रोमियो 3:21 - लाहौली बाइबिल

²¹ पर हेंतेग मुसाओ कानूनो नियमो भाषे लहज़ा मेह परमेश्वर ऐनाहरंङ साते सही घोषित लहज़ा। महस तुहई मुसाओ कानून ए भविष्यवक्ता तु कताबारिंङ दि च़ेहसी तोहई कि छना हेनर परमेश्वरो दोरच़ी धर्मी शुहचे इलजी तोतोंई।

रोमियो 3:21 Iomraidhean Croise

लूको 24:44

दंङ यीशु ज़ि दोतंङ साते कुंई, “दिहरे गिऊ दुह गप्पारे शुहरे, अंऊ गेह केतंङ साते बंङज़ा केतंङ साते कुहतेग, कि ज़रूरी तोह अंयों गप्पारे मूसाओ कानूना ए भविष्यवक्तातु ए भजनो कताबंङ, गिऊ पाहठी च़ेहसी भत्ते हेले साबित शोतो।”

यहून्नो 1:45

फिलिप्पुसे नतनएल रंङ साते दोई दंङ दोरंङ कुहतो, “अतु पाहठी मूसा ज़ि कानूना दंङ भविष्यवक्ता लहरिरे, दुह ञेंतिंङ खोकसा इलिरे; दुह नासरत नगरो यूसुफो योह, यीशु शुह।”

प्रेरित 10:43

दोऊ गवाही भत्ते भविष्यवक्तार रंड्रातोर कि अरिला दोऊ टोहकठे बिशवास लोहर, दोतिंङ यीशु ऊ मिन्दु दोरच़ी पापो माफी खोकसोतो।

प्रेरित 15:11

वोई, झांह लेह ठीक माह, पर दिह पक्‍का तोह कि छना ठ्रोह दोरे मीहरे प्रभु यीशु ऊ मोह्ड़े दाह दोरच़ी उद्धार खोक्पोर; ध्वांए ठ्रोह ञेंतिंङ ला उद्धार खोकसोतो। माह मूसा ओ कानून मनेकच़िमी रंङ साते।

प्रेरित 26:22

पर परमेश्वरे गिऊ मदत लहज़ी लेहकी तोह दोई गिह्बी दि ध्याड़ा तचेक बचाके तहसी ततो। दिऊ थल्जी गेह देर खड़े शुचि कुट्रातग दुह भत्ते मीहतिंङ अंऊ कवचि तोतोर या मोह्ड़े कि अरि यीशु शुह, दंङ गेह दू गप्पा छोड़ेके ऊई छिल्ला माह कुट्रातग, अंऊ भविष्यवक्ता ए मूसा ओ कानूने ला कुई कि शुहबिमी तोह,

प्रेरित 28:23

दोहपल दुह यहुदी ज़ि पोलुसो थल्जी इच्च़ा ध्याड़ा ठहराति। दुह ध्याड़ा महस मीहरे दोऊ ठहरि ठ्रोहका शुहचे इलिर, दंङ पोलुस मुंजे बेहच़ी योंकले तचेक परमेश्वरो राजो पाहठी गवाही रंड्री लेहती, दंङ मूसाऊ कानूने ए भविष्यवक्तातु कताबंङ ज़ि यीशु पाहठी रूठे रंङ कंड्री लेहती।

रोमियो 1:17

छना कुचे रूठे खबरा रिंङ परमेश्वरे दि प्रगट लाह कि दुह मीहतङ भत्ते रिति रंङ धर्मी घोषित लहज़िमी जोगे तोह, अंऊ दू शुरूआत बेहच़ी थल मुखंङ तचेक विशवासा रिंङ टिकेकी तोह छना पवित्र शारत्ररिंङ च़ेहसी तोह, “विशवासो दोरच़ी धर्मी मीह श्रींङे बंङज़ोतो।”

रोमियो 1:2

परमेश्वरे तुहई बेहच़ी एनोह भविष्यवक्ताओ दोरच़ी पवित्रशास्त्रारिंङ दुह रूठे खबरो वाईदा लाहते,

रोमियो 16:26

पर हेंतेग परमेश्वरो हुकुमो हिसाबे परमेश्वरो रूठे खबर भविष्यवक्ता तु कताबो दोरच़ी भत्ते जातिऊ मीहतिंङ कांहषी तोह, कि विशवासा रंङ साते हुकुमो भाषे लहज़ा बणेंके इलांई।

रोमियो 3:28

दिऊ थल्जी ञेंहच़ी ञेंहच़ातंई कि मीह सिर्फ मुसाओ कानूनो पालन लहज़िमी रंङ साते मशत, पर यीशु मसीहू टोहकठे विशवास लहज़िमी रंङ साते धर्मी शुहचे यवात।

रोमियो 5:19

छना कुचे इच्च़ा मीहू हुकुम माह मनेक्च़िमी रंङ साते महसे मीहरे पापी शुईरे, ध्वांए इच्च़ा मीहू हुकुम मनेक्च़िमी रंङ साते महसे मीहरे धर्मी बणेक्पोर।

रोमियो 5:21

कि छना भत्ते मीहच़ी पाप लाहतेर दंङ दोरे भत्ते सिए इलिर, ध्वांए ए हेंदु प्रभु यीशु मसीहू दोरच़ी मोह्ड़े दाह ला धर्मी बणाएपोतो दंङ दोतिंङ अनंत जीवन रमतो।

रोमियो 9:30

ञेंहच़ी छिला कुट्रातंई दोऊ मतलब दि तोह, ऊईजाति परमेश्वर रंङ साते सही तच़िमी कोशिश माह लहज़ातेर, पर परमेश्वरे दोतिंङ विशवासो दोरच़ी धर्मी घोषित लहरी।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

2 कुरिन्थियों 3:9

छना कुचे अपेहल दोषी बणाएषा वाचा रिंङ धोंण तेज तोहई, दंङ पक्‍का रूपारिंङ खरकोई वाचा अंऊ एनोह मीहतिंङ परमेश्वरा रंङ साते धर्मी बणाएच़ा ऊई ला महस तेजोमय तोह।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

गलातियों 3:8

दंङ पवित्रशास्त्र रिंङ महस तुहई दि च़ेहसी तोहई कि, “कि परमेश्वर ऊईजाति तु दोतिंङ विशवासो हिसाबे धर्मी ठहराएपोतो, दिए वहज़ा तोह कि पवित्र शास्त्रारिंङ, अपेहल परमेश्वरे तुहई ए अब्राहमा बि दि रूठे खबर रंदे कि दंङ दोई दोरंङ साते कुई” “कनु दोरच़ी, गेह दि संसारो भत्ते मीहतिंङ आशीष रमोग।”

गलातियों 5:5

गेह झांह कुट्री तरच़ातग छना कुचे हेंदिंङ पवित्र आत्माओ दोरच़ी पूरा भरोसा तोह कि परमेश्वर हेंदिंङ धर्मी रूपारिंङ ग्रहण लोहतो छना कुचे हेनर यीशु मसीहू टोहकठे विशवास लहज़ातंई।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

1 पतरस 1:10

दि उद्धार झांह ठ्रोह तोहई अतु पाहठी भविष्यवक्तार ऊई ञेंच़िमी तातोर। दोच़ी भविष्यवाणी लहरिर, कि छना परमेश्वर केतिंङ बचाएच़िमी थल्जी केहतु थल्जी दयालु तरीका रंङ कम लोहतो अतु केरे जोगे माह तोहई। दोच़ी जबाब पेट्रीमी थल्जी महस खबरदार रंङ साते जांच लहरिर।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।