ अधीन शोर।

रोमियो 3:9

दंङ, छि ञेंरे यहुदी मीहरे गैर यहुदी मीहतु बे रूठे तोतोंईयां? माह! बिल्कुल माह! छना कुचे ञेंहच़ी तुहई साफ-साफ कुह्चे चरच़ातेंई कि यहुदी ए ऊईजाति भत्ते पापो शाक्ति ऊ अधीन तोतोंई।

रोमियो 5:2

हेंदु विशवासो दोरच़ी, मसीह ज़ि हेंदिंङ दि मोह्ड़े दाह तचेक रैंज़ा हति अंऊर हेनर हेंतेग पिचे तोतोंई, ञेंरे दि गप्पारिंङ खुश शवातंई कि हेंदिंङ परमेश्वरो महिमा रि सहभागी शुहबिमी उम्मीद तोह।

गलातियों 3:22

पर पवित्र शास्त्र हेंदिंङ कंड्रा कि हेनर भत्तेर पापी शुई, भत्ते संसार पापो शाक्ति ओ अधीन। झांह लेह अच़िला यीशु मसीहू टोईच़ी विशवास लहज़ा, परमेश्वरो वाईदा दुह मीहतु थल्जी ए शोतो।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

2 थिस्सलुनीकियों 2:14

परमेश्वरे केरे बचाएच़िमी रूठे खबरो थल्जी बुलासी ततो, अतु ञेंहच़ी केहतु बिचंङ प्रचार लहज़ातंई, ताकि केरे दुह महिमारिंङ शामिल शुहचे तरपोंई अंऊ परमेश्वरे हेंदु प्रभु यीशु मसीह बि रांहषी ततो।

इब्रानियों 4:1

झांह लेह, अपेहल नहच़िमी ठाहरीरिंङ इबिमी वाईदा हेंतेग ला तोह, दंङ हेंदिंङ महस खबरदार बंङज़ी जूंशी तोह; कि केहतु बिचंङ अतिंङ ला दू नह्च़िमी ठाहरीरिंङ इबिमी मौका केट्री माह जूंस।

1 पतरस 4:13

बस दिऊ पाहठी खुश तोईनी, कि केरे मसीहू दुखारिंङ सहभागी शुहचे तोईनी। झांह लेह, अपेहल मसीह भत्ते मीहतिंङ एनोह महिमा प्रगट लहज़िमी थल्जी यह्च़ा अपतो दंङ केहतु खुशी हेले रिंङ बणेंके योतो।

1 पतरस 5:1

रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।