रोमियो 13:12 - लाहौली बाइबिल

¹² दि मदम संसारारिंङ बंङज़ी हेंदु टेम इच्च़ा रातो योह्सिमी ठ्रोह लगभग योह्सा अंज़े तोह, दंङ दुह ध्याड़ा ला कछंङ पिचे तोह अपेहल मसीह वापिस अपतो। झांह लेह हेंदिंङ हंयारा रंङ जुड़ेके कम बंद लेह च़रसी जूंशी तोह दंङ छंङी रंङ जुड़ेके हथियार कुरच़े जुंशी तोह।

रोमियो 13:12 Iomraidhean Croise

रोमियो 13:14

पर प्रभु मसीह यीशु बि धारण लेह च़रतेंई, दंङ फुको हिटी पूरा लहज़िमी कोशिश थालंही।

1 कुरिन्थियों 10:11

पर दि भत्ते गप्पारे, अंऊ दोतु टोईच़ी शुई, इच्च़ा चेतावनीऊ ठ्रोह तोहई; दंङ दू हेंदिंङ चेतावनी रंड्रीमी थल्जी च़ेहसी तोह, अंऊ दि संसारो अन्तो मुक्कारिंङ बंङज़ा तोतोर।

1 कुरिन्थियों 7:29

हे गिऊ प्यारे साथी विशवासी रे, गेह दि कुट्रातग, कि मसीहू वापिस अपिमी ध्याड़ा महस माह झांह लेह चाहे केहतु मेच़ा तोह या माह, दि पाहठी महस चिंद लहज़िमी ज़रूरत माह। पर प्रभु सेवा लहज़िमी पाहठी सोचेक्सा लंहि।

2 कुरिन्थियों 10:4

छना कुचे ञेंरे झांह ठ्रोह हथियार तेंङज़ातंई अंऊ दू हथियार बे शत्‌ह तोह, अंऊ दि संसारो मीहरे इस्तेमाल लहज़ातोर। पर दोंङार दह्च़िमी थल्जी परमेश्वरो सामर्थ तोह।

2 कुरिन्थियों 6:7

हेले ओ दाह रंङ साते, सच्चाई ओ बचनारंङ साते, परमेश्वरो सामर्थ रंङ साते ञेंहच़ी कम लहसी शुई। ञेंरे धर्मिकताऊ हथियार सुचंङ गुह्ट्र रिंङ हमला ओ थल्जी इस्तेमाल लहज़ातंई दंङ फुचंङ गुह्ट्र रिंङ रक्षाओ थल्जी इस्तेमाल लहज़ातंई।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

इफिसियों 5:11

अंऊ मीहरे पापो कम हंयार रिंङ लहज़ातोर, दोतंङ साते सहभागी थाशुंई, पर मीहतिंङ सिखाएक्तुंई, कि दि कम गलत शुह।

इफिसियों 5:8

तुहई केरे हंयार बंङज़ा मीहतु ठ्रोह तोईनी, पर हेंतेग केरे छंङीरिंङ बंङज़ा मीह शुई छना कुचे केरे प्रभु मीहरे बणेंके इलजी तोतोंई झांह लेह छंङीरिंङ बंङज़ा मीहतु ठ्रोह कम लंहि।

इब्रानियों 10:25

अतंई हेनर परमेश्वरो अराधना लहज़िमी थल्जी ठ्रोहका शुहबी छोड़ेक्पोंई माह, छना कि रें मीहच़ी लहज़ातोर। पर हेंदिंङ इदि-अईदि बि याहब रंड्री जूंस दंङ चेतावनी रंड्री जूंशी तोह, खास लहज़ी हेंतेग कि अपेहल यह्च़ा प्रभु वापिस अपिमी ध्याड़ा कछंङ अपि लेहकी तोह।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

याकूब 1:21

झांह लेह भत्ते मांजी ए बैर भाव शत्‌ह लेह च़रतेंई, दुह परमेश्वरो बचन नम्रतारंङ साते ग्रहण लेह च़रतेंई, अंऊ सेहमरिंङ केहषी तोह दंङ अच़ि केहतु प्राणो उद्धार लेह च़रच़ा।

याकूब 5:8

झांह लेह केहच़ी ला ज़हके तंही; दंङ केनातु उम्मीद छोडे़क्तेंई थाह, छना कुचे प्रभु युरनाह अपिमी तोह।

1 पतरस 2:1

झांह लेह भत्ते पाहठी मदम व्यवहार छोड़ेके च़रतुंई। ऊईतिंङ धोखा थारांई, पाखंडी थाशुंई। ऊईतिंङ साते जलन थालंही। ऊई मीहतु पाहठी मदम गप्पा था कुंई।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

2 पतरस 3:11

दि पक्‍का तोह कि परमेश्वर भत्ते चीज़ा तिंङ झांह ठ्रोह नाश लेह च़रपोतो, दंङ केरे पक्‍का रूपा रिंङ ञेंच़ातोंई कि केतिंङ छना ठ्रोह व्यवहार लेह जूंशी तोह दंङ छिल्ला केहच़ी लहज़ातंई दोरिंङ परमेश्वरा बि खुश लंहि।

2 पतरस 3:9

रें मीहच़ी चेहच़ातोर कि प्रभु एनोह यह्च़ा वापिस अपिमी वाईदा ओ पाहठी ख्राह लहज़ी लेहकी तोह, बल्कि, दुह केतंङ साते धीरज़ तहज़ा तोह। छना कुचे दुह अतिंङ ला नाश लेह माह जुंज़ा। पर प्रभु ज़ि जुंज़ा कि हर इच्च़ा एनोह सेहम किरज़ु दंङ गलत कम लेह बन्द लेह केहतो दंङ दोऊ कछंङ अच़ा अपतो।

1 यूहन्ना 2:18

हे कटुरे, दिह अन्तिम टेम शुह; अपेहल मसीह यह्च़ा वापिस अपतो, दंङ छना केहच़ी रैहशी तातंई कि मसीहू विरोधी अच़ा अंज़े तोतोर, दोऊ हिसाबे हेंतेग ला महसे मसीहू विरोधी अंज़े तोतोर; झांह लेह ञेंहच़ी ञेंहनि कि दि अन्तिम टेम दिए शुह।

प्रकाशित वाक्य 1:3

परमेश्वर हर इच्च़ा दुह मीहबी आशीष रमतो अंऊ दि भविष्यवाणी बि ऊईतिंङ पढ़ाके सुनाएच़ा, दंङ दुह हर इच्च़ा दुह मीहबी आशीष रमतो अंऊ दिबी रेड्रा दंङ दिबी मनेक्च़ा। छना कुचे दि गप्पा युरनाह शोतो।

प्रकाशित वाक्य 22:10

दंङ दोई गेरंङ साते कुई, “दि कताबो भविष्यवाणी गप्पारे ञेंहच़िमी थल्जी मीहतिंङ रोकेक्तु था; छना कुचे दि चीज़ा तु पूरा शुहबिमी टेम पिचे अंजा।”