रोमियो 11:7 - लाहौली बाइबिल

⁷ दिऊ नतीज़ा छि शुई? दि कि इस्राएलो मीहरे अंऊ गप्पो खोजारिंङ तोईरे, दोबि पेट्री मरतिर; पर अंङषी मीहच़ी दू खोक्क्षे च़रतिर दंङ रें मीहतु सेहम डगडगी शुहचे इलि।

रोमियो 11:7 Iomraidhean Croise

मरकुसो 6:52

दुरेह दुह रोटीऊ पाहठी समझेकी माह तोईरे, छना कुचे ता दोतु सेहम डग-डग शुहचे तोईरे।

लूको 13:24

“परमेश्वरो राज्यरिंङ संगड़े पेतंङज़ि इबि खरे तोह, छना कुचे गेह केतंङ साते कुट्रातग कि महसे मीहरे इबिमी कोशिश लोहर पर इबि मरपोर।

यहून्नो 12:40

“परमेश्वरे दोतु टिरार काणे लेह च़रति, कि दोरे खांई मरपोर, दंङ दोतु दिमाग बंद लेह च़रति कि दोरे समझेकी मरपोर। माह ता दोरे गिऊ हखा किरच़ा इबि तोईर दंङ गेह दोतिंङ ठीक लेह चरच़ि तोहई।”

रोमियो 10:3

दोरे दू धर्मिकता माह ञेंहच़ातोर, अंऊ दोबि परमेश्वरे जुंज़ा, दंङ दोरे एनोह धर्मिकता बि स्थापित लहज़ी बंङज़ातोर। झांह लेह दोच़ी एनाबि परमेश्वरो अधीन माह लहरिर।

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 11:5

ध्यांए रिति रंङ साते दि टेमारिंङ ला परमेश्वरो‍‍‍ दया ओ वहज़ा ज़ि, दि यहुदी तु इच्च़ा कवचि अरे हिस्सा शुह अंऊ परमेश्वरे एनोह सच्चे मीहतु रूपारिंङ अंङषी ततो।

रोमियो 3:9

दंङ, छि ञेंरे यहुदी मीहरे गैर यहुदी मीहतु बे रूठे तोतोंईयां? माह! बिल्कुल माह! छना कुचे ञेंहच़ी तुहई साफ-साफ कुह्चे चरच़ातेंई कि यहुदी ए ऊईजाति भत्ते पापो शाक्ति ऊ अधीन तोतोंई।

रोमियो 6:15

दंङ, छि हेनर ध्यांए लगातार पाप लोहवा लांईया, कि हेनर कानूनो अधीन माह पर मोह्ड़े दाह ओ अधीन तोतोंई? माह! बिल्कुल ला माह!

रोमियो 9:18

दंङ यह्च़ा, परमेश्वर अतिंङ जुंज़ा दोऊ टोहकठे दया लहज़ा; दंङ अपि जुंज़ा दोबि हठिला (ज़िद्दी) बणाके च़रच़ा।

रोमियो 9:23

दोई झांह दिऊ थल्जी लहरी छना कुचे दोई दि कंड्री तते, कि दू अंयों महान तोह अपेहल दोई दू मीहतु टोईच़ी दया लहरी अंऊ दोतिंङ दोई एनोह महिमा रिंङ भागीदार शुहबिमी थल्जी अंङषे ततो।

1 कुरिन्थियों 10:19

गेह दि माह कुट्रातग कि मुर्ति बि चढ़ाएसी बलि ऊ छा कीमत तोह या दि कि मुर्तिऊ छा कीमत तोह।

2 कुरिन्थियों 3:14

पर इस्राएलो मीहतु सेहम डगडगी शुहचे इलजी तोहई, छना कुचे तोग तचेक पुराना नियम पढेक्पिमी मुक्का दू ए परदा बंङज़ा। पर सिर्फ मसीहू टोहकठे विशवास लहज़िमी रंङ साते दू परदा एेह्खा लेह तरच़ी।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

इफिसियों 4:18

दोरे ता परमेश्वरो गप्पा समझेकी मरच़ातोर। छना कुचे दोरे परमेश्वरा बि माह ञेंहच़ातोर दंङ ज़िद्दी तोतोर, परमेश्वरो दुह खरकोई जीवन दोतु दोर्तिंङ माह, अंऊ दोई हेंदिंङ रंड्रा।

फिलिपियों 1:18

दंङ छि शुई? सिर्फ दिह, कि भत्ते पाहठी रंङ चाहे मांजी इरादारंङ साते चाहे सच्चाई रंङ साते, मसीहू पाहठी रूठे खबर सुनाएच़ा तोर, दंङ गेह दिरंङ खुश तोतोग, दंङ खुश बंङज़ोग लाह।

इब्रानियों 12:17

केहच़ी ञेंहनि, कि अपेहल दोई थले एनोह बाह इसहाको दोरच़ी आशीष खोकसी जुंज़ाते, दंङ दोबि माह खोकसिरी, दंङ मिक्ति, बहेगी ला दू आशीष बि एनोह हिस्सा रिंङ लेह मरति।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।