रोमियो 12:2 - लाहौली बाइबिल

² दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

रोमियो 12:2 Iomraidhean Croise

मत्ती 13:22

अंऊ बैएजा छ्वाक्तु विचंङ तोहई दुह हुंज़ी ए माह, दिऊ मतलब दिह शुह कि रेह मीहच़ी परमेश्वरो बचन ता रेड्री, पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

मरकुसो 4:19

पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

यहून्नो 14:30

गिऊ दोर्तिंङ केतंङ साते गप्पा लहज़िमी थल्जी ऊई टेम माह, छना कुचे दिह संसारो मुख्या शेतान अपि लेहकी तोह, दंङ गिऊ टोहकठे दोऊ छले वश माह।

यहून्नो 15:19

अगर केहरे संसारो मीहतु ठ्रोह शुहचंङ, ता संसारो मीह ज़ि केतंङ साते दाह लहज़ी तोहई, पर दिह बजह च़ि कि केहरे दिह संसारो मीहतंङ साते नाता माह तहच़ातंई, पर गेह केतिंङ संसारो मीहतु बिचंङ च़ि अंङे केहतग; दिऊ थल्जी संसारो मीहरे केतंङ साते बैर लहज़ातोर।

यहून्नो 17:14

गेह कांह बचन दोतु कछंङ पिचे च़रतग, दंङ संसारो मीह ज़ि दोतंङ साते बैर लहरिर, छना कुचे, छना गेह दिह संसारो माह शुगाह, ध्वांए दोरे ला दिह संसारो माह शोहर।

यहून्नो 7:7

संसारो मीहरे केतंङ साते बैर लेह मरपोर पर दोरे गेरंङ साते बैर लहज़ातोर, छना कुचे गेह दोतु खिलाप दिह गवाही रंड्रातग, कि दोतु कम मांजी तोह।

रोमियो 12:1

झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

रोमियो 13:14

पर प्रभु मसीह यीशु बि धारण लेह च़रतेंई, दंङ फुको हिटी पूरा लहज़िमी कोशिश थालंही।

रोमियो 7:12

झांह लेह ञेंहच़ी दि कुट्री तरपोंई कि कानून पवित्र तोह, दंङ दोऊ हुकुम पवित्र, धर्मी ए रूठे तोह।

रोमियो 7:14

छना कुचे ञेंहच़ी ञेंच़ातंई कि कानून ता आत्मिक शुह, पर गेह मीह शुगाह दंङ पापो गुलाम शुगाह।

रोमियो 7:22

छना कुचे गेह घेंङौ सेहमे ता परमेश्वरो कानूनो दोरच़ी महस खुश बंङज़ातग।

1 कुरिन्थियों 3:19

छना कुचे दि संसारो मीहतु ज्ञान परमेश्वरो कछंङ मुर्खता तोह, छना पवित्र शास्त्रा रिंङ च़ेहसी तोह कि, “परमेश्वर ज्ञानवान दोतु चालाकी दोतिंङ ए फसाच़िमी थल्जी फंदा ओ रूपारिंङ लहज़ा,”

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

इफिसियों 1:18

गेह दि ला प्रार्थना लहज़ातग कि दू सच्चाई बि समझेक्सिमी थल्जी केहतु मदत लोहतो, दंङ दू उम्मीद अंऊ केतिंङ रांहषी ततो अपेहल परमेश्वरे केतिंङ अंङे चरच़ाते। ताकि केहच़ी ञेंई च़रतुंई कि दू आशीष अंयों मोह्ड़े ए महिमामय तोह अतु वाईदा परमेश्वरे एनोह मीहतंङ साते लहसी तहरे।

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

इफिसियों 5:17

झांह लेह मुर्ख था बणेक्तुंई, पर दि समझेक्सिमी कोशिश लोह कि प्रभु केतंङ साते छि लहज़ी जुंज़ा।

कुलुस्सियों 1:9

झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

कुलुस्सियों 3:10

दंङ हेंतेग केहच़ी खरकोई स्वाभाव धारण लेह केहतंई, दिह खरकोई स्वाभाव महसे बे महसे एनोह सिरजनहारो ठ्रोह शुहबी लेहकी तोह दंङ दोबि रूठे रंङ समझेक्पोतो।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 4:3

