रोमियो 2:10 - लाहौली बाइबिल

¹⁰ पर भलाई लहज़ा हर इच्च़ा मीहबी महिमा, आदर ए शक्ति खोकसोतो, भत्ते बे तुहई यहुदी मीहतिंङ खोकसोतो दंङ दोऊ थल दोतु अंऊ यहुदी माह तोर।

रोमियो 2:10 Iomraidhean Croise

मत्ती 10:13

अगर दुह घरबारो मीहरे रूठे शुईरेता केहतु आशीर्वाद दोतु कछंङ पीपोह्तो पर अगर दोरे दोऊ जोगे माह शुईरेता केहतु आशीर्वाद केहतु हखा यह्च़ा अपतो।

लूको 1:79

पापारिंङ जोज़ा ए सीमी बेह्दारिंङ बंङज़ा दोतिंङ छंङी रंड्रीमी थल्जी, कि दिह छंङी ञेंतिंङ दुह अमो मार्गदर्शन लोहतो शांति ओ अम रिंङ सीधा चलाएपोतो।

लूको 12:37

धन्य शुह दुह परगर अरी एनोहो मालिको इंतज़ार लहज़ा दंङ दुह ध्याड़ो थल्जी तेयार तोह, गेह केतंङ साते हेले कुट्रातग कि दुह मालिक एनोह परगराबि बगत ज़ेइमी थल्जी बेठाएपोतो दंङ एनोह उम छ़ुचे दोऊ सेवा लोहतो।

लूको 19:42

दंङ कुंई, “अंयों ए रूठे शुचंङ कि कांह, हाँ कांह ए, तोग कि ध्याड़ो शांति ला गप्पा ञेंह। पर हेंतेग दिह गप्पा कांह टीरा ज़ि ब्याके इलजी तोत।

लूको 22:14

अपेहल दुह ध्याड़ा अति, दंङ यीशु सनी चेलारंङ साते बगत ज़ेई बंङज़िरी।

लूको 9:48

दंङ दोतंङ साते कुंई, “अगर अच़िया गिऊ चेला शुहबिमी बज़ाहज़ि अरीया कटु अपनाच़ा, दंङ दोई गेह अपनाच़ा, दंङ अच़िला गेह अपनाच़ा दोई परमेश्वरा बि अपनाच़ा, छना कू सा ता अंऊ केहतु बिचंङ ज़ि भत्ते बे कवचि तो, दुह ए मोह्ड़े शुह।”

यहून्नो 12:26

अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।

यहून्नो 14:27

गेह केतिंङ शांति रंड्रातग मतलब दुह शांति अंऊ गेह तातग; दिह दुह शांति माह शुह अंऊ संसारे रें तरपोतो, केहरे परेशान था शुई दंङ बेंईन था।

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

प्रेरित 10:35

बल्कि हर इच्च़ा जाति अच़ि परमेश्वरो बेह्द चेहच़ा दंङ धर्मो कम लहज़ा, परमेश्वर दोतिंङ ग्रहण लहज़ा।”

रोमियो 14:17

परमेश्वरो राजारिंङ ज़े तुंङमी ज़रूरी माह, पर ज़रूरी गप्पा दि तोह कि परमेश्वरा रंङ साते सही जीवन श्रींङमातंई, पवित्र आत्मारिंङ शांति ए दू खुशी शुहबी तोह।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

रोमियो 2:9

मदम कम लहज़ा हर इच्च़ा मीहबी दुख ए मुसीबत सहन लहज़ी लेह्पोतो, चाहे दुह अरिला छारिंङ माह शोतो, तुहई यहुदी मीहरे दंङ दोऊ थले दोरे अंऊ ऊई जाति तोतोर।

रोमियो 5:1

झांह लेह हेनर विशवासो दोरच़ी धर्मी ठहरेक्सा इलिन, दोहपल प्रभु यीशु मसीहू दोरच़ी परमेश्वरा रंङ साते हेंदु मेल-मिलाप शुचि इलजी तोह।

रोमियो 8:6

फुका रंङ साते दाह लहज़ी ता मौत ए तोह, पर आत्मो टोईच़ी सेहम लगाएच़ी जीवन ए शांति तोह।

रोमियो 9:21

छि कुमाहराबि षोह टोईच़ी अधिकार माह, कि षोह युन ज़ि इच्च़ा नंदे खास कमो थल्जी, दंङ अईबि रोज इस्तेमाल लहज़िमी थल्जी बणाएतेनि?

रोमियो 9:23

दोई झांह दिऊ थल्जी लहरी छना कुचे दोई दि कंड्री तते, कि दू अंयों महान तोह अपेहल दोई दू मीहतु टोईच़ी दया लहरी अंऊ दोतिंङ दोई एनोह महिमा रिंङ भागीदार शुहबिमी थल्जी अंङषे ततो।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

फिलिपियों 4:7

दोहपल परमेश्वरो शांति, अंऊ मीहू समझबे परे तोह, केहतु सेहम ए केहतु विचार मसीह यीशु रिंङ सोटेगे ताऊतो।

1 तीमुथियुस 1:17

दंङ हेंतेग अनंतकालो रज्ज़ा अंऊ हमेशा ओ थल्जी श्रींङी तोह अपि अच़िला खांई मरपोर, इच्च़ा ए सच्चा परमेश्वरो आदर ए महिमा युगानयुग शुहवा लोहतो। अमीन।

इब्रानियों 2:7

केई दोबि स्वर्गदूता बे कम जूंशी बणाएकातन; केई दोबि इच्च़ा रज्ज़ा ओ ठ्रोह महिमा ए आदर रांहषी तातन। दंङ दोबि एनोह गुह्ट्रो कमो टोईच़ी अधिकार रांहषी तातन।

याकूब 2:22

केई खंई च़रतिन कि विशवासो दोरच़ी दोऊ कमरंङ साते मिलेकी रूठे लेह च़रति दोऊ विशवास दोऊ कमो दोरच़ी सिद्ध शुहचे इलि,

याकूब 3:13

केहतु बिचंङ ज्ञानवान ए समझदार अरि तोह? अगर केरे तोतोंई ता, केतिंङ दि रूठे जीवन श्रींङमी रंङ साबित लेह जूंशी तोह दंङ भत्ते नम्रता रंङ साते अंऊ केहतु ज्ञान बुद्धि रंङ साते अपा रूठे कमो दोरच़ी साबित लेह जूंशी तोह।

1 पतरस 1:7

दि मुसीबतो मकसद दि कंड्री तोह छि केरे हेले रिंङ परमेश्वरो टोईच़ी विशवास लहज़ातंई। यीशु मसीह रिंङ केहतु विशवास ज़ंङ बे महस कीमती तोह। छना नाशवान शुहच़ा ज़ंङ मेहू बिचंङ परखेक्च़िमी थल्जी दंङ शुद्ध लेह, ध्वांए ठ्रोह अगर केहतु विशवास परखकेक्सी रंङ साते विशवास पक्‍का शुहवा, दंङ दू ध्याड़ा महस षटणा ए मोह्ड़े दाह ए आदर रमतो अपेहल यीशु मसीह यह्च़ा अपतो।

1 पतरस 5:4

अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।