रोमियो 12:3 - लाहौली बाइबिल

³ छना कुचे गेह दू मोह्ड़े दाह ओ वहज़ा ज़ि अंऊ गिह्बी खोकसी तोह, केहतु बिचंङ हर इच्च़ा रंङ साते कुट्रातग कि छना समझेची जूंस दुबे बड़के अरिला एनाबि था सोचेक्तुंई। पर छना परमेश्वरे केतिंङ अंयों विशवास रांहषी ततो दोऊ हिसाबे सुबुद्धिरंङ साते केनातिंङ समझेक्तुंई।

रोमियो 12:3 Iomraidhean Croise

लूको 18:11

फरीसी मीह खड़े शुहचे एनोह सेहमरिंङ दिह प्रार्थना लहज़ी लेहती, हे परमेश्वर, गेह कांह धन्यवाद लहज़ातग कि गेह ऊई मीहतु ठ्रोह लालची, अन्यायी ए कुकम लहज़ा माह तोग, दंङ माह दिह चुंगी लेहप्च़ातु ठ्रोह तोतोग।

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।

रोमियो 1:5

मसीहू दोरच़ी गिह्बी मोह्ड़े दाह ए प्रेरिताई ओ सेवकाई परमेश्वरो दोरच़ी रांहषी तोह, ताकि दोऊ मिन्दु बजाहज़ि भत्ते जातिऊ मीहरे मसीहू टोहकठे विशवास लोहर दंङ दोऊ हुकुम मनेक्पोर,

रोमियो 11:20

दि हेले शुह, दू ता अविशवासो वहज़ा ज़ि थक्शी केई, पर कांह विशवास रंङ बड़ेकी बंङज़ातोन दिऊ थल्जी घमण्डी शुह, पर बेह्द चेहतु।

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 12:16

इदि-अई दिऊ ध्वांए ध्यान तंही छना केनोह ध्यान तहच़ातन, घमण्डी था शुई पर दीन ए दुखी तंङ साते मेल जोल तंही केनातिंङ बुद्धिमान था समझेक्तुंई।

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

1 कुरिन्थियों 3:10

परमेश्वरे अंऊ वरदान गिह्बी रांहषी ततो, दोऊ इस्तेमाल लहज़ी गेह दू चुंङो मुयांद इच्च़ा बुद्धिमान राजमिस्त्री ठ्रोह केईगा, दंङ ऊई मीहरे दू मुयांदो टोईच़ी कम लहज़ी लेहकी तोतोर, पर भत्ते मीहतिंङ खबरदार बंङज़ी जूंशी तोह कि दोरे दिऊ टोहकठे छना कम लहज़ी लेहकी तोतोर।

1 कुरिन्थियों 7:17

अंऊ गेह कुट्रातग दोऊ निचोड़ दि तोह, कि विशवासी बि दू हालातरिंङ बणेक्पि जूंस अंऊ हालातरिंङ परमेश्वरे केरे अंङे चरच़तो दंङ केतिंङ एनोह मीहरे शुहबिमी थल्जी बुलाएक्तो भत्ते विशवासी तु थल्जी गिऊ दिए हुकुम तोह।

2 कुरिन्थियों 10:13

हेनर ता दू कम बे धह्कते अंऊ परमेश्वरे हेंदिंङ रांहषी तोह घमण्ड बिल्कुल ला माह लोहनि, पर दोर तचेक ए अंऊ परमेश्वरे हेंदु थल्जी ठहरासी तोह, दंङ दोरिंङ केरेला अच़ा अंज़े तोतोंई, दंङ दोऊ ए हिसाबे घमण्ड ला लोहनि।

2 कुरिन्थियों 12:13

केरे अंऊ गप्पारिंङ ए ऊई कलीसिया बे कम तोईनी, सिर्फ इच्च़ा ए गप्पो थल्जी अंऊ गेह ऊई कलीसिया तंङ साते लाहतग दंङ केतंङ साते माहलग, गेह केहतु दोरच़ी घेंङौ ज़रुरतो थल्जी ढबाह माह पेट्रातग, केहतु दि सोचेक्सी गलत शुह कि गेह झांह लहच़ी केहतु विरोधा रिंङ गलत लहरिग।

