रोमियो 3:19 - लाहौली बाइबिल

¹⁹ ञेंहच़ी ञेंच़ातंई कि कानून छिला कुट्रा, दुह मीहतंङ साते कुट्रा, अंऊ मुसाओ कानूनो अधीन तोतोर, ताकि मीहतिंङ बहाना बणाएट्रिमी दोरच़ी रोकेकी तरपोंई, दंङ संसारो भत्ते मीहरे परमेश्वरो फेंसला ओ अधीन शोर।

रोमियो 3:19 Iomraidhean Croise

यहून्नो 15:25

दंङ दिह दुह गप्पा पुरा लहज़ा अंऊ दोतु पवित्र शास्त्रारिंङ च़ेहसी तोह। दोई कुट्रा, “दोच़ी छा बजह मेह गेरंङ साते नफरत लहतोर।”

यहून्नो 8:9

पर दोरे दिह रेड्रीरंङ साते मोह्ड़े च़ि कवचि तचेक इच्च़ा-इच्च़ा लेह दिह ञेंह कि दोरे भत्ते पापी तोईरे दोरच़ी अच्च़ा इलिरे, दंङ यीशु इच्च़ा केह्षा इलि, दुह मेच़िमी रंङ साते अरी अईता तचेक दोर्तिंङ ए खड़े तोहई।

रोमियो 1:20

परमेश्वरो अनंत सामर्थ ए गुण तंङी मारछी। पर दि गप्पारे परमेश्वरे धरती ऊ उत्पत्ति बे तुहई, एनोह रचना लहसी भत्ते चीज़ो दोरच़ी कंङे चरच़तो। झांह लेह दुह मीहतु कछंङ दि कुट्रीमी छल्ले बहाना माह कि दोरे परमेश्वरा बि माह ञेंहच़ातोर।

रोमियो 3:2

वोई, इच्च़ा यहुदी शुहबिमी महस फायदा तोह। भत्ते बे ज़रूरी गप्पा दि तोह कि, परमेश्वरो बचन यहुदी मीहतिंङ रांहषी तोह।

रोमियो 3:23

झांह लेह भत्ते ज़ि पाप लहसी तातोर दंङ दू महिमा तचेक पिचे मारतेंई अंऊ परमेश्वरे रंड्रा।

रोमियो 3:4

मह! बिल्कुल ला माह! भले हर इच्च़ा मीह हप्सी शोतो तांला परमेश्वर सच्चा साबित शोतो। छना कि पवित्रशास्त्र परमेश्वरो पाहठी कुट्रा, “झांह लेह कांह केनोह गप्पारिंङ धर्मी ठहरेसोन, दंङ फेंसला लहज़ा केई जय खोकपोन।

रोमियो 3:9

दंङ, छि ञेंरे यहुदी मीहरे गैर यहुदी मीहतु बे रूठे तोतोंईयां? माह! बिल्कुल माह! छना कुचे ञेंहच़ी तुहई साफ-साफ कुह्चे चरच़ातेंई कि यहुदी ए ऊईजाति भत्ते पापो शाक्ति ऊ अधीन तोतोंई।

1 कुरिन्थियों 1:29

परमेश्वरे दि दिऊ थल्जी लहरी ताकि अरिला मीह परमेश्वरो तुईज़ी घमण्ड लेह मरपोतो।

गलातियों 3:10

झांह लेह अंयों मीहरे मूसा ओ कानूनो कमो टोईच़ी विशवास तहच़ातेर, दोरे परमेश्वरो शापो अधीन तोतोर, छना कुचे पवित्र शास्त्रारिंङ च़ेहसी तोह, “अंऊ मूसा ओ कानूनारिंङ च़ेहसी भत्ते गप्पो भाषे माह लहज़ातोर, दोरे परमेश्वरो शापो अधीन तोतोर।”

गलातियों 4:21

दंङ केरे, अंऊ मूसा ओ कानूनो अधीन शुहबी जुन्ज़ातंई! गिऊ गप्पा रेड्रुंई! गेह केतिंङ कमोग कि पवित्र शास्त्रा रिंङ, मूसा ओ कानूनो कताबा रिंङ छि च़ेहसी तोह।

गलातियों 4:5

ताकि दोई हेंदिंङ आज़ाद लेह तरपोतो, अंऊ मूसा ओ कानूनो अधीन बंङज़ातेर दंङ दोई हेंदिंङ एनोह कटु रूपा रिंङ गोद लेहपच़ी च़रति।

गलातियों 5:18

अगर केरे पवित्र आत्माओ हिसाबे जीवन श्रींङमातंई दंङ केरे मूसा ओ कानूनो गुलाम माह तोंई।