रोमियो 2:16 - लाहौली बाइबिल

¹⁶ दि दुह ध्याड़ारिंङ शोतो अपेहल परमेश्वरो गिऊ दोरच़ी प्रचार लहसी रूठे खबरो हिसाबे यीशु मसीहू दोरच़ी मीहतु ब्याके गप्पो फेंसला लोहतो।

रोमियो 2:16 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

लूको 8:17

गिऊ कुट्रिमी मतलब दिह तोह कि परमेश्वर दुह भत्ते गप्पातिंङ प्रगट लोहतो। अंऊ हेंतेग तचेक ब्याके तोहई। दंङ अंऊ ला गुप्त तोह दुह ला प्रगट शोतो।

यहून्नो 12:48

अच़ि गेह तुच्छ चेहच़ा दंङ गिऊ गप्पार ग्रहण माह लहज़ा दोबि दोषी ठेहराएच़ा इच्च़ा तोह; मतलब अंऊ बचन गेह कुहषी तातग, दोई अंतिम ध्याड़ा रिंङ दोबि दोषी ठहराएपोतो।

प्रेरित 10:42

दोहथल दोई ञेंतिंङ हुकुम रेंई कि भत्ते मीहतु बिचंङ प्रचार लांही दंङ गवाही रांई, कि यीशु दुह ए शुह अपि परमेश्वरे श्रींङे ए सिए दोतु न्याय लहज़ा ठहरासी ततो।

प्रेरित 17:31

छना कुचे दोई इच्च़ा ध्याड़ा ठहरासी ततो, अंऊर दोई दुह मीहू दोरच़ी धर्म रंङ साते संसारो न्याय लोहतो, इच्च़ा मीह तोह अतिंङ दोई दोतिंङ रूठे रंङ न्याय लहज़िमी थल्जी ठहरासी ततो, दंङ दोई दोबि सिमी दोरच़ी यह्च़ा श्रींङमी लहज़ी दि पक्‍का लहरी कि दुह, दुह ए शुह।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

रोमियो 2:5

पर केरे ज़िद्दी तोतोंई दंङ झांह लेह केरे पश्चाताप लहज़िमी रंङ साते इंकार लहज़ातंई, झांह लेह परमेश्वर केतिंङ महस खरे सज़ा रमतो। छना कुचे दुह ध्याड़ा अपि लेहकी तोह, अपेहल परमेश्वरे एनोह रोहष कमबोतो दंङ एनोह सच्चा न्याय प्रगट लोहतो।

रोमियो 3:6

मह! बिल्कुल माह! अगर परमेश्वरे यहुदी तु फेंसला लहज़िमी सही माह ता, दंङ दुह पक्‍का रूपारिंङ संसारो मीहतु फेंसला लेह मरपोतो।

1 कुरिन्थियों 15:1

हे गिऊ प्यारे साथी विशवासी रे, गेह केतिंङ दुह ए रूठे खबर हिद दिलाएच़िमी तातग अंऊ गेह तुहई सुनाके चरच़ातग, अंऊ रूठे खबरो टोईच़ी केहच़ी विशवास लहज़ातंई दंङ अंऊ दोऊ दोरच़ी केरे खड़े ला तोतोंई।

1 कुरिन्थियों 4:5

झांह लेह अपेहल तचेक प्रभु दोबारा वापिस माह अपा दू मुक्का तचेक अतुला न्याय थालंही। छना कुचे प्रभु साफ तरीका रंङ साते दू भत्ते विचार कम्बोतो, अंऊ मीहतु अंदरेग तोह, अतु पाहठी ऊई अच़िला माह ञेंओर। दू दोतु इरादा बि प्रगट लोहतो अंऊ दोतु सेहमरिंङ तोह, दोहपल परमेश्वरे दोतु षटणा शोतो।

2 कुरिन्थियों 5:10

छना कुचे ज़रूरी तोह कि हेंदु भत्ते तु मसीहू दोरच़ी फेंसला शोतो, कि हर इच्च़ा मीह एनोह-एनोह रूठे ए मदम कमो दोरच़ी अंऊ दोतु फुको दोरच़ी शुहचे तोह, दोऊ बदला खोकपोर।

गलातियों 1:11

हे गिऊ प्यारे साथी विशवासी रे, गेह केतिंङ दि कंड्रीमी तातग, कि अंऊ रूठे खबर गेह सुनाएच़ातग, दुह मीहतु दोरच़ी मश्त।

1 तीमुथियुस 1:11

दि सच्चा शिक्षा हेंदु अद्धभुत परमेश्वरो महिमा ओ पाहठी रूठे खबरो मुताबिक तोह, अच़ि गिह्बी प्रचार लहज़िमी ज़िम्मेवारी रांहषी ततो।

2 तीमुथियुस 2:8

लगातार यीशु मसीहू पाहठी सोचेक्सा लोह, अंऊ रज्ज़ा दाऊदो खानदानो दोरच़ी शुई, दंङ परमेश्वरे दुह सिऊ दोतु बिचंङ श्रींङमी लहरी; दंङ दिए दुह रूठे खबर शुह अंऊ गेह मीहतु बिचंङ प्रचार लहज़ातग।

2 तीमुथियुस 4:1

अपेहल प्रभु यीशु मसीह इच्च़ा रज्ज़ा ओ ठ्रोह राज लहज़ी अपतो, दुह श्रींङे ए सिए झुल्ला तु फेंसला लोहतो, झांह लेह गेह परमेश्वर ए प्रभु यीशु मसीहऊ हाज़िरी रिंङ दि बिनती लहज़ातग।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

इब्रानियों 9:27

हर इच्च़ा मीहू इच्च़ा फेरा सि पक्‍का तोह। सिमी थल परमेश्वर हर इच्च़ा मीहू न्याय लोहतो।

1 पतरस 4:5

पर दू ध्याड़ा अपतो अपेहल दू मीहतिंङ दू कमो पाहठी परमेश्वरा बि जबाब रंड्री लेह्पोतो। छना कुचे परमेश्वर भत्ते मीहतु न्याय लहज़िमी थल्जी तेयार तोह, चाहे दोरे अंऊ हेंतेग श्रींङी तोतोर या दोरे अंऊ सिए इलजी तोतोर।

2 पतरस 2:9

अपेहल कि प्रभु ज़ि दि भत्ते चीज़ लहरी, दंङ दिऊ दोरच़ी पता लेहपा कि दोई ञेंहच़ा कि ईश्वरीय मीहतिंङ दोतु दुखो दोरच़ी छना छुड़ाएपोंई, दंङ छना मदम मीहतिंङ न्यायो ध्याड़ा तचेक रोज सज़ा रंड्री तोह।