रोमियो 10:2 - लाहौली बाइबिल

² छना कुचे गेह दोतु पाहठी गवाही रंड्रातग, कि दोरे परमेश्वरो थल्जी उत्साहित ता तोतोर, पर परमेश्वरो सेवा छना लहज़ी, दि पाहठी दोतु समझ गलत तोह।

रोमियो 10:2 Iomraidhean Croise

यहून्नो 16:2

दोरे केतिंङ यहुदी सभा घरबारंङ च़ि धह्तेका हुंच़े च़रपोर, देहर तचेक कि दिह झांह ठ्रोह टेम ला अपतो, अच़िला केतंङ सचे च़रपोर ता दोच़ी चेहपोर कि दोच़ी झांह लेह परमेश्वरो सेवा लहज़ातोर।

प्रेरित 21:20

अपेहल दोच़ी दि रेड्रा दंङ दोच़ी परमेश्वरो तारीफ लहरिर, दोहपल पोलुसे कुई, हे न्वा, केतिंङ पता तोह, कि यहुदी मीहतु बिचंङ च़ि अंयों हज़ार मीहज़ी प्रभु यीशु टोईच़ी बिशवास लहज़ातोर, दंङ केहच़ी दि ला ञेंहच़ातंई कि दोरे भत्ते मूसा ओ कानूनो भाषे रूठे रंङ मनेक्च़िमी थल्जी महस पक्‍का तोतोर।

प्रेरित 21:28

हे इस्राएल मीहरे, “ञेंहतु मदत लंहि, दि दुह मीह शुह अंऊ इस्राएलो मीहरे ए मूसाओ कानूनो भाषे ए दि मंदिरो पाहठी, भत्ते गंङमी तिंङ सिखाएति कि दि भत्ते मदम तोह। दंङ हेंतेग दुह दि यहुदी मंदिरो ल्वाड़ी ऊई जाति मीहतिंङ हंजे दि पवित्र ठहरि बि अपवित्र लहज़ी लेहकी तोह।”

प्रेरित 22:22

देर तचेक ता मीहज़ी पोलुसो गप्पा ध्यान रंङ साते रेड्रातेर; पर दोहथर जोरे हाऊष रेंईर, “दोबि सचे च़रतुंई; दोऊ श्रींङी बंङज़ी ठीक माह।”

प्रेरित 22:3

गेह ता यहुदी शुगाह, गिऊ जन्म किलिकिया प्रदेशो तरसुस शहरंङ शुहचे शुह; पर दि शहरा रिंङ गमलीएल गुरूओ कोंज़ो कछंङ बंङज़ा शिक्षा ग्रहण लहरिग, दंङ बाह मेमेतु कानून ला रूठे रंङ सिखेक्सा इलिग; दंङ गेह परमेश्वरो थल्जी झांह ठ्रोह जोशिला तोईगा, छना केरे भत्तेर हेंतेग तोतोंई।

रोमियो 10:1

हे प्यारे साथी विशवासी रे, गिऊ सेहमो हिटी ए गिऊ घेंङौ यहुदी मीहतु थल्जी दि प्रार्थना तोह, कि परमेश्वर दोतिंङ उद्धार रमतो।

रोमियो 10:3

दोरे दू धर्मिकता माह ञेंहच़ातोर, अंऊ दोबि परमेश्वरे जुंज़ा, दंङ दोरे एनोह धर्मिकता बि स्थापित लहज़ी बंङज़ातोर। झांह लेह दोच़ी एनाबि परमेश्वरो अधीन माह लहरिर।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

2 कुरिन्थियों 8:3

दंङ दोतु पाहठी गिऊ दि गवाही तोह, कि माह दोच़ी धोंण ए रेंईर, अंऊ दोतु थल्जी जूंशी तोहई पर दोबि महस! दि दोच़ी एनोह हिटी रंङ साते रेंईर।

गलातियों 4:15

दू मुक्का केरे महस खुश तोतोंई! केहतु दू खुशी हेंतेग अंऊर तोह? गेह हेले रिंङ दि कुट्री तरपोग कि केरे गिऊ थल्जी छिल्ला लहज़िमी थल्जी तेयार तोईनि; अगर शुहचे तरपो ता केहच़ी केनातु टिरा ला हुंच़े गिह्बी रें च़रपोंई।

फिलिपियों 1:9

दंङ गेह दि प्रार्थना लहज़ातग, कि इदि-अई दिऊ थल्जी केहतु दाह, सच्चाई ओ ज्ञान ए दंङ भत्ते पाहठी विचार ऊई ला बेहसा लोहतो,

फिलिपियों 3:6

खुशीऊ पाहठी गेह कोग ता कलीसियाबि सताएच़ा दुह; दंङ यहुदी कानून मनेक्च़ा तु, इच्च़ा धर्मी मीह तोहई, छना कुचे गेह दोऊ भत्ते पालन लाहतेर।

कुलुस्सियों 4:13

गेह दोऊ गवाह शुगाह, कि दोई केहतु थल्जी ए लौदीकिया ए हियारापुलिस शहरो मीहतु थल्जी सेहमारंङ प्रार्थना लहज़ा।