रोमियो 2:12 - लाहौली बाइबिल

¹² झांह लेह अच़ि मुसाओ कानून ञेंए मेह पाप लहरिर, दोरे मुसाओ कानून ञेंई मेह ए परमेश्वरो दोरच़ी सज़ा खोकपोरे, पर यहुदी ज़ि, अतु कछंङ मुसाओ कानून तोह ञेंए पाप लोहर ता, दोतु फेंसला मुसाओ कानूनो हिसाबे ए शोतो।

रोमियो 2:12 Iomraidhean Croise

मत्ती 11:22

पर गेह केतिंङ कुट्रातग न्याय ध्याड़ारिंङ केहतु हलात दुह सज़ा बे अंऊ परमेश्वरे सोर ए सीदोन शहरो मीहतिंङ रमतो दोबि ला महस शोतो।

मत्ती 11:24

पर गेह केतिंङ कुट्रातग न्याय ध्याड़ारिंङ केहतु दशा दुह सज़ा बे अंऊ परमेश्वर सोर ए सीदोन शहरो मीहतिंङ रमतो दोबि ला महस शोतो।”

यहून्नो 19:11

यीशु ज़ि जुबाब रेंई, “अगर कनिंङ परमेश्वरो दोरच़ी रांहषी माह शुंईयां, ता कांह गिऊ टोहकठे छले अधिकार माह शुबी तोहई; दिऊ थल्जी अच़ि गिह्बी कांह हवाले लहतो, दोऊ पाप महस तोह।”

प्रेरित 2:23

दुह ए यीशु, परमेश्वर ओ हिटी ऊ हिसाबे ए पुरा समझो हिसाबे, केहतु हवाले लेह केहरिर। दंङ केहच़ी दुह मांजी मीहतु मदत ए मेख्खा लगाके क्रूसंङ चहढा के सचे च़रतिन।

रोमियो 1:32

दंङ दोरे ता परमेश्वरो दि विधि ञेंच़ातोर कि झांह, झांह कम लहज़ा दुरे सिमी सज़ा जोगे शुहरे, तांला ऐनाह ए झांह ठ्रोह कम मा लहज़ा पर दि ठ्रोह कम लहज़ा दोतंङ साते ला खुश शुहवा।

रोमियो 4:15

परमेश्वरे दोऊ टोहकठे रोहषेक्च़ी, अंऊ मुसाओ कानून बि पूरी तरह माह मनेक्च़ातेर। दंङ छा कानून तोह ए माह ता दोऊ छल्ले उल्लंघन ला माह।

रोमियो 8:3

छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

1 कुरिन्थियों 9:21

ठीक ध्वांए, ऊई जाति तंङ साते तोहई, दंङ दोतु ठ्रोह जीवन श्रींङज़ि लेहती, ताकि दोतिंङ ला प्रभु यीशु मसीह रिंङ रैंज़ा हपोग अंऊ कानूनो अधीन ए तोतोग।

गलातियों 3:10

झांह लेह अंयों मीहरे मूसा ओ कानूनो कमो टोईच़ी विशवास तहच़ातेर, दोरे परमेश्वरो शापो अधीन तोतोर, छना कुचे पवित्र शास्त्रारिंङ च़ेहसी तोह, “अंऊ मूसा ओ कानूनारिंङ च़ेहसी भत्ते गप्पो भाषे माह लहज़ातोर, दोरे परमेश्वरो शापो अधीन तोतोर।”

गलातियों 3:22

पर पवित्र शास्त्र हेंदिंङ कंड्रा कि हेनर भत्तेर पापी शुई, भत्ते संसार पापो शाक्ति ओ अधीन। झांह लेह अच़िला यीशु मसीहू टोईच़ी विशवास लहज़ा, परमेश्वरो वाईदा दुह मीहतु थल्जी ए शोतो।

याकूब 2:10

छना कुचे अच़िला भत्ते कानूनो भाषे लहज़ा तांला इच्च़ा ए हुकुम भाषे माह लहज़ा दंङ दुह भत्ते गप्पारिंङ दोषी ठहरेपोतो।