रोमियो 12:7 - लाहौली बाइबिल

⁷ अगर ऊईतु मदत लहज़िमी दान खोकसा तोह दंङ दू सेवा लोहवा लोह दंङ अरिया सिखाएच़ा तोह, ता सिखाएच़ा लोह;

रोमियो 12:7 Iomraidhean Croise

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

यहून्नो 3:2

दोई राता रिंङ यीशु कछंङ अंज़े कुंई, हे गुरु, ञेंहच़ी ञेंहनी कि परमेश्वरे कांह ञेंहतिंङ सिखाएच़िमी थल्जी चरच़ि शुनाह; छना कुचे अच़िला झांह ठ्रोह चिन्ह चमत्कार अंऊ केई लहज़ातन, अगर परमेश्वर दोरंङ साते माह शुई ता लेह मरच़ि।”

प्रेरित 13:1

अन्ताकिया शहरो कलीसिया रिंङ महसे भविष्यवक्ता ए शिक्षा रंड्रा तोईरे; मतलब बरनबास ए शमौन अतु अई मिन नीगर (रोह्की) कुट्रातेर; दंङ लूकियुस अंऊ कुरेनो शहरो शुह, शाऊल दंङ मनाहेम अंऊ दोतु पालन-पोषण राज्यपाल हेरोदेस रंङ साते शुहते।

प्रेरित 20:20

दंङ अंऊ-अंऊ गप्पा केहतु फायदो थल्जी तोह, दोतिंङ कंड्रिमी थल्जी ए मीहतु तुहई ज़ि सिखाच़िमी थल्जी षेहद माह लहरी।

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

प्रेरित 6:1

दुह ध्याड़ा रिंङ अपेहल चेला तु गिनती महस शुहबी लेहती। दंङ यूनानी भाषा कुट्रा यहुदी विश्वासिर, इब्रानी भाषा कुट्रा यहुदी विश्वासी तु खिलाप शिकायत लहरिर, कुट्री लेहतिर, कि हर ध्याड़ो सेवा रिंङ ञेंहतु ए रंणी मेच़िमी तु ख्याल माह तहच़ातोर।

1 कुरिन्थियों 12:28

मसीहू दि फुका रिंङ, अंऊ कलीसिया तोह, परमेश्वरे हेंदिंङ शत्‌ह ठ्रोह सेवकाई ओ थल्जी अंङषी ततो: भत्ते बे तुहई, दोई प्रेरित, दूसरा भविष्यवक्ता, दोऊ थल मदत लहज़ा मुख्या, दंङ भत्ते पाहठी भाषा कुट्रा।

1 कुरिन्थियों 12:5

शत्‌ह-शत्‌ह ठ्रोह कम तोतोर अंऊ हेनर प्रभु थल्जी लहज़ातंई पर हेनर भत्तेर इच्च़ा ए प्रभु सेवा लहज़ातंई।

1 कुरिन्थियों 14:26

हे गिऊ प्यारे साथी विशवासी रे, रेड्रुंई, छि लहच़ी जूंस? अपेहल केरे अराधना ओ थल्जी ठ्रोका शवातंई, दंङ केहतु बिचंङ अरिया ता गीत कुट्रा, शवातोंई, दंङ रैहच़ी उपदेश रंड्रातंई, अरिया एनोह टोहकठे प्रगट लहसी हेले कंड्रा, अरिया शत्‌ह भाषारिंङ गप्पा लहज़ा दंङ रैहच़ी दोऊ अनुवाद लहज़ातोर; दि भत्ते गप्पो मकसद दि शुहबी जूंस कि कलीसिया बि विशवासरिंङ पक्‍का शुहबिमी थल्जी मदत लेह तरपोर।

गलातियों 6:6

अंऊ मीहतिंङ परमेश्वरो बचनो शिक्षा रंड्रातोर, दंङ दोतु फर्ज़ बणेक्पा, कि छिल्ला धिर दोतु कछंङ तोह, दू मीहतंङ साते फासि जूंस अंऊ दोतिंङ सिखाएच़ातोर।

इफिसियों 4:11

दि मसीह तोहई अच़ि दि ज़िम्मेवारी कलीसिया बि रेंई: दोई रेह तिंङ प्रेरित शुहबिमी थल्जी अंङे च़रति दंङ रेह तिंङ भविष्यवक्ता बणेषिमी थल्जी, दंङ रेह तिंङ रूठे खबर सुनाएच़िमी थल्जी, दंङ रेह तिंङ रखवाली लहज़िमी थल्जी दंङ रेह तिंङ सिखाच़िमी थल्जी अंङे च़रतिर।

कुलुस्सियों 4:17

दंङ अरखिप्पुस ओ हखा कुंई कि “अंऊ सेवा प्रभुरिंङ कनिंङ रांहषी तोह, दोबि रूठे रंङ साते पुरे लोह।”

1 तीमुथियुस 2:7

दिए वहज़ा ज़ि रूठे खबरो प्रचार ए प्रेरितो रूपारिंङ ऊईजाति तिंङ विशवास ए सच्चाई ऊ शिक्षा रंड्रीमी थल्जी गेह अंङषी शुगाह, गेह हप्सी माह कुट्रातग, पर हेले कुट्रातग।

1 तीमुथियुस 3:2

दंङ दि ज़रूरी तोह कि कलीसिया ओ मुख्या बि दि गुण शुहबी जूंस, कि दुह निर्दोष शुहबी जूंस, दंङ इच्च़ा मेच़ो गगसा शुहबी जूंस, हर हालातरिंङ एनोह टोहकठे काबू लहज़ा, रूठे, ए पौहना तु आदर लहज़ा, दंङ परमेश्वरो बचन रूठे रंङ सिखाएच़ा शुहबी जूंस।

1 तीमुथियुस 4:16

दि पाहठी खबरदार बंङज़ु कि कांह छना बंङज़ातन दंङ छि सिखाएक्च़ातन, दि गप्पारिंङ पक्‍का बंङज़ु, छना कुचे अगर झांह लोहवा लोहन, दंङ दिऊ नतीज़ा दि शोतो कि कांह दोरच़ी परमेश्वर एनेह कनिंङ ए कनिंङ रेड्रा दोतिंङ न्यायो दोरच़ी बचाएपोतो।

1 तीमुथियुस 5:17

अंऊ कलीसिया ओ सेंहणार एनोह कम रूठे रंङ लहज़ातोर, दोरे सही आदर ए सही मज़दूरी खोकच़िमी जोगे मनेक्तुंई, खासकर दोरे मीहरे अंऊ परमेश्वरो खबर ए बचनो प्रचार लहज़िमी थल्जी खास मेहनत लहज़ातोर,

2 तीमुथियुस 2:2

केई गिह्बी महस मीहतु तुहई ज़ि मसीहू पाहठी खबर सिखासी तंङातेन, झांह लेह, गेह जुंज़ातग कि केई ला ऊई विशवासी तिंङ दिए खबर सिखाएतु। अंऊ विशवासो जोगे मीहरे तोतोर, दंङ अंऊ ऊईतिंङ ला दिए सिखाएच़िमी जोगे शोर।

2 तीमुथियुस 2:24

दंङ प्रभु दासबि झगड़ालू शुहबी माह जूंस, पर भत्तेतंङ साते मिलनसार ए सहनशील शुहबी जूंस। दुह परमेश्वरो बचन रूठेरंङ कंड्रा शुहबी जूंस।

2 तीमुथियुस 4:2

कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।