रोमियो 15:7 - लाहौली बाइबिल

⁷ झांह लेह इदि-अईदि बि दि रूपारिंङ ग्रहण लंहि कि मीहरे परमेश्वरो स्तुति लोहर; दि कम झांह ठ्रोह लंहि छना मसीह ज़ि केरे ग्रहण लहसी ततो।

रोमियो 15:7 Iomraidhean Croise

मत्ती 10:40

अच़ि केरे ग्रहण लाह दोई गेह ग्रहण दंङ अच़िला गेह ग्रहण दोई परमेश्वरा बि अपनाच़ा।

मरकुसो 9:37

अगर अच़िया गिऊ चेला शुहबिमी बज़ाहज़ि अरीया कटु अपनाच़ा, “दंङ दोई गेह अपनाच़ा दंङ अच़िला गेह अपनाच़ा दोई परमेश्वरा बि अपनाच़ा।”

लूको 15:2

पर फरीसी मीहरे ए यहुदी शास्त्रीरे एनातु बिचंङ दोऊ पाहठी गप्पा लहज़ी लेहतिर कि, “दिह ताह पापी मीहतंङ साते दोहआ दंङ दोतंङ साते बगत ला ज़ोआ।”

लूको 9:48

दंङ दोतंङ साते कुंई, “अगर अच़िया गिऊ चेला शुहबिमी बज़ाहज़ि अरीया कटु अपनाच़ा, दंङ दोई गेह अपनाच़ा, दंङ अच़िला गेह अपनाच़ा दोई परमेश्वरा बि अपनाच़ा, छना कू सा ता अंऊ केहतु बिचंङ ज़ि भत्ते बे कवचि तो, दुह ए मोह्ड़े शुह।”

यहून्नो 13:34

गेह केतंङ इच्च़ा खरकोई हुकुम रन्ड्रातग कि इदिऊ अईदिऊ रंङ साते दाह लांही; ध्वांए छना गेह केतंङ साते लहज़ातग, ध्वांए केहच़ी ला इदिऊ अईदिऊ रंङ साते दाह लांही।

यहून्नो 6:37

अंऊ धिर ला पिता परमेश्वरे गिह्बी रंड्रा दुह भत्ते धिर गिऊ कछंङ अपतो, दंङ अंऊला गिऊ कछंङ अपतो दोबि गेह अपेहल ला माह हुंपोग।

रोमियो 15:9

दंङ ऊई जाति ला परमेश्वरो दया ओ वहज़ा ज़ि परमेश्वरो स्तुति लंहि, छना पवित्रशास्त्र रिंङ च़ेहसी तोह, “झांह लेह गेह ऊईजाति तु तुईज़ी, कांह स्तुति लोहग, दंङ कांह मिन्दु भजन कोहग।”

रोमियो 5:2

हेंदु विशवासो दोरच़ी, मसीह ज़ि हेंदिंङ दि मोह्ड़े दाह तचेक रैंज़ा हति अंऊर हेनर हेंतेग पिचे तोतोंई, ञेंरे दि गप्पारिंङ खुश शवातंई कि हेंदिंङ परमेश्वरो महिमा रि सहभागी शुहबिमी उम्मीद तोह।

इफिसियों 1:12

हेनर, यहुदीओ मुण्डो मीह शुई अच़ि मसीहू टोहकठे उम्मीद ततो दंङ हेंदिंङ दिऊ थल्जी अंङे च़रति ताकि हेनर परमेश्वरो महानता ओ थल्जी दोऊ स्तुति लोहवा लंहि।

इफिसियों 1:18

गेह दि ला प्रार्थना लहज़ातग कि दू सच्चाई बि समझेक्सिमी थल्जी केहतु मदत लोहतो, दंङ दू उम्मीद अंऊ केतिंङ रांहषी ततो अपेहल परमेश्वरे केतिंङ अंङे चरच़ाते। ताकि केहच़ी ञेंई च़रतुंई कि दू आशीष अंयों मोह्ड़े ए महिमामय तोह अतु वाईदा परमेश्वरे एनोह मीहतंङ साते लहसी तहरे।

कुलुस्सियों 3:13

दंङ अतिंङ ला अतुआ टोईच़ी दोष लगाच़िमी छा कारण शुई ता, दंङ इदिऊ अईदिऊ सहन लंहि; दंङ इदिऊ ए अई दिऊ गुनाह माफ लंहि: छना परमेश्वरे केहतु गुनाह माफ लहतो, ध्वांए केहच़ी ला लंहि।