रोमियो 15:12 - लाहौली बाइबिल

¹² दंङ यह्च़ा यशायाह भविष्यवक्ता ज़ि पवित्रशास्त्र रिंङ च़ेहसी ततो, यिशै ओ इच्च़ा जड़ प्रगट शोतो। दंङ ऊईजातितु हाकिम शुहबिमी थल्जी इच्च़ा अच़तो दोऊ टोईच़ी ऊईजाति उम्मीद लोहर। कि दोई दोतिंङ बचाएपोतो।

रोमियो 15:12 Iomraidhean Croise

मत्ती 12:21

दंङ ऊई जातिरे दोऊ टोईच़ी उम्मीद तोहर।”

1 कुरिन्थियों 15:19

अगर मसीहरिंङ हेंदु उम्मीद सिर्फ दिए जीवनो थल्जी तोह, दंङ हेंदु टोईच़ी संसारो ऊईतु तुलना रिंङ भत्ते बे महस तरस लेह जूंशी तोह।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

1 पतरस 1:21

यीशु मसीह ज़ि अंऊ हेंदु थल्जी लाहते दोऊ वहज़ा केरे हेंतेग परमेश्वरो टोईच़ी विशवास लहज़ा तंई। दू, दू ए शुह अच़ि यीशु मसीह बि दोऊ सिमी थल यहच़ा‍‍ श्रींङमी लहरी दंङ दोबि महिमा रें। झांह लेह केहच़ी विशवास लहज़ातंई दंङ परमेश्वरो टोईच़ी केहतु विशवास हेंतेग पक्‍का तोह।

1 यूहन्ना 3:3

दंङ अच़िला मसीहू टोईच़ी दि उम्मीद तहच़ा, दोई एनाबि ध्वांए पवित्र लहज़ा, छना दुह पवित्र तोह।

प्रकाशित वाक्य 22:16

“गेह यीशु ज़ि घेंङौ स्वर्गदूता बि केहतु कछंङ कलीसिया तु पाहठी दि गप्पा तिंङ प्रगट लहज़िमी थल्जी चरच़ातग। गेह रज्ज़ा दाऊद ओ खानदानो शुगाह; गेह ए शुगाह, अंऊ दुह कर तु ठ्रोह तोतोग अंऊ एके हुंच़िमी मुक्का चमकेपी।”

प्रकाशित वाक्य 5:5

दिऊ टोहकठे दुह सेंहणा तु बिचंङ ज़ि इच्च़ा गेरंङ साते कुई, “था क्रप्तु; खंणु, यहूदा ओ गोत्रो दुह ब्राघ, अंऊ रज्ज़ा दाऊदो मोह्ड़े वंश तोह, दुह शेतानो टोईच़ी जयवंत शुहचे तोह कि दोई ए दि निह्ज़ी मुहर थक्पोतो। दुह ए दि कताब युप्च़िमी जोगे सामर्थी तोह।”