रोमियो 2:3 - लाहौली बाइबिल

³ दंङ कांह अंऊ झांह ठ्रोह कम लहज़ा मीहतु टोहकठे दोष लगाएच़ातन, दंङ केनाह दुह कम लहज़ातन; छि दि समझेक्सतना कि कांह परमेश्वरो सज़ा ओ दोरच़ी बचेकी योन?

रोमियो 2:3 Iomraidhean Croise

मत्ती 23:33

हे ज़हरीले ओमड्रो कटुतु ठ्रोह मांजी मीहरे, केरे नरकंङ सज़ाओ दोरच़ी माह बचेकपोंई।

मत्ती 26:53

छि केह माञेंहना कि घेंङौ बाहऊ दोहरची बिनती लेह तरच़ातग, दंङ दोई स्वर्गदूता तु सनी पलटन हेंतेग खड़े लेह च़रपोतो?

लूको 12:14

यीशुज़ि दोरंङ साते कुहतो, “हे मित्रा! गेह अरी शुगाह कांह न्याय लहज़ा ए कांह टंगा ढबाह फाहज़ा?”

लूको 22:58

“थोड़े टेमो थल अईदि पतरसबि खांई कुहतो, कांह ला दोतु बिचंङज़ि शुनाह।” पतरसे कुहतो, “हे मीह गेह दोतु बिचंङज़ि माह शुगाह।”

लूको 22:60

पतरसे कुहतो, “हे मीह, गेह माह ञेंहगा केई छि कुट्रातन” दुह कुट्रीए लेहकी तोहई कि दोहथल ए कुकुड़ हाऊष रेंई।

रोमियो 1:32

दंङ दोरे ता परमेश्वरो दि विधि ञेंच़ातोर कि झांह, झांह कम लहज़ा दुरे सिमी सज़ा जोगे शुहरे, तांला ऐनाह ए झांह ठ्रोह कम मा लहज़ा पर दि ठ्रोह कम लहज़ा दोतंङ साते ला खुश शुहवा।

रोमियो 2:1

झांह लेह, हे ऊईतु टोहकठे दोष लगाएच़ा! केरे चाहे अरिला छारिंङ माह शोंई, बहाना लेह मरपोंई। अंऊ गप्पा रिंङ केरे ऊईतिंङ दोष लगाएच़ातंई, दुह ए गप्पारिंङ केनातिंङ ला दोषी ठहराएच़ातंई। छना कुचे केरे, अंऊ ऊईतु टोहकठे दोष लगाएच़ातंई, केनाह ए दुह कम लहज़ातन।

रोमियो 2:2

दंङ ञेंहच़ी ञेंहच़ातंई कि परमेश्वर सही न्याय लहज़ा शुह। झांह लेह दोई झांह ठ्रोह मदम कम लहज़ा मीहतिंङ ज़रूर सज़ा रमतो।

रोमियो 9:20

हे मित्रा, कांह मीहरे अरि शुनाह, अच़ि परमेश्वरो हखा सवाल लहज़ा? छि पथेके चीज़ एनोह बणाचा दोरंङ साते कुट्री तरपोतो, “केई गिह्बी झांह ठ्रोह छिल्ले बणेकतन?”

1 थिस्सलुनीकियों 5:3

अपेहल मीहच़ी कोहर, कि “भत्ते धिर ठीक तोह, दंङ छिल्ला मुसीबत माह,” दंङ मुसीबत, खोकटुंङ मेच़िमी ओ लिहक्पिमी टेहषी ठ्रोह दोतु टोहकठे अच्च़ा अपतो; दंङ दोरे दोरंङ बचेके मरपोर।

इब्रानियों 12:25

खबरदार बंङज़ुंई, दंङ परमेश्वर अंऊ केतंङ साते कुट्रा दोऊ हुकुमो भाषे लंहि। इस्राएलो मीहतिंङ सज़ा खोकसिरी अपेहल दोच़ी मूसा ओ चेतावनी रेड्रीमी दोरच़ी इंकार लेह च़रतिर। दिऊ थल्जी दि ञेंहतु थल्जी महस मदम शोतो अगर हेनर परमेश्वरो हुकुम भाषे माह लहज़ातंई अंऊ हेंदिंङ स्वर्गंङ ज़ि चेतावनी रंड्रा।

इब्रानियों 2:3

झांह लेह अगर हेनर दि महान उद्धारो अनदेखी लोहनि ता दंङ पक्‍का रूपारिंङ हेंदिंङ ला सज़ा खोकसोतो। प्रभु ज़ि ऐनाह तुहई ए दि उद्धारो पाहठी कंङाते, दंङ अंऊ दोच़ी प्रभु दोरच़ी रेड्री तरेर, दुह मीहतु वहज़ा ज़ि हेंदु थल्जी दि साबित शुचि इलि।