रोमियो 3:22 - लाहौली बाइबिल

²² अपेहल हेनर यीशु मसीहू टोहकठे विशवास लहज़ातंई, दंङ हेनर परमेश्वरो दोरच़ी धर्मी शुहचे य्वातंई, अंऊ कि भत्ते विशवास लहज़ा तु थल्जी तोह। परमेश्वर भत्ते तंङ साते इच्च़ा ठ्रोह व्यवहार लहज़ा।

रोमियो 3:22 Iomraidhean Croise

लूको 15:22

पर पिता परमेश्वरे एनोह परगरातिंङ कुहतो, युरनाह रूठे बे रूठे खमज़े हुंज़े दिबी लेहतुंई दोऊ गुहड़िंङ गुईथब, दंङ कोन्ज़ा रिंङ बुह्टर लगाएतुंई।

प्रेरित 11:12

दंङ पवित्र आत्माज़ि गिह्बी दोतंङ साते बेझिझक इबिमी थल्जी कुई, दंङ दिहरे त्रुई बिशवासी न्वारे ला गेरंङ साते अच़ा अतिर; दंङ ञेंहरे दुह मीहू चुंङ इलिन।

प्रेरित 15:9

दोई ञेंहतु ए दोतु बिचंङ छल्ले भेद-भाव माह लहरी छना कुचे विशवासो दोरच़ी दोई दोतु सेहम शुद्ध लेह च़रति।

प्रेरित 3:16

मसीहू मिंदंङ बिशवास लहज़िमी दोरच़ी दिह मीह बि अतिंङ केहच़ी खंड्रातंई ए ञेंहच़ातंई ताकत रांहषी ततो। दिह मीह यीशु ऊ मिंदंङ ए यीशु ऊ टोहकठे बिशवास लहज़िमी रंङ साते बिल्कुल अईन शुहचे इलि।

रोमियो 1:17

छना कुचे रूठे खबरा रिंङ परमेश्वरे दि प्रगट लाह कि दुह मीहतङ भत्ते रिति रंङ धर्मी घोषित लहज़िमी जोगे तोह, अंऊ दू शुरूआत बेहच़ी थल मुखंङ तचेक विशवासा रिंङ टिकेकी तोह छना पवित्र शारत्ररिंङ च़ेहसी तोह, “विशवासो दोरच़ी धर्मी मीह श्रींङे बंङज़ोतो।”

रोमियो 10:12

यहुदी मीहतु बिचंङ ए ऊईजाति तु मीहतु बिचंङ छल्ले भेद माह, झांह लेह कि परमेश्वर भत्ते तु प्रभु शुह; दंङ दू भत्ते तिंङ बचाएपोतो, अंऊ दोबि मदतो थल्जी हाऊष रंड्रातोर।

रोमियो 10:4

कानूनो मकसद हेंतेग मसीहू अपिमी रंङ साते पूरा शुहचे इलि। दिऊ नतीज़ा दि तोह कि हर इच्च़ा अंऊ मसीहू टोहकठे विशवास लहज़ा, दू परमेश्वरो नज़रारिंङ धर्मी घोषित शुहचे यवाह।

रोमियो 2:1

झांह लेह, हे ऊईतु टोहकठे दोष लगाएच़ा! केरे चाहे अरिला छारिंङ माह शोंई, बहाना लेह मरपोंई। अंऊ गप्पा रिंङ केरे ऊईतिंङ दोष लगाएच़ातंई, दुह ए गप्पारिंङ केनातिंङ ला दोषी ठहराएच़ातंई। छना कुचे केरे, अंऊ ऊईतु टोहकठे दोष लगाएच़ातंई, केनाह ए दुह कम लहज़ातन।

रोमियो 3:30

छना कुचे इच्च़ा ए परमेश्वर तोह, अंऊ खतना लहसी यहुदी तिंङ विशवासा रंङ दंङ खतना मेह ऊईजाति तिंङ ला विशवास मेह धर्मी बणाके च़रपोतो।

