रोमियो 12:1 - लाहौली बाइबिल

¹ झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

रोमियो 12:1 Iomraidhean Croise

लूको 7:47

दिऊ थल्जी गेह केतंङ साते कुट्रातग महसे पाप अंऊ दिह लहसी तरेह माफ शुहचे इलि, “छना कुचे दी महस दाह लहरी; पर अतु थोड़े पाप माफ शुई दोई थोड़े दाह लाह।”

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

रोमियो 15:16

कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।

रोमियो 15:30

हे गिऊ प्यारे साथी विशवासी रे, प्रभु यीशु मसीह रिंङ गेह हेंदु विशवासो दोरच़ी ए दंङ पवित्र आत्माज़ि छा दाह हेंदिंङ रांहषी ततो, दोऊ वहज़ा ज़ि, गेह केतंङ साते बिनती लहज़ातग, कि केहच़ी गिऊ थल्जी परमेश्वरा रंङ साते महसे ईमानदारी रंङ प्रार्थना लोहवा लंहि।

रोमियो 2:4

छि कांह परमेश्वरो भलाई ए सहनशीलता, दंङ सब्ररूपी धन बि बेकार ञेंच़ातन? दंङ केई दि माह समझेक्च़ातन कि परमेश्वरो भलाई कनिंङ पश्चाताप काराच़ि सिखाएच़ा?

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

रोमियो 6:16

केहच़ी ञेंच़ातंई कि अपेहल केरे केनातिंङ अतुआ परगर शुहबिमी थल्जी रें चरच़ातेंई दंङ दू मीह केहतु मालिक शुहचे यवात दंङ केतिंङ दू लेह लेह्पोतो अंऊ दोई क्वात, केरे पापो परगर शुहबी तरपोंई अंऊ सिमी हखा रैंज़ा शिलज़ा, या केरे परमेश्वरो हुकमो चुनाव लेह तरपोंई, अंऊ धर्मिक जीवनो हखा रैंज़ा शिलज़ा।

रोमियो 6:19

गेह इच्च़ा साधारण उदाहरण रंड्रा केतिंङ कंड्रातग। कि केहच़ी मीहच़ी छना ठ्रोह तुहई केनातु फुक अधर्मो अधीन लेह चरच़ातेंई, दंङ दू झखंजी शुहचे इलज़ा, ध्वांए हेंतेग केरे केनातु फुक धर्मिकता ओ अधीन लेह च़रतेंई, दंङ दू पवित्र शुहचे योतो।

रोमियो 9:23

दोई झांह दिऊ थल्जी लहरी छना कुचे दोई दि कंड्री तते, कि दू अंयों महान तोह अपेहल दोई दू मीहतु टोईच़ी दया लहरी अंऊ दोतिंङ दोई एनोह महिमा रिंङ भागीदार शुहबिमी थल्जी अंङषे ततो।

1 कुरिन्थियों 1:10

हे गिऊ प्यारे साथी विशवासी रे, गेह केतंङ साते हेंदु प्रभु यीशु मसीहू मिंदंङ साते दि बिनती लहज़ातग, केरे भत्तेर इदि-अई दिरंङ साते सहमत शुहबी जूंस दंङ केहतु बिचंङ फूट इबि मेस पर केरे इच्च़ा ठ्रोह विचार तहज़िमी दोरच़ी दंङ इच्च़ा मकसद रंङ साते इदि-अई दिरंङ साते मिलेकी बंङज़ुंई।

2 कुरिन्थियों 10:1

गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

2 कुरिन्थियों 4:1

झांह लेह अपेहल हेंदु टोहकठे झांह ठ्रोह दया शुई, कि हेंदिंङ परमेश्वरो रूठे खबर प्रचार लहज़िमी सेवकाई खोकसिरी, दंङ हेंज़ी अपेहल ला हार माह खोकपोंई।

2 कुरिन्थियों 4:16

झांह लेह हेनर याहब माह छोड़ेक्च़ातंई; हेंदु धकते कि इन्सानी रूप कमज़ोर शुहचे यवात पर हेंदु तोंखी अन्तरात्मा हर ध्याड़ा खरकोई शुहचे यवाह।

2 कुरिन्थियों 5:20

झांह लेह हेनर मसीहू राजदूतारे शुहनि; परमेश्वरे दोऊ खबर स्वीकार लहज़िमी थल्जी हेंदु थल्जी दोरच़ी मीहतु बिनती लहज़ा। हेनर मसीहू हखा निवेदन लहज़ातंई, कि परमेश्वरारंङ साते मेल मिलाप लोहनि।

