रोमियो 14:4 - लाहौली बाइबिल

⁴ झांह लेह केतिंङ अतुआ ऊईतु परगरो न्याय लेह माह जूंस, दोई रूठे लोहतो या माह लोहतो दि दोऊ मालिको ज़िम्मेवारी शुह। दोई पक्‍का रूठे लोहतो; छना कुचे दोऊ प्रभु दोबि रूठे लहज़िमी सामर्थी तोह।

रोमियो 14:4 Iomraidhean Croise

प्रेरित 11:17

दिऊ थल्जी अपेहल परमेश्वरे दोतिंङ ला दुह ए दान रेंई अंऊ ञेंतिंङ प्रभु यीशु मसीहू टोहकठे बिशवास लहज़िमी दोरच़ी खोकसी तोह; ता गेह अरी तोईगा अंऊ परमेश्वर बि चेहच़े तरच़ातेग?”

रोमियो 11:23

अगर इस्राएली मीहरे ला विशवास लेह शुरू लोहर ता दोतिंङ यह्च़ा वापिस बूटारिंङ कलम लगाके च़रपोर, छना कुचे परमेश्वरे दोतिंङ यच़ाह जोड़ेके तरपोतो।

रोमियो 14:3

अच़ि षाह ज़ोवा, दोई षाह माह ज़जाड़ बि कवचि था चेहतु, दंङ षाह माह ज़जाड़ ला षाह ज़ेज़ाडो टोहकठे दोष था लागातु; छना कुचे परमेश्वरे दू झुल्लाकुतिंङ ग्रहण लहज़ा।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

रोमियो 9:20

हे मित्रा, कांह मीहरे अरि शुनाह, अच़ि परमेश्वरो हखा सवाल लहज़ा? छि पथेके चीज़ एनोह बणाचा दोरंङ साते कुट्री तरपोतो, “केई गिह्बी झांह ठ्रोह छिल्ले बणेकतन?”

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

1 पतरस 1:5

दंङ केहतु विशवासो दोरच़ी, परमेश्वर एनोह सामर्थरंङ साते केहतु रखवाली लहज़ा अपेहल तचेक कि केरे रूठे रंङ उद्धार खोकच़ातंई कि मसीहू वापिस अपिमी ध्याड़ा कंड्रिमी थल्जी तेयार तोतोंई।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।