रोमियो 2:5 - लाहौली बाइबिल

⁵ पर केरे ज़िद्दी तोतोंई दंङ झांह लेह केरे पश्चाताप लहज़िमी रंङ साते इंकार लहज़ातंई, झांह लेह परमेश्वर केतिंङ महस खरे सज़ा रमतो। छना कुचे दुह ध्याड़ा अपि लेहकी तोह, अपेहल परमेश्वरे एनोह रोहष कमबोतो दंङ एनोह सच्चा न्याय प्रगट लोहतो।

रोमियो 2:5 Iomraidhean Croise

रोमियो 1:18

परमेश्वरो रोहष ता स्वर्गो दोरच़ी दुह मीहतु भत्ते पाहठी मदम ए अधर्मो कमो टोहकठे प्रगट शवाह, अंऊ एनोह मदम कमो दोरच़ी मीहतिंङ परमेश्वरो पाहठी सच्चाई ञेंहच़ी रंङ रोकेक्च़ातोर।

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 9:22

परमेश्वर बि अधिकार तोह कि अंऊ मीहतिंङ दोई बणाषी ततो दोतंङ साते एनोह हिटी हिसाबे छना जुंज़ा ध्वांए लेह तरपोतो परमेश्वर एनोह रोहष कंड्री ततो दंङ हर इच्च़ा खिलाप एनोह शाक्ति प्रगट लहज़ा अंऊ नष्ट शुहबिमी हकदार तोह। पर दिऊ वहज़ा, दोई धीरज़ारंङ साते दोतु सहन लहरी।

2 कुरिन्थियों 5:10

छना कुचे ज़रूरी तोह कि हेंदु भत्ते तु मसीहू दोरच़ी फेंसला शोतो, कि हर इच्च़ा मीह एनोह-एनोह रूठे ए मदम कमो दोरच़ी अंऊ दोतु फुको दोरच़ी शुहचे तोह, दोऊ बदला खोकपोर।

2 थिस्सलुनीकियों 1:5

दिह भत्ते परमेश्वरो सच्चे फेंसला ओ साफ सबूत तोह, कि केरे परमेश्वरो राज्यो जोगे शुई, अतु थल्जी केहच़ी भत्ते ज़ि दुख उठाएच़ातंई।

इब्रानियों 3:13

पर अपेहल तचेक हेनर दुह मुक्का ओ ध्याड़ा, अपि पवित्र शास्त्रा रिंङ “तोग कि ध्याड़ा” कुट्री तरपोंई, केहतु तुईज़ी तोह, हर ध्याड़ा इदि-अईदि बि याहब रम्मा लंहि, झांह शुहबी मेस केहतु बिचंङ अरिला पापो बहकावा रिंङ अंज़े ढीठ शुहचे योंई।

इब्रानियों 3:15

छना कि पवित्र शास्त्रारिंङ च़ेहसी तोह, “अगर तोग केहच़ी परमेश्वरो सग रेड्रातंई, दंङ दोऊ हुकुम मनेक्च़िमी दोरच़ी इन्कार थालंही, छना कि परीक्षा ओ मुक्का परमेश्वरो खिलाप विद्रोह लाहतेर।”

इब्रानियों 4:7

झांह लेह परमेश्वरे एनोह नहच़िमी ठाहरीरिंङ अपिमी थल्जी अई इच्च़ा टेम रांई, दंङ दू टेम हेंतेग तोह। हेंदु बाह-मेमेतु विरोधो महस साल थल, दोई रज्ज़ा दाऊदो दोरच़ी दि बचनो घोषणा लेई लहरी, अंऊ तुहई बेहच़ी कुहषी तोहई: “अगर तोग केरे परमेश्वरो सग रेड्रातंई, ता दोबि रेड्रीमी दोरच़ी इंकार थालंही।”

याकूब 5:3

केहतु ज़ंङ ए मुल तिंङ जंग लेहके इलज़ा; दंङ दुह जंग न्यायो मुक्का केहतु खिलाप गवाही रमतो, दंङ केहतु फुका बि मेहू ठ्रोह रोह्चे च़रपोतो। केहच़ी अन्तिम जुगारिंङ ढबाह ठ्रोहका लाहतंई।

2 पतरस 2:9

अपेहल कि प्रभु ज़ि दि भत्ते चीज़ लहरी, दंङ दिऊ दोरच़ी पता लेहपा कि दोई ञेंहच़ा कि ईश्वरीय मीहतिंङ दोतु दुखो दोरच़ी छना छुड़ाएपोंई, दंङ छना मदम मीहतिंङ न्यायो ध्याड़ा तचेक रोज सज़ा रंड्री तोह।

2 पतरस 3:7

छना ठ्रोह परमेश्वरे दिह संसारो भत्ते तिंङ हुकुम रंदे, ध्वांए ठ्रोह दोई हुकुम रांहषी ततो कि तुहई कि संसार दोहपल तचेक बणेंके बंङज़ोतो अपेहल तचेक कि मेह रंङ रोह्चे माह केट्रा। दुह दोतिंङ दुह ध्याड़ा तचेक तहज़ा अपेहल दुह भत्ते मीहतु न्याय लोहतो दंङ अधर्मी मीहतु नाश लेह च़रपोतो।

यहूदा 1:6

हिद लंहि कि प्रभु ज़ि स्वर्गदूता तिंङ छना ठ्रोह सज़ा रांई, अंऊ दोच़ी एनोह ज़िम्मेवारी रूठे रंङ निभाएतिर माह, बल्कि दोच़ी एनोह ठहरि छोड़ेकी केहरी। प्रभु ज़ि दि स्वर्गदूता तिंङ हंयार ठहरि केहषी ततो, झांह ठ्रोह षंङणी रें छ़ुह्च़ी ततो अपि अच़िला थाक्शे मरपोतो, ताकि मोह्ड़े ध्याड़ा रिंङ दोतु अनंत जीवनो न्याय शुहबी तरपोतो।

प्रकाशित वाक्य 2:21

गेह दोबि दोऊ पापो दोरच़ी पश्चाताप लहज़िमी मौका रेंईगा, पर दोई दुह कुकम ब्याड़ा लहज़िमी रंङ साते इंकार लहज़ा।

प्रकाशित वाक्य 6:17

छना कुचे दुह भयानक ध्याड़ा पिचे इलजी तोह, अपेहल परमेश्वर ए कुरच़ा भत्ते तिंङ सज़ा रमोर, दंङ अरिला दि सज़ा ओ दोरच़ी बचेकी मरपोतो।