2 कुरिन्थियों 12:7

पर गिह्बी दू अद्धभुत चीज़ा तु पाहठी घमण्ड लहज़ी माह जूंस अंऊ परमेश्वरे गिह्बी कांहषी ततो। झांह लेह दिरंङ मुकाबला लहज़िमी थल्जी गिऊ फुकारिंङ छ़वाक्तु ठ्रोह इच्च़ा खरे समस्या रांहषी ततो। शेतानो तरफे गिह्बी इच्च़ा दूत सच़िमी थल्जी रांहषी तोह, ताकि गेह घमण्डी शुहबी मेस।

गलातियों 6:3

छना कुचे अगर केहच़ी ञेंहच़ातंई कि अतुआ मदत लहज़िमी थल्जी केरे महस खास शुई दंङ केरे सिर्फ केनातिंङ ए मुर्ख बणाएच़ातोंई केरे धोंण ला खास माह शुई।

इफिसियों 3:2

केहच़ी पक्‍का रेड्री शोंई, कि परमेश्वरे एनोह मोह्ड़े दाह ओ दोरच़ी गिह्बी रूठे खबर सुनाएच़िमी ज़िम्मेवारी रांहषी ततो।

इफिसियों 3:4

छना केरे दू डाक पढे़क्पोंई, दंङ केतिंङ दिला ला पता लेहकी योतो कि गेह हेले रिंङ मसीहू गुप्त भेदो पाहठी अंयों रूठे रंङ ञेंहच़ातग।

इफिसियों 4:16

छना ठ्रोह इच्च़ा मीहु फुक दोऊ भत्ते जोड़ो दोरच़ी इच्च़ा साते जुड़ेके बंङज़ा, ध्वांए ठ्रोह मसीह हेंदिंङ भत्ते तिंङ अंऊ दोऊ टोहकठे विशवास लहज़ातंई, एनोह फुको अंङों ठ्रोह जोड़ेके तहज़ा। दंङ, अपेहल फुको भत्ते अंङ रूठे रंङ कम लहज़ातोर दंङ फुक बणेक्पा दंङ पक्‍का शवाह; ध्वांए, अपेहल हेंदु बिचंङ ज़ि इच्च़ा ज़ि दू कम लहज़ा अंऊ मसीह हेंदिंङ रांहषी ततो दंङ हेनर ला सिद्ध ए पक्‍का शुहचे बड़ेकी योंई, दंङ इदि-अई दिरंङ साते ऊई ला महस दाह लोहनि।

फिलिपियों 2:13

छना कुचे परमेश्वर ए तोह, अच़ि केहतु अंदरेग कम लहज़ा दंङ दोई ए केतिंङ कम लहज़िमी हिटी ए शाक्ति रंड्रा अंऊ दोई दोबि खुश लहज़ा।

कुलुस्सियों 1:29

झांह लेह दिबी पूरा लहच़िमी थल्जी गेह महस मेहनत लहज़ातग, दुह मोह्ड़े सामर्थो इस्तेमाल लहज़ा ते अंऊ मसीह रंड्रा दंङ अच़ि गिऊ अन्द्रेग कम लहज़ा।

कुलुस्सियों 2:13

दंङ परमेश्वरे केतिंङ, अंऊ पापमय स्वाभाव रिंङ तोईनी शाक्ति रंङ आज़ाद माह तोहनी, मसीह रंङ श्रींङमी लहरी दंङ हेंदु भत्ते गुनाह लाह माफ लहरी।

1 तीमुथियुस 1:14

दंङ हेंदु प्रभु मोह्ड़े दाह दुह विशवास ए दाह रंङ साते अंऊ मसीह यीशु रिंङ तोह, महसरंङ साते शुई।

1 तीमुथियुस 2:15

तांला मेच़िमीर अगर ज़हके ते विशवास, दाह ए पवित्रता रंङ साते पक्‍का शुहचे बंङज़ोर, दंङ परमेश्वर मेच़िमी बि कटु जेह्कपिमी दोरच़ी बचाके च़रपोतो।

