रोमियो 2:8 - लाहौली बाइबिल

⁸ पर अंऊ मतलबी तोतोर ए सच्चाई माह मनेक्च़ातोर, पर मदम लहज़ी जुन्ज़ातोर, परमेश्वर दोतु टोईच़ी एनोह रोहष प्रगट लोहतो।

रोमियो 2:8 Iomraidhean Croise

रोमियो 1:18

परमेश्वरो रोहष ता स्वर्गो दोरच़ी दुह मीहतु भत्ते पाहठी मदम ए अधर्मो कमो टोहकठे प्रगट शवाह, अंऊ एनोह मदम कमो दोरच़ी मीहतिंङ परमेश्वरो पाहठी सच्चाई ञेंहच़ी रंङ रोकेक्च़ातोर।

रोमियो 10:16

पर भत्ते मीहच़ी दू रूठे खबरो टोईच़ी विशवास माह लहरिर। यशायाह भविष्यवक्ता ज़ि कुट्रा, “हे प्रभु, थोड़े मीहच़ी ए हेंदु रूठे खबरो टोईच़ी ए विशवास लहज़ातोर।

रोमियो 15:18

छना कुचे मसीह गिऊ वहज़ा ज़ि छि लहसी ततो गिह्बी दि गप्पा कुट्रीमी हिम्मत तोह, कि गेह ऊईजाति तु मीहतिंङ परमेश्वरो कछंङ हपिमी काबिल तोतोग। अपेहल दोच़ी गिऊ सग थाषातेर दंङ गिऊ कम तंङातेर दंङ दोच़ी परमेश्वरो टोहकठे विशवास लहरिर।

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

रोमियो 9:22

परमेश्वर बि अधिकार तोह कि अंऊ मीहतिंङ दोई बणाषी ततो दोतंङ साते एनोह हिटी हिसाबे छना जुंज़ा ध्वांए लेह तरपोतो परमेश्वर एनोह रोहष कंड्री ततो दंङ हर इच्च़ा खिलाप एनोह शाक्ति प्रगट लहज़ा अंऊ नष्ट शुहबिमी हकदार तोह। पर दिऊ वहज़ा, दोई धीरज़ारंङ साते दोतु सहन लहरी।

1 कुरिन्थियों 11:16

पर अगर अच़िया दि सोचेक्च़ा कि छि गेह कुट्रातग दू गलत तोह। दंङ दि ञेंई च़रतुंई कि हेंदु ए परमेश्वरो कलीसिया रिंङ हेंदिंङ दि छोड़ेके ऊई छल्ले रिवाज़ माह।

2 कुरिन्थियों 12:20

दंङ गिह्बी दिला बेह्द तोह, कि झांह शुहबी मेस, कि गेह अंज़े छना जुंज़ातग, ध्वांए केतिंङ माह खोकपोग; दंङ गिह्बी ला छना केहच़ी माह जुन्ज़ातंई ध्वांए खोकपोंई, दंङ गिह्बी दि ला बेह्द तोह कि केहतु बिचंङ झगड़ा, जलन, रोहष, विरोध, चुगली, घमण्ड ए बखेड़ा लहज़िमी ठ्रोह स्वाभाव खोकपोग।

गलातियों 5:20

मुर्तिऊ पूजा, जादू टोना, दुश्मनी, झगड़ा, जलन, रोहष, स्वार्थ, फूट केट्री, विधर्म,

फिलिपियों 1:17

अंऊ मीहरे जलन ए लड़ाई-झगड़ा ओ थल्जी मसीहू पाहठी प्रचार लहज़ा तोर, दोरे एनोह फायदा ओ थल्जी मसीहू रूठे खबर ईमानदारी रंङ साते माह सुनाएच़ा तोर, दंङ देहर कैदरिंङ गिऊ मुसीबत बढ़ाएच़ातंई।

फिलिपियों 2:3

केनातु फायदा ए हप्सी घमण्डो थल्जी छल्ले थालंही, पर दीनता रंङ साते इच्च़ा इदि-इदि बि केनाह बे रूठे समझेक्तेंई।

2 थिस्सलुनीकियों 1:8

दंङ अंऊ परमेश्वराबि माह सेहचातोर, दंङ हेंदु प्रभु यीशु मसीहू रूठे खबर स्वीकार माह लहज़ातोर दोतिंङ दोई सज़ा रमतो।

