Biblia Todo Logo
Bìoball air-loidhne

- Sanasan -




रोमियो 14:2 - लाहौली बाइबिल

2 छना कुचे रें मीहतु विशवास तोह, कि भत्तेधिर ज़ै ठीक शुह, पर अंऊ विशवासरिंङ कमज़ोर तोह, दोई साग सब्जी ए ज़ोवा।

Faic an caibideil Dèan lethbhreac




रोमियो 14:2
18 Iomraidhean Croise  

अगर अरिया विशवासी न्वा विशवासा रिंङ कमज़ोर तोह, दंङ दोबि केनोह संगति रिंङ लेहपच़ी च़रतु, दोरंङ साते बहस थालंही कि दोबि छि लेह जूंशी तोह या छि लेह जूंशी माह।


गेह ञेंच़ातग कि, दंङ प्रभु यीशु दोरच़ी गिह्बी पूरा विशवास तोह, कि ज़ेइमी भत्ते चीज़ शुद्ध तोह, पर अंऊ अशुद्ध चेहच़ा।


अंऊ केहच़ी ज़ोवातंई दोऊ वहज़ा ज़ि परमेश्वरो कम था बिगाडेक्‍एतेंई; हिद तंही ज़ेइमी भत्ते चीज़ शुद्ध तोह, अगर अरिया मीह केहतु ज़ेईमी रंङ साते पाप रिंङ यवाह ता, दंङ दि गलत तोह।


हेनर अंऊ विशवासा रिंङ पक्‍का तोतोंई ञेंहच़ातंई कि दिह गप्पो दोरच़ी छल्ले फर्क माह पड़ेक्पा, पर हेनर दोतिंङ सिर्फ हेंदिंङ खुश लहज़िमी थल्जी माह शुह। हेंदिंङ दुह मीहतिंङ शक ओ टोईच़ी विचार लेह जूंशी तोह अंऊ दि गप्पा तिंङ गलत ञेंहच़ातोर।


अपेहल केरे बाज़ारो दोरच़ी षाह हपातंई ता दंङ दोबि ज़ै च़रतुंई। पर दि था रूहक्तुंई कि दि मुर्ति बि चढ़ाएसी शुह या माह शुह, दंङ झांह लहज़िमी रंङ साते केहतु अंतरआत्मा परेशान माह शोतो।


पर खबरदार बंङज़ुंई, पर झांह शुहबी मेस, कि केहतु दि आज़ादी विशवासा रिंङ कमज़ोर मीहतु थल्जी पापो वहज़ा योतो।


दंङ अपेहल गेह दोतंङ साते शवाहतग अंऊ विशवासा रिंङ कमज़ोर तोतोर, दंङ गेह दोतु ठ्रोह व्यवहार लहज़ातग, ताकि गेह दोतिंङ मसीहू विशवासारिंङ हपिमी कोशिश लेह तरपोग, गेह भत्ते मीहतु थल्जी भत्ते धिर बणेंके इलिग, कि छा तरीका रंङ साते रे मीहतु उद्धार लेह तरपोग।


पतरस दू विशवासी तंङ साते बगत ज़ोवा ते अंऊ यहुदी माह तोईरे। पर अपेहल याकूबो दोरच़ी च़रसी रें विशवासी यरूशलेम शहरंङ ज़ि अतिर, दंङ दू एनाबि ऊईजातिऊ दोरच़ी शत्‌ह तहच़ि लेहती दंङ दोतंङ साते बगत माह ज़ोवाते छना कुचे दू, दू यहुदी तंङ साते वेवाते अंऊ दोच़ी जुन्ज़ातेर कि भत्ते ऊईजातितु खतना लेह जूंशी तोह।


छना कुचे परमेश्वरो बणाएषी भत्ते चीज़ रूठे तोह, ञेंरे भत्ते पाहठी ओ बगत ज़ै तरपोंई पर परमेश्वरो धन्यवाद लहज़ा ते ज़ै तरपोंई;


दुह मीहतु थल्जी अतु सेहमरिंङ पापो विचार माह, भत्ते चीज़ारे शुद्ध तोतोर, पर दुह मदम मीहतु थल्जी दंङ यीशु मसीहू टोहकठे विशवास माह लहज़ातोर, छिल्ला धिर दोच़ी लहज़ातोर दुह अशुद्ध तोह।


छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।


छना कुचे दोरे सिर्फ मीहतु ज़ेई ए तुंङमिमी चीज़ा तु पाहठी दंङ महसे सुज़िमी पाहठी कंड्रातेर अतु दोरच़ी मीहरे धकते च़ि संङा शुहचे यवातेर दि ज़रूरी तोहई कि दि कानूना बि दोहपल तचेक पूरा लोहर अपेहल तचेक कि परमेश्वरे मीहतंङ साते इच्च़ा खरकोई वाईदा माह लोहतो।


Lean sinn:

Sanasan


Sanasan