1 तीमुथियुस 2:9

ध्यांए गेह जुंज़ातग कि मसीही मेच़िमीतिंङ रूठे रंङ साते खमज़ेर लहज़ी जूंशी तोह, झांह ठ्रोह खमज़ेरे अंऊ रूठे ए ग्रहण लहच़िमी जोगे शोर। माह कि सिर्फ क्रा लहज़ी ए ज़ंङ लेह्चा या मुतिकरे लेह्चा या माहङे खमज़ेर लहज़ा एनाबि सलटे लोहतो।

तीतुस 2:12

दि मोह्ड़े दाह ओ दोरच़ी परमेश्वर हेंदिंङ हुकुम रंड्रा, कि हेनर ध्वांए ठ्रोह व्यवहार लेह बन्द लेह च़रपोंई, अंऊ दोबि खुश माह लहज़ा, दंङ दुह चीज़ा तु लालच लेह बंद लंहि अतु हिटी अविशवासी ज़ि तहच़ातेर, दंङ अपेहल हेनर हेंतेग दि धरतीऊ टोहकठे ए तोतोंई दंङ बुद्धिमानी ए धर्मिकता रंङ दि तरीका रंङ साते कम लंहि कि अंऊ परमेश्वराबि खुश लहज़ा।

तीतुस 2:2

कलीसिया ओ सेंहणा बि एनोह टोहकठे काबू लहच़ी जूंशी तोह, दंङ झांह ठ्रोह व्यवहार लेह जूंशी तोह ताकि मीहच़ी दोऊ आदर लोहर, दंङ समझदार शुहबी जूंस। दोतिंङ परमेश्वरो टोहकठे पक्‍का रंङ विशवास लेह जूंशी तोह, दंङ ऊई मीहतंङ साते सच्चाई रंङ साते दाह लेह जूंशी तोह दंङ सहन लहज़ार शुहबी जूंस।

तीतुस 2:4

ताकि दोरे जवान मेच़िमीतु थल्जी रूठे उदाहरण बणेक्पि जूंस दंङ सलाह रंड्रा शुहबी जूंस कि एनातु गगसा ए कटुतंङ छना ठ्रोह दाह लेह जूंशी तोह।

तीतुस 2:6

ध्वांए जवान गंङमीतिंङ ला समझाए कि च़रतुंई, कि दोरे एनोह टोईच़ी काबू लहज़ा जूंशी तोह।

याकूब 4:6

पर परमेश्वरे ता ऊई ला मोह्ड़े दाह रंड्रा। झांह लेह पवित्र शास्त्रारिंङ दि च़ेहसी तोह कि, “परमेश्वरे घमण्डी तु विरोध लहच़ी, पर नम्र मीहतिंङ मोह्ड़े दाह लहज़ा।”

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।

1 पतरस 4:11

अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

1 पतरस 5:5

झांह लेह केरे जवान तिंङ सेंहणा मीहतु हुकुमो भाषे लहज़ी जूंशी तोह। केरे भत्ते तिंङ नम्रता रंङ साते इदि-अई दिऊ मदत लहज़ी जूंशी तोह। छना कुचे पवित्र शास्त्रा रिंङ च़ेहसी तोह, “परमेश्वरे घमण्डी तु विरोध लहज़ी, पर दीन दोतु टोईच़ी मोह्ड़े दाह लहज़ा।”

1 पतरस 5:8

हमेशा खबरदार ए दंङ चेहके बंङज़ुंई, छना कुचे शेतान, केहतु विरोधी केहतु टोईच़ी हमला लहज़ी ततो ताकि केरे परमेश्वरो हुकुमो भाषे माह लोहनि। दुह फ्रक्शे ज़ज़ा ब्राघो ठ्रोह तोह, अंऊ तुंखा थलका खंड्रा कि अपि ज़ोओग।

3 यूहन्ना 1:9

गेह तुहई लाह दिह कलीसियाओ विशवासी तिंङ इच्च़ा डाक च़ेहसी तरेग, पर दियुत्रिफेस गिऊ हुकुम मनेक्च़ी रंङ साते इंकार लहज़ा, छना कुचे दुह हमेशा ऐनाह ए कलीसियाओ सेंहणा बड़ेक्पी जुंज़ाते।