रोमियो 2:9 - लाहौली बाइबिल

⁹ मदम कम लहज़ा हर इच्च़ा मीहबी दुख ए मुसीबत सहन लहज़ी लेह्पोतो, चाहे दुह अरिला छारिंङ माह शोतो, तुहई यहुदी मीहरे दंङ दोऊ थले दोरे अंऊ ऊई जाति तोतोर।

रोमियो 2:9 Iomraidhean Croise

मत्ती 16:26

अगर मीह भत्ते संसाराबि खोक्शे च़रपोतो दंङ एनोह जहानो नुकसान लोहतो, ता दोबि छि फायदा शोतो? या परमेश्वरारंङ साते अनंत जीवन खोकसिमी थल्जी ञेंहच़ी परमेश्वरा बि छल्ले रेह मरच़ि।

लूको 24:47

दंङ यरूशलेम शहरो दोरच़ी भत्ते जातितु बिचंङ पापो दोरच़ी सेहम यहच़िमी ए पापो दोरच़ी माफिऊ प्रचार, मसीहू मिनज़ि शोतो।

प्रेरित 11:18

दिह रेड्रा दोरे यहुदी बिशवासीर चुपे बंङज़िरी, दंङ परमेश्वरो तारीफ लहज़ा कुट्री लेहतिर, “दंङ ता परमेश्वरे ऊईजाति ऊ मीहतिंङ ला अनंत जीवनो थल्जी एनोह पापो दोरच़ी सेहम किरज़िमी ए यीशु मसीहू टोहकठे बिशवास लहज़िमी दान रांहषी ततो।”

प्रेरित 13:26

“हे बिशवासी न्वारे, केरे अंऊ अब्राहमो कटुरे शुई; दंङ केहरे अंऊ परमेश्वर ओ बेह्द चेहच़ातंई, परमेश्वरे हेंदु कछंङ उद्धारो खबर च़रसी ततो।”

प्रेरित 20:21

गेह यहुदी मीहरे ए ऊईजाति मीहतिंङ शिक्षा रेंईगा, दुह भत्ते तंङ साते कुईगा कि दोरे एनोह पापो दोरच़ी सेहम किरच़ी च़रतुंई, दंङ ञेंहतु प्रभु यीशु मसीहू टोईच़ी विशवास लंहि।

प्रेरित 26:20

पर गेह तुहई दमिश्क शहरा रिंङ यहुदी तिंङ प्रचार लहरिगा, दोहथल यरूशलेम शहरो बंङज़ा तिंङ, दंङ भत्ते यहूदिया प्रदेशारिंङ रिंङ दंङ ऊईजाति मीहतु बिचंङ गेह प्रचार लहरिगा, कि केनातु पापो दोरच़ी सेहम किर्ज़ुंई दंङ परमेश्वरो हखा किरज़ा केनातु व्यवहारो दोरच़ी दि साबित लंहि कि केहच़ी पापो दोरच़ी केनातु सेहम किरज़े चरच़ातंई।

प्रेरित 28:17

षुमु ध्याड़ो थल पोलुसे दोरकी यहुदी अगुवो तिंङ सभा ओ थल्जी बुलाती। दंङ अपेहल दोरे ठ्रोहका शुई ता दोतंङ साते कुई, “हे न्वारे, गेह घेंङौ मीहतु खिलाप छल्ले बुराई माहलग। दंङ माह ए बाह-मेमेतु रिति-रिवाज़ो खिलाप छा लहसी तातग, तांला यरूशलेम शहरंङ इच्च़ा कैदी बणेंके इलिगा, दंङ रोमी सरकारो गुहडिंङ रें च़रतिर।

प्रेरित 28:28

दिऊ थल्जी, दि ठीक तोह कि केतिंङ दि पता लेहकी योतो कि परमेश्वरो दि उद्धार हेंतेग ऊईजाति तु थल्जी ला मौजूद तोह। दोरे ला दिबी स्वीकार लोहर।”

प्रेरित 3:26

अपेहल परमेश्वरे एनोह सेवक यीशु बि सिए दोरच़ी श्रींङे लेह दोई दोबि भत्ते बे तुहई केरे इस्राएलो मीहतु कछंङ च़रति। कि केहतु बिचंङ च़ि हर इच्च़ा पापो जीवनो दोरच़ी परमेश्वरो हखा अपिमी मदत लोहतो।”

रोमियो 1:16

छना कुचे गेह यीशु मसीहू रूठे खबरो टोहकठे पूरा विशवास लहज़ातग, एनोह सामर्थो दोरच़ी परमेश्वर दू भत्ते तु उद्धार लहज़ा, अंऊ दि रूठे खबरो टोईच़ी विशवास लहज़ातोर, भत्ते बे मुन्डा यहुदी मीहतु दंङ दोतु अंऊ यहुदी मीह माह तोहर।

रोमियो 10:12

यहुदी मीहतु बिचंङ ए ऊईजाति तु मीहतु बिचंङ छल्ले भेद माह, झांह लेह कि परमेश्वर भत्ते तु प्रभु शुह; दंङ दू भत्ते तिंङ बचाएपोतो, अंऊ दोबि मदतो थल्जी हाऊष रंड्रातोर।

रोमियो 2:10

पर भलाई लहज़ा हर इच्च़ा मीहबी महिमा, आदर ए शक्ति खोकसोतो, भत्ते बे तुहई यहुदी मीहतिंङ खोकसोतो दंङ दोऊ थल दोतु अंऊ यहुदी माह तोर।

रोमियो 8:35

अच़िला हेंदिंङ परमेश्वरो दाह ओ दोरच़ी शत्‌ह लेह मरपोतो। माह दुख, माह मुसीबत, माह झगड़ा, माह अकाल, माह कंगाली, माह जोखिम, माह तलवार,

रोमियो 9:24

चाहे यहुदी शुह या ऊईजाति, हेनर ए दू अंङषी मीह शुई।

गलातियों 3:28

दंङ हेंतेग माह ए अरिया यहुदी तोह दंङ माह ए ऊई जाति, माह अरिया दास तोह दंङ माह ए अरिया आज़ाद, ए स्वतंत्र, माह ता अरिया गंङमी दंङ माह ए मेच़िमी, केरे भत्तेर यीशु मसीह रिंङ इच्च़ा शुहचे इलजी तोतोंई।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।

2 थिस्सलुनीकियों 1:6

छना कुचे परमेश्वरे हमेशा सच्चाई रंङ साते फेंसला लहज़ी, दंङ दोई दुह, मीहतिंङ दुख रंड्रा, अच़ि केतिंङ दुख रांहषी तोह।

1 पतरस 4:17

हेंतेग दि परमेश्वरो टेम तोह कि दू मीहतु न्याय लहज़ी शुरू लोहतो। भत्ते बे तुहई दू हेंदु विशवासी तु न्याय लोहतो, झांह लेह दू भयानक चीज़ा तु पाहठी सोचेक्तुंई अंऊ दू मीहतंङ साते शोतो, अंऊ परमेश्वरो रूठे खबर माह मनेक्च़ातेर।