रोमियो 10:16 - लाहौली बाइबिल

¹⁶ पर भत्ते मीहच़ी दू रूठे खबरो टोईच़ी विशवास माह लहरिर। यशायाह भविष्यवक्ता ज़ि कुट्रा, “हे प्रभु, थोड़े मीहच़ी ए हेंदु रूठे खबरो टोईच़ी ए विशवास लहज़ातोर।

रोमियो 10:16 Iomraidhean Croise

मत्ती 13:14

दोतु पाहठी यशायाह भविष्यवाणी ऊ दिह कताब पुरे शवाह: ‘कि केहच़ी रेट्रे ता रेड्रोंई, पर समझेक्पोंई माह। पर टिरे ता खमोंई, पर तंङफोतो माह।’

यहून्नो 10:26

पर केहच़ी दिऊ थल्जी विशवास माह लहज़ातंई कि केरे गिऊ त्रैंईतु बिचंगज़ि माह शुई।

प्रेरित 28:24

दोहपल पोलुसे छिल्ला कुई दोऊ टोईच़ी रें मीहच़ी विशवास लहरिर, दंङ रेहज़ि विशवास माह लहरिर।

रोमियो 1:5

मसीहू दोरच़ी गिह्बी मोह्ड़े दाह ए प्रेरिताई ओ सेवकाई परमेश्वरो दोरच़ी रांहषी तोह, ताकि दोऊ मिन्दु बजाहज़ि भत्ते जातिऊ मीहरे मसीहू टोहकठे विशवास लोहर दंङ दोऊ हुकुम मनेक्पोर,

रोमियो 11:17

इस्राएलो मीहरे इच्च़ा रूठे जैतूनो बुटो ब्रन्ज़ो ठ्रोह तोह दंङ पूर्वज अब्राहम, इसहाक ए याकूब दू बुटो जड़ो ठ्रोह तोतोर। ऊई जाति बंणो जैतूनो बुटो ब्रन्ज़ेर शुरे, अंऊ कलम लहज़ी दू ट्रिक्शी ब्रन्ज़ेतु ठाहरिरिंङ दू बूटारिंङ लगाके च़रति, हेंतेग दू ब्रन दू जड़ो खुराको हकदार तोह।

रोमियो 16:26

पर हेंतेग परमेश्वरो हुकुमो हिसाबे परमेश्वरो रूठे खबर भविष्यवक्ता तु कताबो दोरच़ी भत्ते जातिऊ मीहतिंङ कांहषी तोह, कि विशवासा रंङ साते हुकुमो भाषे लहज़ा बणेंके इलांई।

रोमियो 2:8

पर अंऊ मतलबी तोतोर ए सच्चाई माह मनेक्च़ातोर, पर मदम लहज़ी जुन्ज़ातोर, परमेश्वर दोतु टोईच़ी एनोह रोहष प्रगट लोहतो।

रोमियो 3:3

अगर रे यहुदी परमेश्वरो थल्जी विशवासो जोगे माह तोईरे ता छि शुई? छि दिऊ मतलब दि तोह आ कि परमेश्वर दोतंङ साते लहसी वायदारिंङ विशवासो जोगे माह?

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

गलातियों 3:1

हे नासमझ, गलातिया शहरो विशवासी रे, गेह ता साफ रूपा रिंङ ए रूठे रंङ केतिंङ समझाएक्च़ा, कि यीशु मसीह केहतु थल्जी क्रूसो टोईच़ी छारिंङ सिए इलि। दंङ केरे छारिंङ दोऊ दोरच़ी ऊईतार शुचि इलि? अच़ि केरे भटकागी च़रतिर?

गलातियों 5:7

केरे ता केनातु आत्मिक ज़रका रिंङ ला रूठे रंङ ज़रका रैंईनि। अच़ि केतिंङ तुंखा शुहबिमी दोरच़ी रोकेक्सी ततो कि केरे सच्चाई बि था ञेंहनि।

2 थिस्सलुनीकियों 1:8

दंङ अंऊ परमेश्वराबि माह सेहचातोर, दंङ हेंदु प्रभु यीशु मसीहू रूठे खबर स्वीकार माह लहज़ातोर दोतिंङ दोई सज़ा रमतो।

इब्रानियों 11:8

विशवास लहज़िमी रंङ साते ए अब्राहमा बि इच्च़ा ठहरि रिंङ इबिमी थल्जी बुलाएकते, दंङ दू परमेश्वरो हुकुम मनेक्च़ा इच्च़ा झांह ठ्रोह ठहरि अच़ा इलि, अंऊर परमेश्वर दोबि दोऊ हिस्सा ओ ज़मीन रंड्रीमी तते, दंङ दोई दि माह ञेंहच़ाते कि दू अंऊखा इबि तहरे; तांला हुंच़ा इलि।

इब्रानियों 4:2

छना कुचे हेंज़ी यीशु मसीहू पाहठी रूठे खबर थाह्सी तातंई। पर दोच़ी दिऊ टोहकठे विशवास माह लहरिर। झांह लेह, दू खबर दोतु थल्जी शुहके तोहई।

इब्रानियों 5:9

परमेश्वरे मलिकिसिद्को ठ्रोह दोबि यहुदी महापुरोहित ओ आदर रांही, दोबि सिद्ध बणाएति दंङ दू भत्ते मीहतु थल्जी उद्धारो शुरूआत बणेंके इलि अंऊ दोऊ हुकुमो भाषे लहज़ातेर।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 2:8

दंङ पवित्र शास्त्रे दि ला कुट्रा, “दि रह्घ मीहतु ठोकरो वहज़ा शोतो। दि इच्च़ा चटान शुह अंऊ दोतु दह्पिमी वहज़ा शोतो।” दोरे बचना रिंङ विशवास लहज़ी माह जुंज़ातोर, झांह लेह दोरे ठोकर ज़ोवा दह्च़ी यवातोर। परमेश्वरे दोतंङ साते दिए शुहबिमी योजना बणाएषी ततो।

1 पतरस 3:1

हे मेच़ारे, केरे ला केनातु गगसा तु अधीन बंङज़ुंई। छना कुचे अगर दोतु बिचंङ ज़ि अरिला परमेश्वरो बचनो टोईच़ी विशवास लहज़िमी रंङ साते इंकार लहज़ा,