रोमियो 4:16

झांह लेह मीहच़ी विशवासो दोरच़ी परमेश्वरो वाईदा खोक्तिर। दि दिऊ थल्जी शुहबी ताकि मोह्ड़े दाह दोरच़ी खोकसोतो। दंङ अब्राहमो भत्ते कटुतिंङ दुह वाईदा खोकसोतो। दि सिर्फ दोतु थल्जी मशत पर अंऊ मुसाओ कानूनो अधीन बंङज़ातोर, पर हर इच्च़ा दुह मीहू थल्जी तोह, अंऊ अब्राहमो ठ्रोह विशवासरिंङ श्रींङी बंङज़ा, अंऊ हेंदु भत्ते तु पूर्वज शुह।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

रोमियो 9:30

ञेंहच़ी छिला कुट्रातंई दोऊ मतलब दि तोह, ऊईजाति परमेश्वर रंङ साते सही तच़िमी कोशिश माह लहज़ातेर, पर परमेश्वरे दोतिंङ विशवासो दोरच़ी धर्मी घोषित लहरी।

1 कुरिन्थियों 12:13

छना कुचे हेंज़ी भत्ते ज़ि चाहे दू यहुदी शुह, चाहे ऊई जाति, या चाहे परगर शुह, चाहे आज़ाद, इच्च़ा ए आत्माओ दोरच़ी इच्च़ा फुक शुहबिमी थल्जी बपतिस्मा लेहपच़ातंई, दंङ हेंज़ी भत्ते ज़ि दू ए आत्मा खोकसी तातंई छना ठ्रोह हेंज़ी भत्ते ज़ि इच्च़ा कोलीऊ दोरच़ी तुंङमातंई।

1 कुरिन्थियों 4:7

अच़िला केतिंङ ऊईदि बे खास बणाषी माह! छिल्ला धिर केहतु कछंङ तोह दू केतिंङ परमेश्वरो दोरच़ी खोकसा तोह। दंङ केतिंङ घमण्ड लहज़िमी छल्ले अधिकार माह।

गलातियों 2:16

तांला हेनर यहुदी विशवासी ञेंहच़ातंई कि मूसा ओ कानूनो भाषे लहज़ा अरिला मीह परमेश्वरो तुईज़ी धर्मी साबित माह शोतो, पर सिर्फ मसीहू टोहकठे विशवास लेह रंङ साते धर्मी ठहरेसोतो। झांह लेह ञेंहच़ी हेंज़ी ला यीशु मसीहू टोईच़ी विशवास लहरिन, कि हेनर कानूनो कमो दोरच़ी मशत, पर मसीहू टोईच़ी विशवास लहज़िमी रंङ साते धर्मी शोंई; छना कुचे कानूनो भाषे लहज़ा ते अरिला मीह धर्मी माह ठहरेसोतो।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

गलातियों 3:22

पर पवित्र शास्त्र हेंदिंङ कंड्रा कि हेनर भत्तेर पापी शुई, भत्ते संसार पापो शाक्ति ओ अधीन। झांह लेह अच़िला यीशु मसीहू टोईच़ी विशवास लहज़ा, परमेश्वरो वाईदा दुह मीहतु थल्जी ए शोतो।

गलातियों 3:28

दंङ हेंतेग माह ए अरिया यहुदी तोह दंङ माह ए ऊई जाति, माह अरिया दास तोह दंङ माह ए अरिया आज़ाद, ए स्वतंत्र, माह ता अरिया गंङमी दंङ माह ए मेच़िमी, केरे भत्तेर यीशु मसीह रिंङ इच्च़ा शुहचे इलजी तोतोंई।

इफिसियों 3:12

हेनर मसीहरिंङ विशवास लहज़ातंई, दंङ झांह लेह हेनर हिम्मत ए आत्मविशवास रंङ साते परमेश्वरो कछंङ अपातंई।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।

याकूब 2:23

दंङ पवित्रशास्त्रो दि बचन पूरा शुहचे इलि कि; “अब्राहमे परमेश्वरो टोहकठे विशवास लहरी, दंङ दोऊ विशवासो थल्जी परमेश्वरे दोबि इच्च़ा धर्मी मीहू रूपा रि ग्रहण लहरी, दंङ दुह परमेश्वरो मित्र शुई।”