रोमियो 16:2 - लाहौली बाइबिल

² दंङ केतिंङ जुंज़ा कि दोऊ प्रभु रिंङ स्वागत लंहि; दंङ अंऊ ला गप्पो थल्जी दोबि केहतु मदत जूंशी तोह, दोऊ मदत लंहि। छना कुचे दोई महसे तु ए गिऊ ला महस मदत लहरी।

रोमियो 16:2 Iomraidhean Croise

मत्ती 25:40

दंङ गेह रज्ज़ा दोतिंङ जुबाब रमोग, “गेह केतंङ हेले कुट्रातग केहच़ी गिऊ दिह कवचि वे कवचि चेलारंङ साते लाह, दुह गेरंङ लाह।

प्रेरित 9:13

हनन्याह ज़ि जुबाब रेंई, हे प्रभु यीशु, गेह दिह मीहू पाहठी महसे तु आहच़ि रेड्री तातेग कि दिह यरूशलेम शहरंङ कांह कनु मीहतंङ साते अंयों मदम लहसी ततो।

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

प्रेरित 9:36

याफा शहर, तबीता मतलब दोरकास मिंदंङ इच्च़ा विशवासी मेच़िमी तोहई। दोई महस ए रूठे-रूठे कम ए गरीबा तु मदत लहज़ाते।

प्रेरित 9:39

दोहथर पतरस खड़े शुहचे दोतंङ साते अच्च़ा इलि, दंङ छना ए दुह पिचे इलि, ता दोरे पतरस बि तोरिंङ कि कमरा रिंङ रेंज़ा शिलिर। दंङ भत्ते रंणी मेच़िमी रे क्रपचा दोऊ कछंङ अंज़े खड़े शुईरे, दंङ अंऊ कुर्ती ए खमज़ेर दोरकास ए दोतु थल्जी बणाएकते, कंड्री लेहती।

प्रेरित 9:41

दोई गुड़ रेह दुह खड़े लहरी, दंङ पवित्र मीहतिंङ ए रंणी मेच़िमी रे बुलाके दुह श्रींङे कंङे च़रति।

रोमियो 15:7

झांह लेह इदि-अईदि बि दि रूपारिंङ ग्रहण लंहि कि मीहरे परमेश्वरो स्तुति लोहर; दि कम झांह ठ्रोह लंहि छना मसीह ज़ि केरे ग्रहण लहसी ततो।

रोमियो 16:15

फिलुलुगुस ए यूलिया ए नेर्युस ए दोऊ रिहंङ, दंङ उलुम्पास ए दोतु साते भत्ते परमेश्वरो मीहतिंङ गिऊ नमस्कार।

रोमियो 16:23

गयुस अतंङ साते गेह बंङज़ातग दोई ला केतिंङ नमस्कार कुट्रा। भत्ते विशवासी तु मंडली देर दोतु घरबारंङ दोआतोर। इरास्तुस अंऊ दि शहरो भंडारी तोह दंङ कारतुस हेंदु न्वा ला केतिंङ नमस्कार कुट्रा।

रोमियो 16:6

मरियम ला अच़ि केहतु थल्जी महसे मेहनत लहरी, दोबि ला गिऊ नमस्कार।

रोमियो 16:9

उरबानुसा बि, अंऊ मसीहरिंङ गिऊ साथी तोह, दंङ गिऊ प्यारे इस्तखुसबि ला गिऊ नमस्कार।

इफिसियों 5:3

छना परमेश्वरो मीहतु थल्जी ठीक तोह, ध्वांए केतंङ कुकम, ए अंयों पाहठी अशुद्ध कम, या लालचो गप्पा ला शुहबी मेस।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 2:29

झांह लेह केरे प्रभुरिंङ दोरंङ साते महसे खुशी रंङ साते दोईनि, दंङ केतिंङ दोऊ ए ठ्रोह दोतु आदर लेह जूंशी तोह,

कुलुस्सियों 4:10

अरिस्तखुर्स अंऊ गेरंङ साते कैदी तोद, दंङ बरनबासो भंई मरकुस केतिंङ नमस्ते कुट्रातोर। अतु पाहठी केतिंङ तुहई ए कांहषी तोहई, कि अगर दुह केहतु कछंङ अपतो, ता दोरंङ रूठेरंङ साते व्यवहार लंहि,

1 तीमुथियुस 2:10

दिऊ वहज़ा ज़ि दोतिंङ ऊई मीहतु थल्जी रूठे कम लहच़ी एनाबि सलटे लेह जूंशी तोह। छना कुचे परमेश्वरो भक्ति लहज़ा मेच़िमी ऊ थल्जी दिए ठीक तोह।

2 तीमुथियुस 1:18

गेह प्रार्थना लहज़ातग कि न्यायो ध्याड़ारिंङ प्रभु उनेसिफुरूस ओ टोहकठे दया लोहतो। केहच़ी केनाच़ि रूठे रंङ ञेंच़ातंई कि दोई इफिसुस शहरारिंङ गिऊ अंयों मदत लहरी।

तीतुस 2:3

झांह ए ठ्रोह यंङषी मेच़िमीरे ला झांह ठ्रोह व्यवहार लंहि अतु वहज़ा ज़ि परमेश्वराबि आदर खोकसोतो। दंङ ऊईतु पाहठी मदम कुट्रा ठ्रोह शुहबी मेस, माह सरा तुंङज़ाड़, पर ऊईतिंङ रूठे गप्पारे सिखाएच़ा शुहबी जूंस

फिलेमोंन 1:12

हालांकि गेह उनेसिमुस रंङ साते महस दाह लहज़ातग, तांला गेह दोबि कनु कछंङ वापिस चरच़ातग।

फिलेमोंन 1:17

अगर केई गिह्बी केहनो साथी न्वा चेहच़ातन, दंङ दोबि झांह ठ्रोह ग्रहण लोहतो छना केहच़ी गिह्बी ग्रहण लहतंई।

2 यूहन्ना 1:10

अगर अरिया केहतु कछंङ अंज़े झांह ठ्रोह शिक्षा रंड्रा तोर अंऊ मसीहू शिक्षा बे शत्‌ह तोह, दोबि माह ता चुंङ अपि रांई दंङ माह ए नमस्कार लहज़ी बढावा रांई।