रोमियो 12:8 - लाहौली बाइबिल

⁸ अतिंङ उत्साहित लहज़िमी वरदान खोकसा तोह ता, दू उत्साहित लोहवा लोह अगर ऊईतु ज़रूरत पूरा लहज़िमी वरदान खोकसा तोह ता दू दान बि ऊईतु मदतो थल्जी महस बे महस रम्मा लोह। अगर अगुवाई लहज़िमी वरदान तोह ता दोबि भत्ते खुशी रंङ साते लोह अंऊ दया लोहतो दू खुशी रंङ साते लोह।

रोमियो 12:8 Iomraidhean Croise

मत्ती 25:40

दंङ गेह रज्ज़ा दोतिंङ जुबाब रमोग, “गेह केतंङ हेले कुट्रातग केहच़ी गिऊ दिह कवचि वे कवचि चेलारंङ साते लाह, दुह गेरंङ लाह।

प्रेरित 11:23

अपेहल बरनबास दोर्तिंङ पिचे इलि, दंङ दोई ञेंई च़रति कि परमेश्वरे दाह रंङ अन्ताकिया ओ विशवासी तंङ साते व्यवहार लहसी ततो दंङ दुह दि खांई खुश शुचि इलि; दंङ भत्ते तिंङ शिक्षा रेंई कि ध्यान मन रंङ साते प्रभु रिंङ पक्‍का तोंई।

प्रेरित 13:12

दंङ दुह अधिकारी ज़ि छिला धिर शुहते दुह खंड्राते, दंङ प्रभु ऊ पाहठी शिक्षा ओ दोरच़ी हेरान शुहचे प्रभु यीशु ऊ टोहकठे बिशवास लहरी।

प्रेरित 13:15

अंऊ गंङमीतिंङ पढेक्पिमी ज़िम्मेवारी रांहषी तोहई मूसा ओ कानून ए भविष्यवक्तातु कताबो हिस्सा ओ दोरच़ी दोच़ी पढ़ेकपिमी थल, दोहथल यहुदी सभो घरबारो मुख्या ज़ि दोतु थल्जी उजाब च़रतिर, “हे बिशवासी न्वारे, अगर मीहतिंङ बड़ावा रंड्रीमी थल्जी केहतु सेहमा छा गप्पा तोह ता कुंईनि।”।

प्रेरित 15:32

दंङ यहूदा ए सीलास अरी ऐनारे बि भबिष्यवक्ता रे तोईरे, महस गप्पा रंङ साते विशवासी न्वातिंङ उपदेश रें दोतु विशवासा बि पक्‍का लहरी।

प्रेरित 20:2

दुह मकिदुनिया प्रदेशो इच्च़ा ठहरि ओ अई ठहरि यात्रा लहज़ा दंङ चेला तंङ दोआ दंङ दोतिंङ छा कुट्रीमी दोरच़ी याहब रंड्री लेहती। दोऊ थल दुह यूनान प्रदेशो हखा अच़ा अति।

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

प्रेरित 4:36

यूसुफ मिंदंङ इच्च़ा मीह तोहई। दुह लेवी खानदानो तोहई दंङ साइप्रस टापू च़ि तोहई। प्रेरिता ज़ि दोबि बरनबास कुईर, अतु मतलब दिह शुह, इच्च़ा झांह ठ्रोह मीह, अच़ि ऊईतिंङ हिम्मत रंड्री।

रोमियो 12:13

परमेश्वरो मीहतिंङ छिल्ला ज़रूरत तोह, दोतु मदत लोह प्रोहानातु थल्जी केनातु चुंङ खी पेतंङ अल्ज़े तोह।

रोमियो 13:6

झांह लेह केनातु अधिकारी तिंङ कर ला रम्मा लंहि, छना कुचे अधिकारी परमेश्वरो सेवक शुरे, दंङ दोरे एनोह ज़िम्मेवारी पूरा लहज़िमी थल्जी लेहकी बंङज़ातोर।

1 कुरिन्थियों 12:28

मसीहू दि फुका रिंङ, अंऊ कलीसिया तोह, परमेश्वरे हेंदिंङ शत्‌ह ठ्रोह सेवकाई ओ थल्जी अंङषी ततो: भत्ते बे तुहई, दोई प्रेरित, दूसरा भविष्यवक्ता, दोऊ थल मदत लहज़ा मुख्या, दंङ भत्ते पाहठी भाषा कुट्रा।

1 कुरिन्थियों 14:3

पर अंऊ भविष्यवाणी लहज़ा, दोई विशवासी तिंङ विशवासरिंङ पक्‍का लहज़ी ए, उत्साहित लहज़ी ए तसल्ली रंड्रीमी थल्जी मदत लहज़ा।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 11:3

पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

2 कुरिन्थियों 8:12

छना कुचे अगर केहतु सेहमरिंङ ऊईतिंङ दान रंड्रीमी विचार तोह ता, दंङ दान दोऊ हिसाबे ग्रहण ला शुहबी अंऊ दोऊ कछंङ तोह माह कि दोऊ हिसाबे अंऊ दोऊ कछंङ माह।

2 कुरिन्थियों 9:11

केरे भत्ते पाहठी आशीषित शोंई, दंङ झांह लेह केरे हमेशा सेहमे रंड्रीमी जोगे शोनि। दंङ अपेहल केहतु उदारता रंङ साते रांहषी दान बि ज़रूरतमंद मीहतिंङ रमोर, दंङ दोरे मीहरे परमेश्वरो धन्यवाद लोहर।

