रोमियो 15:5 - लाहौली बाइबिल

⁵ गेह प्रार्थना लहज़ातग कि परमेश्वरे केतिंङ धीरज़ ए याहब रमतो ताकि केरे यीशु मसीह थले ज़ोजा ते केनातु बिचंङ एकता रंङ साते बंङज़ेंई।

रोमियो 15:5 Iomraidhean Croise

प्रेरित 4:32

दंङ बिशवास लहज़ातु मंडली इच्च़ा सेहम ए इच्च़ा प्राण तोहई, देहर तचेक कि अच़िला एनोह टंगा ढबाह एनोह माह कुट्रातेर, छना कुचे अंऊ दोतु कछंङ तोहई दुह भत्ते तंङ साते फज़ातेर।

रोमियो 12:16

इदि-अई दिऊ ध्वांए ध्यान तंही छना केनोह ध्यान तहच़ातन, घमण्डी था शुई पर दीन ए दुखी तंङ साते मेल जोल तंही केनातिंङ बुद्धिमान था समझेक्तुंई।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 15:3

छना कुचे मसीह एनाबि खुश माह लहरी, पर छना पवित्रशास्त्रारिंङ च़ेहसी तोह, “कनु निंदा लहज़ा ज़ि गिऊ निंदा लाहतोर।”

1 कुरिन्थियों 1:10

हे गिऊ प्यारे साथी विशवासी रे, गेह केतंङ साते हेंदु प्रभु यीशु मसीहू मिंदंङ साते दि बिनती लहज़ातग, केरे भत्तेर इदि-अई दिरंङ साते सहमत शुहबी जूंस दंङ केहतु बिचंङ फूट इबि मेस पर केरे इच्च़ा ठ्रोह विचार तहज़िमी दोरच़ी दंङ इच्च़ा मकसद रंङ साते इदि-अई दिरंङ साते मिलेकी बंङज़ुंई।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

2 कुरिन्थियों 7:6

तांला दुखी मीहतिंङ शांति रंड्रा परमेश्वरे तीतुसा बि देर चरच़े ञेंतिंङ याहब रेंई।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 2:2

दंङ इच्च़ा सेहमा रंङ साते बंङज़ा, इच्च़ा दाह, दंङ इदि-अई दिरंङ साते दाह ए, केनातु बिचंङ मेल-मिलाप रंङ साते इच्च़ा हिटी रंङ तहच़ि, गिऊ दिह खुशी पूरा लंहि।

फिलिपियों 3:16

झांह लेह हेंदिंङ दुह सच्चाई ऊ हिसाबे श्रींङमी लेह्पोतो अंऊ परमेश्वरे तुहई बे हेंदु टोहकठे प्रगट लेह चरच़तो।

फिलिपियों 4:2

गेह यूओदिया ए सुनतुखे, झुल्ला रिहंङ रंङ साते विनती लहज़ातग, कि प्रभुरिंङ ठ्रोहका शुहचे बंङज़ुंई।

1 पतरस 3:20

दि दू मीहतु आत्मा तोहई अंऊ दोच़ी महस तुहई परमेश्वरो गप्पो उलंघन लहसी ताहरेर। अपेहल नूह एनोह नाव बणाएच़ते, दंङ परमेश्वर धीरज़ा रंङ साते रूमज़ा तोहई कि खमोंई छि दोरे मीहरे पश्चाताप लहज़ातोर। पर सिर्फ रें मीहतिंङ दू भयानक डढो दोरच़ी बचाएक्ते।

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।

2 पतरस 3:15

दि ञेंए च़रतुंई कि हेंदु प्रभु हेंदु थल्जी धीरज़ तहज़ा बंङज़ा, दोऊ वहज़ा दि तोह कि दुह मीहतिंङ पश्चाताप लहज़िमी टेम रंड्रा ताकि दुह दोतिंङ बचाके तरपोतो। अपेहल हेंदु साथी विशवासी पोलुसे, केतिंङ दुह ज्ञानो इस्तेमाल लहज़ी च़ेआतो अंऊ परमेश्वरे दोबि रांहषी ततो, दंङ दोई ला केतिंङ दिए गप्पा कंङातो, अंऊ गेह केतिंङ कंङातग।

2 पतरस 3:9

रें मीहच़ी चेहच़ातोर कि प्रभु एनोह यह्च़ा वापिस अपिमी वाईदा ओ पाहठी ख्राह लहज़ी लेहकी तोह, बल्कि, दुह केतंङ साते धीरज़ तहज़ा तोह। छना कुचे दुह अतिंङ ला नाश लेह माह जुंज़ा। पर प्रभु ज़ि जुंज़ा कि हर इच्च़ा एनोह सेहम किरज़ु दंङ गलत कम लेह बन्द लेह केहतो दंङ दोऊ कछंङ अच़ा अपतो।