रोमियो 10:9 - लाहौली बाइबिल

⁹ उद्धारो थल्जी, अगर केई केनोह आहच़ि यीशु बि प्रभु ञेंए मीहतु तुईज़ी अंगीकार लोहन, कि परमेश्वरे दोबि सिमी दोरच़ी श्रींङमी लहरी, दंङ परमेश्वर पक्‍का ए कांह उद्धार लोहतो।

रोमियो 10:9 Iomraidhean Croise

लूको 12:8

“गेह केतंङ साते कुट्रातग अंऊ ला गिह्बी मीहतु तुईज़ी कुट्रातोर कि दोरे गिऊ चेलार शुहर ता दोबि गेह मीहू योह ला परमेश्वर ओ स्वर्गदूता तु तुईज़ी मनेक्पोग।

यहून्नो 9:22

दिह गप्पारे दोऊ याह बाह ज़ि दिऊ थल्जी कुह्तेर छना कुचे दोरे यहुदी सेंहणा तंङ साते बेवातेर; छना कुचे दोरे भत्ते इच्च़ा शुहचे तोईरे, कि अच़िया विशवास लहरिर ता यीशु ए मसीह शुह ता यहुदी सभा घरबारंङ च़ि धह्कते हुंच़े च़रपोर।

प्रेरित 16:31

दोच़ी जुबाब रेंई, प्रभु यीशु ऊ टोहकठे विशवास लोहू, दंङ कांह ए कांह घराना बि उद्धार खोकसोतो।

प्रेरित 2:24

पर परमेश्वरे दोबि मौतो टोईच़ि यच़ाह श्रींङमी लहरी; छना कुचे झांह शुहबी माह तोहई कि दुह सिमी वशारिंङ बंङज़ोतो।

प्रेरित 2:32

दिए यीशु बि परमेश्वरे श्रींङे लहरी, दंङ हेनर भत्तेर दि सच्चाई ओ गवाह शुई।

प्रेरित 8:36

“दंङ अमरिंङ ज़ोजा-जोज़ा दोरे इच्च़ा ठहरि रिंङ पिचे इलिर अंऊर तलाब तोहई। दोथर खोजे ज़ि कुई, खंणु देर्तिंङ तलाब तोह, दा गिह्बी बपतिस्मा लेहप्च़िमी थल्जी छि मुशकिल तोह।”

रोमियो 10:10

परमेश्वरो तुईज़ी धर्मी बणेक्पिमी थल्जी सेहमरिंङ ज़ि विशवास लेह जूंशी तोह, दंङ उद्धार खोकसिमी थल्जी आहच़ि अंगीकार लहज़मी जूंशी तोह।

रोमियो 14:11

छना कुचे पवित्रशास्त्र रिंङ च़ेहसी तोह, “प्रभु ज़ि कुट्रा, गेह घेंङौ जीवनो कसम ज़ोवातग कि हर इच्च़ा मीह गिऊ तुईज़ी पुष्टू भारे बंङज़ोर दंङ हर इच्च़ा मीह परमेश्वरा बि स्वीकार लोहर।”

रोमियो 14:9

छना कुचे मसीह दिऊ थल्जी सिए इलि दंङ यह्च़ा श्रींङे लाह इलि कि दू सि ए श्रींङे झुल्लो प्रभु शोतो।

रोमियो 4:24

पर हेंदु थल्जी ला तोह अगर हेनर परमेश्वरो टोहकठे विशवास लोंहि, अच़ि हेंदु प्रभु यीशु बि सिऊ दोतु बिचंङ ज़ि श्रींङमी लहरी, दंङ हेनर ला विशवासो दोरच़ी धर्मी शुहचे योंई।

रोमियो 8:34

अच़िला हेंदु निन्दा लेह मरपोतो छना कुचे दू यीशु मसीह तोह, अंऊ हेंदु थल्जी सिए इलि, दंङ सिए दोतु बिचंङ ज़ि श्रींङमी लहरी हेंतेग परमेश्वरो सुचंङ हासी तोह, दंङ हेंदु थल्जी बिनती लहज़ा।

1 कुरिन्थियों 12:3

झांह लेह गेह जुंज़ातग कि केरे ञेंई च़रतुंई, कि अंऊ ला परमेश्वरो आत्माओ अगुवाईरंङ साते कुट्रा, दोई म कुट्रा कि यीशु शापित तोह; दंङ माह अरिया पवित्र आत्मा बे कुट्री तरपोतो कि, “यीशु ए प्रभु शुह।”

फिलिपियों 2:11

दंङ बाह परमेश्वरो महिमाऊ थल्जी भत्ते एनोह आहच़ि अंगीकार लेह कि यीशु मसीह प्रभु शुह।

1 पतरस 1:21

यीशु मसीह ज़ि अंऊ हेंदु थल्जी लाहते दोऊ वहज़ा केरे हेंतेग परमेश्वरो टोईच़ी विशवास लहज़ा तंई। दू, दू ए शुह अच़ि यीशु मसीह बि दोऊ सिमी थल यहच़ा‍‍ श्रींङमी लहरी दंङ दोबि महिमा रें। झांह लेह केहच़ी विशवास लहज़ातंई दंङ परमेश्वरो टोईच़ी केहतु विशवास हेंतेग पक्‍का तोह।

1 यूहन्ना 4:15

अच़िला दिह मनेकी केट्रा, कि यीशु परमेश्वरो योह शुह, परमेश्वर दोरंङ बड़ेकी बंङज़ा, दंङ दुह परमेश्वरारंङ बड़ेकी बंङज़ा।

2 यूहन्ना 1:7

गेह दिह दिऊ थल्जी कुट्रतग छना कुचे महसे मीहरे अंऊ हप्सी शिक्षा रंड्रा ऊईतिंङ धोखा रंड्रातोर दोरे संसारारिंङ अच़ा अन्दोर। दोच़ी कुट्रातोर कि यीशु मसीह इच्च़ा मीहू रूपारिंङ दिह संसाररिंङ अंज़े मशत। अगर अरिया मीह झांह कुट्रा कि, दुह मीह मसीहू विरोधी शुह अंऊ हमेशा मीहतिंङ धोखा रंड्रा।