रोमियो 11:12 - लाहौली बाइबिल

¹² झांह लेह अगर इस्राएलो मीहतु अविश्वास ऊईजाति तु मीहतु भलाई वहज़ा बणेक्पा, दंङ इस्राएलो मीहतु परमेश्वरो कछंङ यहच़िमी थल्जी ऊई जाति ओ दोतिंङ महस रूठे शुचि शोतो।”

रोमियो 11:12 Iomraidhean Croise

प्रेरित 3:21

यीशु ऊ स्वर्गंङ बंङज़ी दोहपल तचेक ज़रूरी तोह अपेहल तचेक कि परमेश्वर भत्ते धिर खरकोई बणाके च़रपोतो। महस तुहई ए परमेश्वरे मीहतिंङ दिह कंड्रिमी थल्जी पवित्र भविष्यवक्तातु दोरच़ी झांह लहज़िमी वाईदा लहरी।

रोमियो 11:15

छना कुचे अपेहल इस्राएली मीहतु त्याग लहज़िमी रंङ साते संसारो मीहतु परमेश्वरारंङ साते मेल-मिलाप शुई, दंङ दोतु मसीह बि ग्रहण लहच़ी, इच्च़ा सि मीहू श्रींङे इबिमी बराबर शुहचे योतो।

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 11:33

आह, परमेश्वरो मोह्ड़े दाह ओ टंगा ढबाह, बुद्धि ए ज्ञान छि घटे गंभीर तोह! अरिला दोऊ फेंसला ओ व्याख्या लेह मरपोतो; दंङ माह ए अरिया दोऊ अम समझेकी तरपोतो।

रोमियो 9:23

दोई झांह दिऊ थल्जी लहरी छना कुचे दोई दि कंड्री तते, कि दू अंयों महान तोह अपेहल दोई दू मीहतु टोईच़ी दया लहरी अंऊ दोतिंङ दोई एनोह महिमा रिंङ भागीदार शुहबिमी थल्जी अंङषे ततो।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।