2 कुरिन्थियों 6:1

परमेश्वररंङ साते कम लहज़ा शुहबी रंङ साते हेनर करंङ साते दि विनती लहज़ातंई कि परमेश्वरो मोह्ड़े दाह केहतु टोईच़ी शुहचा, दोबि ध्यांए इबि थारांई;

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

इफिसियों 5:10

दि सिखेक्च़िमी कोशिश लंहि, कि प्रभुबि छि रूठे च़ेहसी।

फिलिपियों 1:20

गिऊ सेहमो हिटी ए उम्मीद दि तोह, कि गेह अंऊ लाह गप्पा रिंङ शर्मिन्दा माह शुगाह, पर गिह्बी मसीहू पाहठी कुट्री हिम्मत शवाह छना कि गेह बितेगी टेमारिंङ कुहतेग। चाहे गेह श्रींङी बंङज़ोग या सिए योग, गेह घेंङौ भत्ते ज़िंदगी ऊ दोरच़ी मसीह बि आदर रम्मा लोहग।

फिलिपियों 2:17

प्रभु रिंङ केहतु विशवास ए केहतु सेवा परमेश्वर बि चढ़ासी बलिदानो ठ्रोह तोह। अगर दोच़ी गेह सच़ी च़रपोर, तांला गेह खुश तोतोग दंङ केरे भत्ते तंङ साते खुशी मानाएक्च़ातग।

फिलिपियों 4:18

गिऊ दोर भत्ते धिर तोद पर महसे बे बढ़कर तोह; अंऊ चीज़ारे केहच़ी इपफ्रुदीतुसो गुह्ट्री दोरच़ी च़रसी तोहई, दुह खोक्शे गेह तृप्त शुहचे इलिगा, दि झांह ठ्रोह तग तोह अंऊ केहच़ी परमेश्वर बि चढ़ाके दंङ अंऊ रूठे वास रंड्रा। अंऊ परमेश्वर ग्रहण लहच़ी दंङ खुश शुहबी।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

1 थिस्सलुनीकियों 4:10

दंङ मकिदुनिया प्रदेशो भत्ते विशवासी न्वा तंङ साते दाह लहज़ातंई। पर हे गिऊ प्यारे साथी विशवासी रे, ञेंहच़ी केतंङ साते विनती लहज़ातंई, कि दिरंङ ऊई ला बड़ेकी इलांई,

1 थिस्सलुनीकियों 5:12

हे गिऊ प्यारे साथी विशवासी रे, ञेंहच़ी केतंङ साते बिनती लहज़ातंई कि केहच़ी दुह मीहतु आदर लंहि, अंऊ केहतु बिचंङ महस मेहनत लहज़ातोर, दंङ प्रभुरिंङ केहतु अगुवारे तोतोर दंङ केतिंङ सलाह रंड्रातोर।

1 तीमुथियुस 2:3

झांह ठ्रोह प्रार्थना लहज़ी ठीक तोह, दंङ हेंदु उद्धारकर्ता परमेश्वरे दोबि ग्रहण लहज़ा।

1 तीमुथियुस 5:4

दंङ अगर अतुआ रंणी मेच़िमी ऊ कटु ए जोह्तर पोत्रारारे शोर, दंङ दोरे तुहई एनोह ज़िम्मेवारी पूरा लोहतो, छना इच्च़ा विशवासी बि लेह जूंशी तोह, झांह लेह एनोह याह-बाह ए नाना-नानी देखभाल लहच़ी दोतु थल्जी छा लोहतो। छना कुचे परमेश्वराबि दिए रूठे च़ेहसी।

फिलेमोंन 1:10

गेह उनेसिमुस थल्जी विनती लहज़ा, अंऊ गिऊ योह ठ्रोह तोह। अपेहल गेह जेलारिंङ तोईग दंङ दुह मसीह रिंङ गिऊ योह बणेंके इलि।

इब्रानियों 13:22

हे गिऊ प्यारे साथी विशवासी रे, गेह केतंङ साते बिनती लहज़ातग, कि दि डाको उजाबा बि धीरज़ारंङ साते रेड्रुंई, अंऊ केतिंङ याहब रंड्रीमी थल्जी च़ेहसी शुह गेह केतिंङ दि डाकरिंङ महस गप्पा च़ेहसी माहतग।

1 पतरस 2:20

पर अगर केतिंङ गलत शुहबिमी थल्जी घाह केहओर ता, दंङ सज़ा खोकच़िमी मेह धीरज़ तहच़ि रंङ साते केहतु षटणा लहज़िमी छल्ले वहज़ा माह। पर अगर भलाई लहज़ी रंङ साते केरे दुख सहन लहज़ातंई दंङ धीरज़ तहज़ातंई, दोहपल परमेश्वर खुश शवाह।