तीतुस 3:9

पर मुर्ख गप्पो बहसो दोरच़ी शत्‌ह बंङज़ु, बाह-मेमेतु लम्हें सुचि थल्जी टेम बरबाद थालंही, बैर विरोध ए दुह झगड़ो दोरच़ी, अंऊ मूसा ओ नियम कानूनो पाहठी शोतो, दोतंङ बचेके तोंई, छना कुचे दुह गप्पो छल्ले फायदा माह दंङ माह ए अतुआ मदत लहज़ी।

इब्रानियों 10:27

बल्कि, दोतिंङ सिर्फ परमेश्वरो न्याय ए भयानक मेहू उम्मीद लहज़ी जूंशी तोह दंङ दोतिंङ नाश लेह च़रपोतो छना कुचे अंऊ दोच़ी परमेश्वरो विरोध लहज़ातोर।

इब्रानियों 11:8

विशवास लहज़िमी रंङ साते ए अब्राहमा बि इच्च़ा ठहरि रिंङ इबिमी थल्जी बुलाएकते, दंङ दू परमेश्वरो हुकुम मनेक्च़ा इच्च़ा झांह ठ्रोह ठहरि अच़ा इलि, अंऊर परमेश्वर दोबि दोऊ हिस्सा ओ ज़मीन रंड्रीमी तते, दंङ दोई दि माह ञेंहच़ाते कि दू अंऊखा इबि तहरे; तांला हुंच़ा इलि।

इब्रानियों 5:9

परमेश्वरे मलिकिसिद्को ठ्रोह दोबि यहुदी महापुरोहित ओ आदर रांही, दोबि सिद्ध बणाएति दंङ दू भत्ते मीहतु थल्जी उद्धारो शुरूआत बणेंके इलि अंऊ दोऊ हुकुमो भाषे लहज़ातेर।

याकूब 3:14

पर अगर केरे केनातु सेहमरिंङ जलनो गप्पा, रोहष ए विरोध तहच़ातंई, ता घमण्ड थालंही, दंङ माह ए सच्चाई ऊ थल्जी हप्सी कुंई।

याकूब 3:16

झांह लेह अंऊर जलन ए, स्वार्थ शवाह दोर्तिंङ झगड़ा ए भत्ते पाहठी ऊ कुकम ला शवाह।

1 पतरस 3:1

हे मेच़ारे, केरे ला केनातु गगसा तु अधीन बंङज़ुंई। छना कुचे अगर दोतु बिचंङ ज़ि अरिला परमेश्वरो बचनो टोईच़ी विशवास लहज़िमी रंङ साते इंकार लहज़ा,

1 पतरस 4:17

हेंतेग दि परमेश्वरो टेम तोह कि दू मीहतु न्याय लहज़ी शुरू लोहतो। भत्ते बे तुहई दू हेंदु विशवासी तु न्याय लोहतो, झांह लेह दू भयानक चीज़ा तु पाहठी सोचेक्तुंई अंऊ दू मीहतंङ साते शोतो, अंऊ परमेश्वरो रूठे खबर माह मनेक्च़ातेर।

प्रकाशित वाक्य 14:10

दंङ दुह परमेश्वरो रोहषो बट्रडा केहच़ी अंऊ मिलावट रंङ, दोऊ रोहषो कोली रिंङ केहच़ी च़रति, तुंङमोतो दंङ पवित्र स्वर्गदूतो तुईज़ी कुरच़ो तुईज़ी मेह ए गन्धको टेहषीरिंङ पढ़ेक्पोतो।

प्रकाशित वाक्य 16:19

बेबीलोनो मोह्ड़े शहरो षुमु खंणी शुहचे इलि, दंङ भत्ते संसारो शहर नष्ट शुहचे इलिर। छना कुचे परमेश्वरे दुह पूरा लहरी अतु दोई बाबेलो मीहतंङ सज़ा ओ वाईदा लहसी तहरे। दिबी परमेश्वरो तरफे कठोर सज़ा रंड्रीमी तहरे। दि झांह ए ठ्रोह शोतो छना दोच़ी ती मेह सरा तुंङसी शोतो, अतिंङ परमेश्वरे एनाबि दुह बट्रडा रिंङ थोरच़ी ततो अंऊ दोऊ रोहष बि कंड्रा।