रोमियो 16:3 - लाहौली बाइबिल

³ रिंङ प्रिस्किल्ला ए दोऊ गगसा अक्किला अंऊ यीशु मसीह रिंङ गिऊ साथी तोतोर, दोतिंङ गिऊ नमस्कार।

रोमियो 16:3 Iomraidhean Croise

प्रेरित 18:26

दुह यहुदी सभो घरबारंङ निडर शुहचे कुट्री लेहती, पर प्रिस्किल्ला ए अक्किला ज़ि दोऊ गप्पा रेड्रीते, अपुल्लोसा बि एनोह चुंङ लेन्ज़ा शिली दंङ परमेश्वरो अमो गप्पा दोबि रूठे रंङ कंड्री लेहती।

रोमियो 16:10

अपिल्लेस बि परखेक्च़िमी थल ला अतु विशवास मसीहरिंङ लगातार बणेंके इलि, दोबि गिऊ नमस्कार। अरिस्तुबुलुस ए दोऊ टबरातिंङ गिऊ नमस्कार।

रोमियो 16:4

दोच़ी गिऊ जहान बचाएच़िमी थल्जी एनोह जहान मुसीबता रिंङ केहच़ी च़रतिर; सिर्फ गेह माह शुह, पर ऊईजाति तु भत्ते झुण्ड ला दोतु धन्यवाद लहज़ा।

रोमियो 16:7

न्वा अन्द्रुनीकुस ए रिंङ यूनियासा बि छना गेह यहुदी तोतोग, ध्वांए दोरे ला तोतोर, दंङ गेरंङ साते जेलारिंङ तोईरे, दंङ प्रेरित दोतिंङ रूठे रंङ ञेंहच़ातोर, दंङ गिहबे ला तुहई मसीहू शिष्य बणेक्तिर दोतिंङ ला गिऊ नमस्कार।

रोमियो 16:9

उरबानुसा बि, अंऊ मसीहरिंङ गिऊ साथी तोह, दंङ गिऊ प्यारे इस्तखुसबि ला गिऊ नमस्कार।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

रोमियो 8:11

दंङ अगर परमेश्वरो आत्मा अच़ि यीशु मसीह बि सिऊ दोरच़ी श्रींङमी लहरी, दोई केहतु सिए फुक ला एनोह आत्मा दोरच़ी अंऊ केहतु अंदरेग बसेगी तोह श्रींङमी लोहतो।

रोमियो 8:2

छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

1 कुरिन्थियों 16:16

झांह लेह गेह केतंङ साते विनती लहज़ातग, कि झांह ठ्रोह सेंहणातु भाषे लंहि, बल्कि हर इच्च़ा बि अंऊ दोच़ी महस मेहनत लहज़ातोर दंङ अंऊ दोरे झांह ठ्रोह सच्ची भक्ति रंङ साते सेवा लहज़ातोर।

1 कुरिन्थियों 16:19

आसिया प्रदेशो कलीसिया ओ तरफे केतिंङ नमस्कार; अक्किला ए दोऊ मेच़ा प्रिस्किल्ला ओ दंङ दुह कलीसिया अंऊ दोतु चुंङ ठ्रोहका शवाह, दोऊ ला केतिंङ प्रभु रिंङ महसे-महसे नमस्कार।

2 कुरिन्थियों 12:2

गेह इच्च़ा झांह ठ्रोह मीहबी, अंऊ मसीहू विशवासी तोह, ञेंएगा सपि साल तुहई दि मीह षुमु स्वर्ग तचेक रैंज़ा शिली फुका रंङ साते या फुक मेह, गिह्बी पता माह दि परमेश्वरे ए ञेंहच़ा।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

गलातियों 1:22

पर दू मुक्का यहुदिया प्रदेशो कलीसिया, अंऊ मसीह रिंङ तोईरे, दोरे गेरंङ साते दोइरे माह।

फिलिपियों 2:25

पर गेह इपफ्रुदीतुसाबि अंऊ गिऊ विशवासी न्वा, ए साथी ए रूठे खबरो रक्षा लहज़िमी थल्जी इच्च़ा योद्धा तोह। दोबि केहच़ी गिऊ ज़रूरतो ख्याल लहज़िमी थल्जी गिऊ कछंङ चरच़ि च़रतिन।

कुलुस्सियों 4:11

दंङ यीशु अंऊ युस्तुस लाह कुट्री, केतिंङ नमस्कार कुट्रातोरे यहुदी विशवासी मीहतु बिचंङ सिर्फ दिरे ए षुम परमेश्वरो राजो थल्जी गिऊ साथी शुहरे अंऊ गिह्बी खुशी रंड्रा।

2 तीमुथियुस 4:19

प्रिस्किल्ला ए दोऊ गगसा अक्किला बि, दंङ उनेसिफुरूसो टबरातिंङ गिऊ तरफे नमस्कार।