रोमियो 12:16 - लाहौली बाइबिल

¹⁶ इदि-अई दिऊ ध्वांए ध्यान तंही छना केनोह ध्यान तहच़ातन, घमण्डी था शुई पर दीन ए दुखी तंङ साते मेल जोल तंही केनातिंङ बुद्धिमान था समझेक्तुंई।

रोमियो 12:16 Iomraidhean Croise

मत्ती 11:5

कि काणे दोच़ी खमातोर, लट्टे दोरे जोज़ातोर, कोढ़ीरे शुद्ध शवाहतोर टंऊंणे दोच़ी थचातोर, सिए दोरे षीङमी लोहातोर, कंगालतिंङ रूठे खबर खोकसा।

मत्ती 26:11

गरीबरे केतंङ साते हमेशा बंङज़ोर पर गेह केतंङ साते हमेशा माह बंङज़ोग।

लूको 14:13

पर अपेहल केई धाम रमोंन ता गरीब मीहरे, टुंडे, लट्टे ए कणेतिंङ शाहधेकतु।

लूको 6:20

दंङ यीशुज़ि एनोह चेला तु हखा खांई कुंई, “धन्य शुहरे दोरे, अरी परमेश्वरो थल्जी एनोह ज़रुरतो एहसास लहज़ातोर, छना कुचे स्वर्गो राज दोतु शुह।”

प्रेरित 4:32

दंङ बिशवास लहज़ातु मंडली इच्च़ा सेहम ए इच्च़ा प्राण तोहई, देहर तचेक कि अच़िला एनोह टंगा ढबाह एनोह माह कुट्रातेर, छना कुचे अंऊ दोतु कछंङ तोहई दुह भत्ते तंङ साते फज़ातेर।

रोमियो 11:20

दि हेले शुह, दू ता अविशवासो वहज़ा ज़ि थक्शी केई, पर कांह विशवास रंङ बड़ेकी बंङज़ातोन दिऊ थल्जी घमण्डी शुह, पर बेह्द चेहतु।

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 12:3

छना कुचे गेह दू मोह्ड़े दाह ओ वहज़ा ज़ि अंऊ गिह्बी खोकसी तोह, केहतु बिचंङ हर इच्च़ा रंङ साते कुट्रातग कि छना समझेची जूंस दुबे बड़के अरिला एनाबि था सोचेक्तुंई। पर छना परमेश्वरे केतिंङ अंयों विशवास रांहषी ततो दोऊ हिसाबे सुबुद्धिरंङ साते केनातिंङ समझेक्तुंई।

रोमियो 15:5

गेह प्रार्थना लहज़ातग कि परमेश्वरे केतिंङ धीरज़ ए याहब रमतो ताकि केरे यीशु मसीह थले ज़ोजा ते केनातु बिचंङ एकता रंङ साते बंङज़ेंई।

रोमियो 6:2

माह बिल्कुल माह! हेनर पापो थल्जी सिए इलजी तोतोंई, दंङ झांह लेह हेंदिंङ लगातार पाप लहज़ी माह जूंस।

1 कुरिन्थियों 1:10

हे गिऊ प्यारे साथी विशवासी रे, गेह केतंङ साते हेंदु प्रभु यीशु मसीहू मिंदंङ साते दि बिनती लहज़ातग, केरे भत्तेर इदि-अई दिरंङ साते सहमत शुहबी जूंस दंङ केहतु बिचंङ फूट इबि मेस पर केरे इच्च़ा ठ्रोह विचार तहज़िमी दोरच़ी दंङ इच्च़ा मकसद रंङ साते इदि-अई दिरंङ साते मिलेकी बंङज़ुंई।

1 कुरिन्थियों 3:18

अगर केहतु बिचंङ अरिला दि सोचेक्च़ा कि दू दि संसारो मीहतु नज़रारिंङ ज्ञानवान तोह, दंङ केतिंङ दि संसारो नज़रारिंङ केनातिंङ मुर्ख बणाषी जूंशी तोह, ताकि केरे हेले रिंङ परमेश्वरो तुईज़ी ज्ञानवान बणेंके तरपोंई।

1 कुरिन्थियों 4:10

मीहरे हेंदिंङ मुर्ख चेहच़ातोर, छना कुचे हेनर मसीहू पाहठी प्रचार लहज़ातंई, पर गलती रंङ साते केहच़ी सोचेक्च़ातंई कि केरे महस बुद्धिमान विशवासी शुई! महसे मीहरे सोचेक्च़ातोर कि ञेंहतु कछंङ छल्ले अधिकार माह। केहतु कछंङ परमेश्वरो शाक्ति तोह। मीहच़ी ञेंहतु आदर माह लहज़ातोर पर दोरे केहतु आदर लहज़ातोर।

1 कुरिन्थियों 6:5

गेह केतिंङ षेह्पिमी थल्जी दि कुट्रातग। छि केहतु बिचंङ इच्च़ा ला झांह ठ्रोह बुद्धिमान मीह माह, अंऊ विशवासी न्वारेतु बिचंङ शुहचे झगड़ो फेंसला लेह तरपोतो?

1 कुरिन्थियों 8:2

अगर अच़िया समझेक्च़ा कि दोई छा ञेंहच़ा कि छना ठ्रोह ञेंहच़ी जूंस।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 3:16

झांह लेह हेंदिंङ दुह सच्चाई ऊ हिसाबे श्रींङमी लेह्पोतो अंऊ परमेश्वरे तुहई बे हेंदु टोहकठे प्रगट लेह चरच़तो।

फिलिपियों 4:2

गेह यूओदिया ए सुनतुखे, झुल्ला रिहंङ रंङ साते विनती लहज़ातग, कि प्रभुरिंङ ठ्रोहका शुहचे बंङज़ुंई।

इब्रानियों 13:5

केरे केनातु जीवन बि टंगा-ढबाहो लालचो दोरच़ी शत्‌ह तंही अंऊ केहतु दोर तोह दोरंङ ए खुश बंङज़ुंई। छना कुचे परमेश्वरे एनेह कुहषी ततो, “गेह कनिंङ अपेहला माह छोड़ेकपोग, दंङ कनिंङ अपेहला माह छोड़ेक्पोग।”

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।

1 पतरस 5:3

अंऊ मीहरे केतिंङ सोंपेगी तोतोर, दोतु टोईच़ी इच्च़ा अधिकारी ठ्रोह था बणेक्तुंई, बल्कि दोतु थल्जी इच्च़ा रूठे उदाहरण बणेक्तुंई।

3 यूहन्ना 1:9

गेह तुहई लाह दिह कलीसियाओ विशवासी तिंङ इच्च़ा डाक च़ेहसी तरेग, पर दियुत्रिफेस गिऊ हुकुम मनेक्च़ी रंङ साते इंकार लहज़ा, छना कुचे दुह हमेशा ऐनाह ए कलीसियाओ सेंहणा बड़ेक्पी जुंज़ाते।