रोमियो 15:6 - लाहौली बाइबिल

⁶ ताकि केरे भत्तेर इच्च़ा साते बंङज़ा ए इच्च़ा सग रिंङ परमेश्वर, हेंदु प्रभु यीशु मसीहू बाह परमेश्वरो स्तुति लंहि।

रोमियो 15:6 Iomraidhean Croise

यहून्नो 20:17

यीशु ज़ि दोबि कुहतो, “गिऊ कोन्ज़ा रिंङ ज़िल्ज़ाते गिह्बी था चऊ, छना कुचे अईता गेह पिता परमेश्वरो कछंङ इल्जी माह तोग, गिऊ चेला तु कछंङ इलजे दोतंङ साते कुडू, कि गेह घेंङौ पिता परमेश्वर ए केहतु पिता परमेश्वर दंङ घेंङौ परमेश्वर ए केहतु परमेश्वरो कछंङ य्वातग।”

प्रेरित 4:24

दिह रेड्रीमी रंङ, दोच़ी इच्च़ा सेहम शुहचे जोरे हाऊष रेह परमेश्वर रंङ साते कुईर, “हे प्रभु, कांह दुह ए शुनाह अच़ि स्वर्ग ए धरती, समुंद्र दंङ छिला धिर दोर्तिंङ तोह बड़ाएतिन।”

प्रेरित 4:32

दंङ बिशवास लहज़ातु मंडली इच्च़ा सेहम ए इच्च़ा प्राण तोहई, देहर तचेक कि अच़िला एनोह टंगा ढबाह एनोह माह कुट्रातेर, छना कुचे अंऊ दोतु कछंङ तोहई दुह भत्ते तंङ साते फज़ातेर।

2 कुरिन्थियों 1:3

हेंदु प्रभु यीशु मसीहू बाह परमेश्वरो स्तुति शुहबी जूंस, अंऊ दयाऊ बाह, दंङ हेंदिंङ हमेशा तसल्ली रंड्रा।

2 कुरिन्थियों 11:31

परमेश्वर, हेंदु प्रभु यीशु मसीहू बाह अंऊ हमेशा धन्य तोह, ञेंहच़ा, कि गेह हप्सी माह कुट्रातग।

इफिसियों 1:17

गेह प्रार्थना लहज़ातग कि परमेश्वर हेंदु प्रभु यीशु मसीहू महिमामय बाह, केतिंङ पवित्र आत्मा रमतो, अंऊ केतिंङ बुद्धिमान बणाके च़रपोतो दंङ परमेश्वरा बि केहतु टोहकठे प्रगट लोहतो, ताकि केहच़ी दू ञेंई तरपोंई।

इफिसियों 1:3

हेंदु परमेश्वर ए प्रभु यीशु मसीहू बाहऊ महिमा शुहबी जूंस, अच़ि हेंदिंङ मसीहू दोरच़ी स्वर्गंङ ज़ि खोकसा, भत्ते पाहठी आशीष रें च़रति। दि मसीहरंङ हेंदु एकता ओ वहज़ा ज़ि शुई।

कुलुस्सियों 1:3

अपेहल ञेंरे केहतु थल्जी प्रार्थना लहज़ातंई, दंङ ञेंरे हेंदु प्रभु यीशु मसीहू बाह परमेश्वरो धन्यवाद लहज़ा तोंई।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।