परमेश्वरो हिटी दि तो कि केरे पवित्र बणेक्तेंई मतलब कुकम थालांई।

तीतुस 3:5

दोई हेंदिंङ पापो सज़ा ओ दोरच़ी बचाएति दंङ दि धर्मिकता ओ कमो थल्जी मशत, अंऊ हेंज़ी लाहतंई, पर दोई एनोह दाह ओ हिसाबे लहरी, दोई हेंदु पाप शुल्ज़े शत्‌ह लेह च़रति, दंङ पवित्र आत्माओ दोरच़ी हेंदिंङ खरकोई जीवन रें च़रति।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

याकूब 4:4

हे विशवास घाती रे, छि केहच़ी दि माह ञेंच़ातंई आ कि संसार रंङ साते मित्रता लहच़ी परमेश्वरारंङ साते बैर लहज़ी शुह? झांह लेह अंऊ संसारो मित्रता रिंङ शोतो, दोई एनाबि परमेश्वरो बैरी बणाके चरच़तो।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

1 पतरस 1:18

केहच़ी ञेंहच़ातंई कि परमेश्वरे केतिंङ केहतु निक्कमा रिति-रिवाज़ो दोरच़ी, अंऊ केहच़ी केनातु बाह-मेमेतु दोरच़ी सिखेकतुंई, छोड़ेक्च़िमी थल्जी छोह् इस्तेमाल लाहतंई। दोई केतिंङ छुड़ाच़िमी थल्जी झांह ठ्रोह ढबाहो इस्तेमाल माह लहरी अपि ज़ंङ या मुलतु ठ्रोह नाश लेह तरपोंई।

1 पतरस 2:3

छना कुचे पवित्र शास्त्रे कुट्रा, “केहच़ी अनुभवो दोरच़ी ञेंच़ातंई कि प्रभु रूठे तोह।”

1 पतरस 4:2

एंतेग बेहच़ी, यह्च़ा, केरे केनातु ऊई संसारिक ज़िन्दगी बि पापो हिटी पूरा लहज़िमी थल्जी मश्त; पर परमेश्वरो हिटी पूरा लहज़िमी थल्जी श्रींङे च़रतुंई।

2 पतरस 1:4

दि भत्ते धिरो दोरच़ी परमेश्वरे हेंदिंङ महसे महान ए अनमोल वरदान रांहषी ततो अतु दोई वाईदा लहसी तते। ताकि दि वरदाना तु इस्तेमाल लहज़ी हेनर संसारो दुह मदम हिटी ओ दोरच़ी बचेके तरपोंई अंऊ मीहतिंङ नाश लहज़ा, दंङ परमेश्वरो व्यवहार सहभागी शुहचे योंई।

2 पतरस 2:20

मीहरे संसारो बुराई दोरच़ी हुंच़ा इलिर अपेहल दोच़ी यीशु मसीह बि एनोह प्रभु ए उद्धारकर्ता ओ रूपा रिंङ ग्रहण लहरिर। पर हेंतेग यह्च़ा इच्च़ा फेरा बुराई रिंङ शुरू शुहचे इलजी तोतोर दंङ मदम कम दोतिंङ एनोह हिसाबे लेह चरच़तो, झांह लेह हेंतेग मसीह बि अस्वीकार लहज़िमी थल दोतु अंतिम दशा दोतु विशवासी शुहबी रंङ साते बे तुहई कि दशा बेहच़ी खराब शुहचे इलि।

1 यूहन्ना 3:13

हे गिऊ प्यारे साथी विशवासी रे, अगर दिह संसारो मीहरे केतंङ साते बैर तहच़ातोर ता हेरानी था शुंई।

1 यूहन्ना 5:19

ञेंहच़ी ञेंहच़ातोंई कि, हेनर परमेश्वरो कटुरे शुई, दंङ भत्ते संसारो मीहरे दुह मांजी शेतानो वशारिंङ तोतोर।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।