रोमियो 16:5 - लाहौली बाइबिल5 दंङ दू विशवासी तु मंडली बि ला नमस्कार अंऊ दोतु घरबारंङ ठ्रोहका शवात। गिऊ प्यारे इपेनितुस बि, अंऊ आसिया प्रदेशो मसीहू टोहकठे विशवास लहज़ा मुण्डो मीह शुह, दोबि ला गिऊ नमस्कार। Faic an caibideil |
रोमियो 16:5
20 Iomraidhean Croise
अपेहल अपुल्लोस दिह पक्का लेह च़रति कि दुह अखाया प्रदेशो हखा योतो दंङ इफिसुसा रिंङ विशवासी ज़ि कुईर कि झांह लेह दोतु थल्जी रूठे शोतो। दिऊ थल्जी दोच़ी अखाया रिंङ विशवासी तिंङ डाक चेई कुईरे कि दोतिंङ अपुल्लोस स्वागत लेह जुंशी तोह। दंङ अपुल्लोस इच्च़ा जहाज़ो टोईच़ी अच़ा इलि कुरिंथ इबिमी थल्जी। दंङ दोर पिचे परमेश्वरो मोह्ड़े दाह ओ दोरच़ी दुह मीहतु महस मदत लहरी अंऊ दोच़ी विशवास लहरिर।
गेह यहुदी तु पाहठी केतिंङ इच्च़ा उदाहरण रंड्रातग। दि ञेंरे यहुदी तु इच्च़ा रिवाज़ तोह, कि अपेहल ञेंरे रोटी बणाषी थल्जी फुकान ट्रुक्च़ातंई, दंङ ञेंरे परमेश्वर बि तग रंड्रीमी थल्जी तुब पिंङे फुकान लेहपच़ी। अगर दू इच्च़ा तुब परमेश्वरो शुह ता, दंङ दिऊ मतलब दि तोह कि भत्ते फुकान दोऊ ए शुह। ध्वांए अगर जड़ परमेश्वरो तोह ता, दंङ ब्रन्ज़ेर ला परमेश्वरो शुह।
दिरे दोरे शुरे अंऊ दोच़ी पवित्र जीवन श्रींङमोंई, दिरे दुह मीहतु ठ्रोह तोतोर अच़ि इच्च़ा फेरा ला अंऊ मेच़िमी तंङ साते अशुद्ध कम माह लहरिर, दंङ माह ए दोच़ी अपेहला छा चीज़ो पूजा लहरिर, दिरे सिर्फ कुरच़ो ए अराधना लहज़ातोर, अंऊर ला कुरच़ा यवात। दिरे मीहरे दोरे शुरे अंऊ दोतिंङ धरतीऊ भत्ते मीहतु दोरच़ी शत्ह लहसी शुह। छना मीहच़ी एनोह रिहू भत्ते बे रूठे हिस्सा परमेश्वराबि रंड्री ध्वांए दिरे मीहरे ला एनोह जीवना बि भत्ते पवित्रता रंङ साते परमेश्वर ए कुरच़ा बि रंड्रातोर।
Sanasan