रोमियो 12:11 - लाहौली बाइबिल

¹¹ महस मेहनत लंहि दंङ आलसी थाशुंई आत्मिक खुशी रिंङ बणेंके बंङज़ुंई; भत्ते सेहमे परमेश्वरो सेवा लोहवा लंहि।

रोमियो 12:11 Iomraidhean Croise

मत्ती 24:12

दंङ अधर्म बढेकपरिंङ साते एनातु बिचंङ दाह योह्सा योतो।

मत्ती 25:26

दोऊ मालिका ज़ि दोबि जुबाब रेंई, हे मांजी ए निक्कमे परगरा अगर केई ञेंच़ातन कि गेह ऊई मीहतु लहसी कमो दोरच़ी फायदा कमाएच़िमी उम्मीद लेहई।

प्रेरित 18:25

दोच़ी प्रभु यीशु पाहठी ऊई तंङ सिखेसा तोईरे, दोऊ भत्ते सेहमे प्रचार ए शिक्षा रेंईर। दंङ छिल्ला दोई कुट्राते दुह हेले तोहई, पर दोई दिए ञेंहच़ाते अंऊ यूहन्ना ज़ि सिखाएकाते अपेहल दोई बपतिस्मा रंड्राते।

प्रेरित 20:19

केहच़ी ञेंहच़ातंई कि गेह प्रभु यीशु अंयों दीनता रंङ साते सेवा लहज़ातेग, दंङ गेह अपेहला-अपेहला मीहतु थल्जी सोचेक्गी छना क्रापतेग। केहच़ी दि ला ञेंहनि कि गेह छना मुसीबता रिंङ अतिगा छना कुचे यहुदी अंऊ विशवास माह लहज़ा तोईरे, हमेशा गिह्बी सच़िमी कोशिश लहज़ातेर।

1 कुरिन्थियों 7:22

छना कुचे छना परमेश्वरो हालातरिंङ परमेश्वरे अंङे चरच़तो ए बुलासी ततो, दंङ दू इच्च़ा आज़ाद मीहू ठ्रोह तोह छना कुचे प्रभु यीशु ज़ि दोबि दोऊ पापो दोरच़ी आज़ाद लेह चरच़तो, दंङ ध्वांए अंऊ आज़ादो हालातरिंङ बुलासी ततो, दोरे मसीहू परगर शुहचे इलजी तोतोर।

इफिसियों 4:28

चोरी लहज़ा यह्च़ा चोरी थालोहू; पर दोबि ईमानदारी रंङ साते मेहनत लहज़ी जूंशी तोह, ताकि गरीब मीहतु मदत लहज़िमी थल्जी दोऊ कछंङ छा शोतो।

कुलुस्सियों 4:1

हे मालिका रे केनातु-केनातु परगर तंङ साते फेंसला ए दंङ इच्च़ा ठ्रोह व्यवहार साते लंहि, दि समझेके कि स्वर्गारिंङ ला केहतु इच्च़ा मालिक तोह।

1 तीमुथियुस 5:13

दंङ दिरंङ साते ए साते दोरे चुंङ-चुंङ इलज़ा सुस्त शुहबी सीखेच़ा, पर सिर्फ सुस्त माह शुह चुगली ला लहज़ातोर, दंङ ऊईतु कमरिंङ दखल रंड्रातोर दंङ झांह ठ्रोह गप्पा कुट्रातोर अंऊ दोतिंङ लेह माह जूंस।

इब्रानियों 12:28

हेंदिंङ अंऊ राज खोकसा तोह, दू त्रुलज़िमी जोगे माह, झांह लेह हेनर परमेश्वरा बि धन्यवाद रम्मा लोहनि, दंङ दोऊ हिटी ओ हिसाबे भक्ति ए अराधना लोहनि, अंऊ दिरंङ दू खुश शवाह।

याकूब 5:16

झांह लेह केरे केनातु बिचंङ इदि, अईदिऊ तुईज़ी केनातु-केनातु पाप मनेके च़रतुंई, दंङ इदि-अईदिऊ थल्जी प्रार्थना लंहि, अंऊ दिरंङ केरे आईन शुहचे योंई; धर्मी मीहू प्रार्थना सामर्थी शुहबी दंङ दोऊ अद्धभुत नतीज़ा खोकसी।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 4:8

भत्ते बे मोह्ड़े गप्पा दि तोह कि इदि-अई दिरंङ साते महसे बे महसे दाह लंहि, छना कुचे अगर केरे मीहतंङ साते दाह लहज़ातंई, दंङ केरे हमेशा अंऊ ला पाप बि माफ लहज़िमी थल्जी तेयार बंङज़ोंई, अंऊ दोच़ी लहसी ततोर।

प्रकाशित वाक्य 2:4

पर गिह्बी कनु हखा दि शिकायत तोह: पर काह गेरंङ साते ध्वांए ठ्रोह दाह माह लहज़ातन छना ठ्रोह दाह केई गेरंङ साते दुह मुक्का लहज़ातेन अपेहल केई मुण्डा गिऊ टोईच़ी विशवास लाहतेन।