रोमियो 11:16 - लाहौली बाइबिल16 गेह यहुदी तु पाहठी केतिंङ इच्च़ा उदाहरण रंड्रातग। दि ञेंरे यहुदी तु इच्च़ा रिवाज़ तोह, कि अपेहल ञेंरे रोटी बणाषी थल्जी फुकान ट्रुक्च़ातंई, दंङ ञेंरे परमेश्वर बि तग रंड्रीमी थल्जी तुब पिंङे फुकान लेहपच़ी। अगर दू इच्च़ा तुब परमेश्वरो शुह ता, दंङ दिऊ मतलब दि तोह कि भत्ते फुकान दोऊ ए शुह। ध्वांए अगर जड़ परमेश्वरो तोह ता, दंङ ब्रन्ज़ेर ला परमेश्वरो शुह। Faic an caibideil |
रोमियो 11:16
17 Iomraidhean Croise
सिर्फ धोंण ए मशत, पर हेनरे ला, अतिंङ शुहबिमी महिमा बे तुहई स्वादो रूपारिंङ पवित्र आत्मा बसेक्पा। एनोह अंदरेग ए अंदरेग क्रिम्बातोर। हेंतेग ञेंरे दू ध्याड़ा बि रुमज़ा तोतोंई अपेहल परमेश्वर हेंदिंङ एनोह गोद लेहपसी कटुतु रूपारिंङ भत्ते अधिकार रें च़रपोतो। मतलब हेंदिंङ खरकोई फुक रें हेंदु फुक आज़ाद लेह च़रपोतो।
छना कुचे अगर कांह इच्च़ा विशवासी मेच़ा शुनाह ता अंऊ अविशवासी गगसा रंङ साते बंङज़ा, दंङ केहतु गगसा ला केहतु विशवासी शुहबी रंङ साते प्रभु शुह। दंङ अगर केरे इच्च़ा ठ्रोह विशवासी गगसा शुई अंऊ अविशवासी मेच़ा रंङ साते बंङज़ातंई, दंङ कांह मेच़ा ला कांह मसीह रिंङ शुहबी रंङ साते प्रभु शुह। अगर दि हेले माह तोहई कि केहतु अविशवासी गगसा या मेच़ा परमेश्वरो शुरे, दंङ केहतु कटुरे ला परमेश्वरो माह शुचंङ पर हेंतेग केहतु कटुरे ला परमेश्वरो शुरे।
दिरे दोरे शुरे अंऊ दोच़ी पवित्र जीवन श्रींङमोंई, दिरे दुह मीहतु ठ्रोह तोतोर अच़ि इच्च़ा फेरा ला अंऊ मेच़िमी तंङ साते अशुद्ध कम माह लहरिर, दंङ माह ए दोच़ी अपेहला छा चीज़ो पूजा लहरिर, दिरे सिर्फ कुरच़ो ए अराधना लहज़ातोर, अंऊर ला कुरच़ा यवात। दिरे मीहरे दोरे शुरे अंऊ दोतिंङ धरतीऊ भत्ते मीहतु दोरच़ी शत्ह लहसी शुह। छना मीहच़ी एनोह रिहू भत्ते बे रूठे हिस्सा परमेश्वराबि रंड्री ध्वांए दिरे मीहरे ला एनोह जीवना बि भत्ते पवित्रता रंङ साते परमेश्वर ए कुरच़ा बि रंड्रातोर।
Sanasan