रोमियो 2:13 - लाहौली बाइबिल

¹³ छना कुचे परमेश्वरो नज़रारिंङ धर्मी दोरे माह शोर, अंऊ मुसाओ कानून रेड्रातोर पर धर्मी दोरे तोतोर, अंऊ मुसाओ कानूनो भाषे लहज़ातोर।

रोमियो 2:13 Iomraidhean Croise

लूको 18:14

गेह केतंङ कुट्रातग कि, दुह ऊई माह शुह; पर दिह ए चुंगी लेहपच़ा मीह धर्मी शुई दंङ एनोह चुंखा इलि; छना कुचे अच़ि एनाबि महान बणाएक्पोतो, दुह कवचि शोतो; दंङ अच़ि एनाबि क्वाच़ी लोहतो, दुह महान शोतो।”

लूको 8:21

दोई दिऊ जुबाब दोतंङ साते कुंई, “गिऊ याह ए गिऊ न्वा दिहरे शुहरे, अरी परमेश्वरो बचन रेड्रा ए मनेक्च़ा।”

यहून्नो 13:17

दा कि केतिंङ दिह गप्पातु पाहठी पता तोह, ता लोहवा लांही कि केहरे धन्य शुई।

प्रेरित 13:39

अच़िला मीह दोऊ टोईच़ी विशवास लहज़ा परमेश्वरा रंङ साते निर्दोष ठहरेसोतो, झांह ठ्रोह अंऊ मूसा ओ कानूनो अपेहल ला लेह मरपोतो।

रोमियो 10:5

छना कुचे मूसाओ कानूना रिंङ धर्मिकता ओ पाहठी परमेश्वरो बचना रिंङ दि च़ेहसी तोह, कि “कानूनो भाषे लहज़ा, दू ए कानूनो दोरच़ी श्रींङे बंङज़ोतो।”

रोमियो 2:25

खतना लहज़िमी फायदा सिर्फ दुह ए मुक्का तोह अपेहल केहच़ी कानूनो मनेक्च़ातंई। पर अगर केरे कानूनो माह मनेक्च़ातंई, दंङ केरे खतना लहसी यहुदी मीहरे दुह मीहतु ठ्रोह ए तोतोंई अंऊ यहुदी माह तोतोर दंङ अतु खतना शुहचे माह।

रोमियो 3:20

कानूनो भाषे लहज़ी रंङ अरिला मीह परमेश्वरो तुईज़ी धर्मी माह शुहबी, छना कुचे मुसाओ कानूनो दोरच़ी हेंज़ी सिर्फ रूठे रंङ ञेंए तरपोंई कि ञेंहच़ी पाप लाहतंई।

रोमियो 3:23

झांह लेह भत्ते ज़ि पाप लहसी तातोर दंङ दू महिमा तचेक पिचे मारतेंई अंऊ परमेश्वरे रंड्रा।

रोमियो 3:30

छना कुचे इच्च़ा ए परमेश्वर तोह, अंऊ खतना लहसी यहुदी तिंङ विशवासा रंङ दंङ खतना मेह ऊईजाति तिंङ ला विशवास मेह धर्मी बणाके च़रपोतो।

1 कुरिन्थियों 4:4

गिऊ फर्क आत्मा गिह्बी छल्ले दोष माह खोकसा तांला गेह दिऊ दोरच़ी निर्दोष साबित शुहचे मरच़ातग प्रभु ए तोह, अंऊ गिऊ परख लहज़ा।

गलातियों 2:16

तांला हेनर यहुदी विशवासी ञेंहच़ातंई कि मूसा ओ कानूनो भाषे लहज़ा अरिला मीह परमेश्वरो तुईज़ी धर्मी साबित माह शोतो, पर सिर्फ मसीहू टोहकठे विशवास लेह रंङ साते धर्मी ठहरेसोतो। झांह लेह ञेंहच़ी हेंज़ी ला यीशु मसीहू टोईच़ी विशवास लहरिन, कि हेनर कानूनो कमो दोरच़ी मशत, पर मसीहू टोईच़ी विशवास लहज़िमी रंङ साते धर्मी शोंई; छना कुचे कानूनो भाषे लहज़ा ते अरिला मीह धर्मी माह ठहरेसोतो।

गलातियों 5:4

केरे ता मूसा ओ कानूनो भाषे लहज़ा दोरच़ी धर्मी साबित शुहबी जुन्ज़ातंई, दंङ केरे मसीहू दोरच़ी केनातु नाता ब्याड़ा लेह चरच़ातंई दंङ परमेश्वरो मोह्ड़े दाह बि योह्च़े चरच़ातंई।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

1 यूहन्ना 2:29

छना कुचे केहच़ी ञेंच़ातंई, कि मसीह धर्मी शुह, दंङ दिला ञेंच़ातंई, कि अच़िला धर्मो कम लहज़ा, दोरे परमेश्वरो कटुरे शुरे।

1 यूहन्ना 3:7

प्यारे कटुरे, अतुला धोखा रिंङ था अतंई। अच़ि धर्मो कम लहज़ा दुह ए मसीहू बराबर धर्मी तोह।