रोमियो 15:8 - लाहौली बाइबिल

⁸ गेह कुट्रातग, कि अंऊ वाईदा बाह-मेमेतिंङ रांहषी तोहई, दू वाईदा तिंङ हेले लहज़िमी थल्जी, दंङ दि कंड्रिमी थल्जी कि परमेश्वर वफादार तोह, मसीह यहुदी मीहतु सेवक बणेंके इलि।

रोमियो 15:8 Iomraidhean Croise

मत्ती 15:24

दोई जुबाब रंड्री, “कि इस्राएलो खानदानो योंहषी त्रैंई छोड़ेके गेह अतु ला कछंङ च़रसी माशुहगा।”

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

यहून्नो 1:11

दुह एनोह मीहतु चुंङ अति दंङ दोऊ ऐनोह ए मीहज़ी दुह ठुकराके च़रतिर।

यहून्नो 10:16

गिऊ ऊई ला त्रैंईर तोतोर, अरी दिह पोङों माशुहरे; गिह्बी दोरे ला हपि ज़रूरी तोह, दोरे गिह्बी सेहपोर; दंङ इच्च़ा ए थाच ए इच्च़ा पोहाल शोतो।

प्रेरित 13:46

दोथर पोलुस ए बरनबास ए निडर शुहचे कुईर, “कि परमेश्वरो बचन मुण्डारिंङ केतिंङ यहुदी तिंङ सुनाएची ज़रूरी तोहई; पर केहच़ी दोबि ग्रहण माह लहज़ातन। झांह लेज़मी रिंङ साते केहच़ी दि साबित लाहतंई कि केरे अनंत जीवन खोकच़िमी जोगे माह तोहई, दिऊ थल्जी दा ञेंहरे योंई दंङ ऊईजाति मीहतु सुनाएपोंई।

रोमियो 11:22

झांह लेह परमेश्वरो कृपा ए सख्ती ऊ टोईच़ी ध्यान रोंऊ! अंऊ दहचे इलिर, दोतु टोहकठे सख्ती, ए केहतु टोईच़ी दया, केरे दोऊ दया रिंङ बणेंके बंङज़ेंई, माह ता, ट्रिके ते शत्‌ह लेह च़रपोर।

रोमियो 11:30

छना कुचे केहच़ी तुहई परमेश्वरो हुकुम माह मनेक्तंई, पर हेंतेग इस्राएली मीहतु हुकुम माह मनेक्च़िमी रंङ साते केहतु टोईच़ी दया शुई।

रोमियो 15:16

कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।

रोमियो 3:3

अगर रे यहुदी परमेश्वरो थल्जी विशवासो जोगे माह तोईरे ता छि शुई? छि दिऊ मतलब दि तोह आ कि परमेश्वर दोतंङ साते लहसी वायदारिंङ विशवासो जोगे माह?

रोमियो 4:16

झांह लेह मीहच़ी विशवासो दोरच़ी परमेश्वरो वाईदा खोक्तिर। दि दिऊ थल्जी शुहबी ताकि मोह्ड़े दाह दोरच़ी खोकसोतो। दंङ अब्राहमो भत्ते कटुतिंङ दुह वाईदा खोकसोतो। दि सिर्फ दोतु थल्जी मशत पर अंऊ मुसाओ कानूनो अधीन बंङज़ातोर, पर हर इच्च़ा दुह मीहू थल्जी तोह, अंऊ अब्राहमो ठ्रोह विशवासरिंङ श्रींङी बंङज़ा, अंऊ हेंदु भत्ते तु पूर्वज शुह।

1 कुरिन्थियों 1:12

गिऊ कुट्रिमी मतलब दि तोह कि, केहतु बिचंङ ज़ि अरिया ता एनाबि, “पोलुसो चेला,” दंङ रें “अपुल्लोसो चेला,” रे कैफा “पतरसो,” दंङ रे “मसीहू चेला” कुट्रातोर।

1 कुरिन्थियों 10:19

गेह दि माह कुट्रातग कि मुर्ति बि चढ़ाएसी बलि ऊ छा कीमत तोह या दि कि मुर्तिऊ छा कीमत तोह।

1 कुरिन्थियों 15:50

हे गिऊ प्यारे साथी विशवासी रे, गेह दि कुट्रतग, दि संसारारिंङ हेंदु फुक षाह ए शुहई ऊ बणेंके तोह; हेनर स्वर्गा रिंङ परमेश्वरो रजा रिंङ हेंदु दि फुका रंङ साते इबी मरपोंई। हेनर स्वर्गारिंङ हेंदु झांह ठ्रोह फुकारंङ साते बंङज़ी मरपोंई अंऊ सिए यवात, छना कुचे दोर्तिंङ अपेहला सिए माह।

2 कुरिन्थियों 1:20

परमेश्वरो भत्ते वाईदा मसीह रिंङ “वोई” रंङ साते तोह। दंङ झांह लेह हेंज़ी “अमीन” कुट्रातंई कि, ताकि हेंदु दोरच़ी परमेश्वरो महिमा शोतो।

इफिसियों 2:12

केरे मीहरे दू मुक्का मसीह बि माह ञेंहच़ातंई, दंङ केरे इस्राएलो झुंडो दोरच़ी धकते तोंई। परमेश्वरे एनोह वाईदा ओ हिसाबे अंऊ वाईदा यहुदी रंङ साते लहरी, केरे दोर्तिंङ ला भागीदार माह तोईनि। दंङ बिना उम्मीद मेह ए परमेश्वरा बि ञेंए मेह दि संसारारिंङ बंङज़ातंई।