रोमियो 10:6 - लाहौली बाइबिल

⁶ पर अंऊ धर्मिकता विशवास रिंङ तोह, दि पाहठी पवित्रशास्त्र कुट्रा, “केनाह रंङ साते दि गप्पा था कुडू कि स्वर्गो तचेक खेका योतो मसीह बि योंखा धरती रिंङ हपिमी थल्जी?

रोमियो 10:6 Iomraidhean Croise

यहून्नो 6:33

छना कुचे परमेश्वरो रोटी दुह ए शुह, अंऊ स्वर्गंङच़ि तक्सा संसारो मीहतिंङ जीवन रंड्रा।”

यहून्नो 6:38

छना कुचे गेह घेंङौ हिटी मशत पर गिह्बी च़रच़ा ओ हिटी पुरा लहज़िमी थल्जी स्वर्गंङ च़ि अंज़े शुगाह।

यहून्नो 6:58

अंऊ रोटी स्वर्गंङच़ि तक्सा, बाह मेमेतु ठ्रोह मशत कि ज़ते दंङ सीए इलिर; अच़िला दिह रोटी ज़ोतो, दुह हमेशा श्रींङी बंङज़ोतो।”

रोमियो 3:22

अपेहल हेनर यीशु मसीहू टोहकठे विशवास लहज़ातंई, दंङ हेनर परमेश्वरो दोरच़ी धर्मी शुहचे य्वातंई, अंऊ कि भत्ते विशवास लहज़ा तु थल्जी तोह। परमेश्वर भत्ते तंङ साते इच्च़ा ठ्रोह व्यवहार लहज़ा।

रोमियो 3:25

परमेश्वरे यीशु मसीह बि हेंदु पापो थल्जी बलि शुहबिमी थल्जी च़चे च़रति। यीशु मसीह ज़ि एनोह जीवनो बलि दिऊ थल्जी रें च़रति, ताकि दोऊ टोहकठे विशवास लहज़ा हेनर परमेश्वरो कछंङ अपि तरपोंई। दंङ परमेश्वरे दि दिऊ थल्जी लहरी कि दोई तुहई दि सही लहरी, अपेहल दोई पापी तिंङ माफ लहज़िमी थल्जी धीरज़ लहरी। दिरंङ दि ला पता लेहकी यवात कि परमेश्वर सही तोह, अपेहल दोई दुह मीहतिंङ अपनाएच़ा अंऊ यीशु टोहकठे विशवास लहज़ातोर।

रोमियो 4:13

परमेश्वरे अब्राहम ए दोऊ खानदान रंङ साते वाईदा लहसी ततो कि दोई दोतिंङ दि संसारो वारिस बणाएकपोतो। दि वाईदा दिऊ थल्जी लहसी माह तोहई कि अब्राहमे कानूनो भाषे लाहते, पर परमेश्वरे दोबि दोऊ विशवासो दोरच़ी धर्मी बणाके च़रति।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

इब्रानियों 11:7

विशवासो दोरच़ी ए नूह बि इच्च़ा हढ डढो पाहठी परमेश्वरो दोरच़ी चेतावनी खोकसिरी अंऊ दोई अपेहल खांहषी माह तोई, तांला दोई चेतावनी खोक्शे परमेश्वरो हुकुमो भाषे लहरी, दंङ एनोह टबरातु बचावो थल्जी जहाज़ बणाएति, दंङ नूहो विशवास लहज़िमी तुहई, ऊई मीहरे अंऊ दोच़ी विशवास माह लहरिर, दोतिंङ दोषी ठहराएतिर दंङ दोरे डुमज़े सिए इलिर। नूह परमेश्वरो नज़रारिंङ धर्मी बणेंके इलि, छना कुचे दोई परमेश्वरो टोईच़ी विशवास लाहते।