रोमियो 10:10 - लाहौली बाइबिल

¹⁰ परमेश्वरो तुईज़ी धर्मी बणेक्पिमी थल्जी सेहमरिंङ ज़ि विशवास लेह जूंशी तोह, दंङ उद्धार खोकसिमी थल्जी आहच़ि अंगीकार लहज़मी जूंशी तोह।

रोमियो 10:10 Iomraidhean Croise

मरकुसो 9:23

यीशुज़ि दोबि कुतोह, “केई झांह ठ्रोह छिल्ला कुट्रातन, ‘कि केई लेह तरपोन ता?’ रेड्रु! विशवास लहज़ा दोतु थल्जी भत्ते धिर शुहचे इबी।”

लूको 8:15

अंऊ बैएजा रुठे ज़मीनारिंङ दचाते, दुह महसे फलेक्ति। दिऊ मतलब दिह शुह कि रेह मीहच़ी परमेश्वरो बचन रुठे रंङ साते रेड्रा दोऊ टोहकठे जोज़ी दंङ विशवासारिंङ बड़ेक्पातोर।

प्रेरित 8:37

फिलिप्पुस ए कुंई, अगर कांह पूरे सेहम रंङ साते विशवास लहज़ा तोन ता बपतिस्मा लेहपच़ी तरपोन, दोई जुबाब रेंई, गेह विशवास लहज़ातग कि यीशु मसीह ए परमेश्वरो योह शुह।

रोमियो 10:11

छना कुचे यशायाह भविष्यवक्ता ज़ि मसीहू पाहठी पवित्रशास्त्रारिंङ दि च़ेहसी तते, “अरिला दोऊ टोईच़ी विशवास लोहतो, दू शर्मिन्दा माह शोतो।”

रोमियो 10:9

उद्धारो थल्जी, अगर केई केनोह आहच़ि यीशु बि प्रभु ञेंए मीहतु तुईज़ी अंगीकार लोहन, कि परमेश्वरे दोबि सिमी दोरच़ी श्रींङमी लहरी, दंङ परमेश्वर पक्‍का ए कांह उद्धार लोहतो।

गलातियों 2:16

तांला हेनर यहुदी विशवासी ञेंहच़ातंई कि मूसा ओ कानूनो भाषे लहज़ा अरिला मीह परमेश्वरो तुईज़ी धर्मी साबित माह शोतो, पर सिर्फ मसीहू टोहकठे विशवास लेह रंङ साते धर्मी ठहरेसोतो। झांह लेह ञेंहच़ी हेंज़ी ला यीशु मसीहू टोईच़ी विशवास लहरिन, कि हेनर कानूनो कमो दोरच़ी मशत, पर मसीहू टोईच़ी विशवास लहज़िमी रंङ साते धर्मी शोंई; छना कुचे कानूनो भाषे लहज़ा ते अरिला मीह धर्मी माह ठहरेसोतो।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 3:12

हे गिऊ प्यारे साथी विशवासी रे, चोकस बंङज़ुंई, कि केहतु बिचंङ झांह ऊई ठ्रोह मदम ए अविश्वासी सेहम शुहबी माह जूंस, अंऊ श्रींङे परमेश्वरा बि ऊई तार रेन्ज़ा शोतो।

1 यूहन्ना 4:15

अच़िला दिह मनेकी केट्रा, कि यीशु परमेश्वरो योह शुह, परमेश्वर दोरंङ बड़ेकी बंङज़ा, दंङ दुह परमेश्वरारंङ बड़ेकी बंङज़ा।

प्रकाशित वाक्य 2:13

गेह दि ञेंहच़ातग कि काह दुह शहरारिंङ बंङज़ातन अंऊर शेताने राज लहज़ा। काह गिऊ थल्जी विशवासो जोगे बणेंके बंङज़िन दंङ गिऊ टोईच़ी विशवास लहज़ी ब्याड़ा माह लहरिन। केई दुह मुक्का ला विशवास लहरिन अपेहल दोच़ी अन्तिपासा बि दोर्तिंङ सच़ी च़रतिर अंऊर शेताने राज लहज़ाते। अन्तिपास मीहच़ी गिऊ पाहठी विशवासा रंङ साते कंङातोर।