2 कुरिन्थियों 9:13

छना कुचे ऊईतु मदत लहज़िमी थल्जी ढबाह रंड्रीमी सेवा दि साबित लोहतो कि केरे सच्चा शुई। महस मीहरे परमेश्वरो महिमा प्रगट लहज़ातोर, कि अपेहल केहच़ी कुट्रातंई कि रूठे खबर हेले तोहई दंङ केरे दिबी मनेक्पोंई दंङ केहच़ी केनाच़ि केनातु शब्दा तु भाषे लहज़ातंई। दंङ गरीब विशवासी तु ए भत्ते तु मदत लहज़िमी उदारता प्रगट लोहवा लाहतंई।

2 कुरिन्थियों 9:7

हर इच्च़ा मीह छना सेहम रिंङ सोचेक्पोतो ध्वांए ए दान लोह; माह कुढकुढ लहच़ी, दंङ माह ए दबाबा रंङ साते, छना कुचे परमेश्वरे खुशी रंङ साते रंड्रा दोतंङ साते दाह लहज़ा।

इफिसियों 6:5

दासरंङ साते गिऊ विनती तोह कि अंऊ मीहरे दि संसारारंङ केहतु मालिक तोतोर, दोतु आदर सत्कार सिर्फ दिखावा थल्जी थालंही। केहतु बिचंङ हर इच्च़ा बि बेह्द ए ड्केगी छना कि मसीहू, ध्वांए मालिको ला हुकुमो भाषे लंहि।

कुलुस्सियों 3:22

हे परगरा रे, अंऊ धरतीऊ टोहकठे केहतु मालिक तोतोरे, दोतु हुकुम भाषे लंहि मीहतिंङ खुश लहज़ा तु ठ्रोह मशत, पर सच्चाई रंङ साते ए परमेश्वरो बेह्दरंङ साते।

1 थिस्सलुनीकियों 2:3

छना कुचे ञेंहच़ी केतिंङ हप्सी खबर माह सुनाक्तंई दंङ माह ए दुह गलत इरादा रंङ साते, माह ए धोखा रंङ साते तोहई।

1 थिस्सलुनीकियों 2:8

ञेंरे केतंङ साते धोंण दाह लहज़ातंई कि सिर्फ परमेश्वरो रूठे खबर सुनाएच़िमी थल्जी ए मशत पर केहतु थल्जी हेंदु जाहन ला रंड्रीमी थल्जी तेयार तोईनी, झांह लेह कि ञेंरे केतंङ साते महस दाह लहज़ातंई।

1 तीमुथियुस 4:13

गिऊ दोर पिचा तचेक विशवासी तु थल्जी पवित्रशास्त्र जोरे पढेक्पी ए याहब रंड्री ए पवित्रशास्त्रा बि सिखासी ए समझासी लेहकी बंङज़ु।

1 तीमुथियुस 5:17

अंऊ कलीसिया ओ सेंहणार एनोह कम रूठे रंङ लहज़ातोर, दोरे सही आदर ए सही मज़दूरी खोकच़िमी जोगे मनेक्तुंई, खासकर दोरे मीहरे अंऊ परमेश्वरो खबर ए बचनो प्रचार लहज़िमी थल्जी खास मेहनत लहज़ातोर,

1 तीमुथियुस 6:18

दोतिंङ भलाई ऊ कम लहज़िमी थल्जी कुह, दंङ ऊईतु थल्जी छिल्ला ज़रूरत तोह दोबि महस खुले सेहमे दान रम्मा लंहि।

इब्रानियों 10:25

अतंई हेनर परमेश्वरो अराधना लहज़िमी थल्जी ठ्रोहका शुहबी छोड़ेक्पोंई माह, छना कि रें मीहच़ी लहज़ातोर। पर हेंदिंङ इदि-अईदि बि याहब रंड्री जूंस दंङ चेतावनी रंड्री जूंशी तोह, खास लहज़ी हेंतेग कि अपेहल यह्च़ा प्रभु वापिस अपिमी ध्याड़ा कछंङ अपि लेहकी तोह।

इब्रानियों 13:17

केनातु अगुवा तु मनेक्तुंई; दंङ दोतु अधीन बंङज़ेंई, दोरे केहतु टोईच़ी नज़र केहषी तातोर ताकि केरे भटकेगी माह जूंस। छना कुचे दोतिंङ एनोह सेवा ओ लेखा परमेश्वरा बि रंड्री पढ़ेक्पोतो; केरे दोऊ मनेक्तुंई, ताकि दू दि कम खुशी रंङ साते लोहतो, छना कुचे दुखी शुहचे सेवकाई लहज़िमी छल्ले फायदा माह।

इब्रानियों 13:22

हे गिऊ प्यारे साथी विशवासी रे, गेह केतंङ साते बिनती लहज़ातग, कि दि डाको उजाबा बि धीरज़ारंङ साते रेड्रुंई, अंऊ केतिंङ याहब रंड्रीमी थल्जी च़ेहसी शुह गेह केतिंङ दि डाकरिंङ महस गप्पा च़ेहसी माहतग।

इब्रानियों 13:24

केनातु भत्ते अगुवा ए परमेश्वरो मीहतिंङ गिऊ नमस्कार कुंई। इतालिया देशो विशवासी रे केतिंङ नमस्कार कुट्रातोर।

इब्रानियों 13:7

अंऊ केहतु अगुवा तोईरे, दंङ अच़ि केतिंङ परमेश्वरो बचन सुनाच़ी तातोर, दोतिंङ हिद तंही; दंङ ध्याना रंङ साते दोतु जीवन खंई, कि छना दोच़ी एनोह जीवन‍‍ श्रींङमातोर, दंङ सिमी मुक्का तचेक परमेश्वरो विशवासा रिंङ पक्‍का बणेंके बंङज़िरे। झांह लेह हेंदिंङ ला परमेश्वरो टोईच़ी ध्वांए ठ्रोह विशवास लहज़ी लेह्पोतो छना दोच़ी लहसी तरेर।