रोमियो 1:8 - लाहौली बाइबिल

⁸ भत्ते बे तुहई गेह केहतु भत्ते तु थल्जी यीशु मसीहू दोरच़ी घेंङौ बाह परमेश्वरो धन्यवाद लहज़ातग, छना कुचे यीशु मसीहू टोहकठे केहतु विशवासो पाहठी महस ठाहरीरिंङ मीहच़ी गप्पा लहज़ी लेहकी तोतोर।

रोमियो 1:8 Iomraidhean Croise

मत्ती 24:14

दंङ परमेश्वरो राज्यो पाहठी दिह रूठे खबर भत्ते संसारारंङ प्रचार शोतो कि भत्ते देशो जाति ज़ि दिबी ग्रहण लहज़िमी मोका खोकसोतो। दोहथल संसारो अंत अपतो।

लूको 2:1

दुह ध्याड़ारिंङ ओगुस्तुस मिन्दु रोमी महाराजा ज़ि हुकुम रन्दो कि रोमी राज्यो भत्ते मीहरे केनातु-केनातु मिन दर्ज लांई।

प्रेरित 11:28

दोतु बिचंङ च़ि अगबुस मिंदंङ इच्च़ा भविष्यवक्ता ज़ि खड़े शुहचे पवित्र आत्माओ दोरच़ी दि कुट्री लेहती, कि भत्ते संसारा रिंङ मोह्ड़े अकाल अपतो, दंङ अगबुसे कुहते दिह हेले शुचि इलि। दुह अकाल महाराजा क्लौदियुस ओ मुक्का अति।

प्रेरित 28:22

पर कनु विचार छि तोह? दिए गप्पा ञेंरे केहतु दोरच़ी रेड्री जुंज़ातंई यीशु थलेच़ि जोज़ा तु पाहठी तातंई, छना कुचे ञेंहच़ी ञेंहच़ातंई, कि भत्ते ठाहरीरिंङ दि दलो पाहठी गप्पा शुहबी लेहकी तोह।

रोमियो 10:18

पर गेह रूहक्च़ातग, “छि यहुदी मीहच़ी पक्‍का रूपारिंङ मसीहू पाहठी खबर माह रैंईर?” दोच़ी रेड्रतोर ता पक्‍का। छना कुचे पवित्र शास्त्रारिंङ च़ेहसी तोह, “रूठे खबर सुनाएच़ा दोतु सग भत्ते धरतीऊ टोईच़ी, दंङ दोतु बचन धरतीऊ भत्ते ठाहरीरिंङ, पिचे इलि।

रोमियो 16:19

भत्ते ज़ि ञेंहच़ातोर कि केरे अंयों रूठे रंङ प्रभु हुकुमो भाषे लहज़ातंई। झांह लेह गेह केहतु पाहठी सोचेके खुश शवाहतग; पर गेह दि जुंज़ातग कि, केरे भलाई लहज़िमी थल्जी बुद्धिमान, पर बुराई लहज़िमी थल्जी शरीफ बणेंके तोंई।

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

1 कुरिन्थियों 1:4

गेह केहतु पाहठी घेंङौ परमेश्वरो धन्यवाद हमेशा लहज़ातग, छना कुचे दोई केतिंङ यीशु मसीह रंङ साते केहतु एकता ओ वहज़ा ज़ि महस आशीष रांहषी ततो।

2 कुरिन्थियों 2:14

दंङ परमेश्वरो धन्यवाद शोतो, अंऊ मसीह रंङ साते हेंदु संबधो वहज़ा ज़ि, हेंदिंङ हमेशा ऐनाहरंङ साते चलाच़ा। दिऊ मतलब दि तोह कि हेनर अंऊर ला य्वातंई, हेनर रूठे खबर सुनाच़ातंई ताकि भत्ते मीहरे परमेश्वरो बि ञेंओर ए रेड्रोर।

इफिसियों 1:15

दिए वहज़ा तोह कि गेह ला प्रभु यीशु मसीह बि केहतु विशवास ए परमेश्वरो मीहतु थल्जी केहतु दाह ओ पाहठी रेड्रा,

इफिसियों 1:16

हमेशा केहतु थल्जी धन्यवाद लहज़ातग, दंङ घेंङौ प्रार्थनारिंङ केतिंङ लगातार हिद लोहवा लहज़ातग।

इफिसियों 5:20

छिल्ला धिर हेंदु प्रभु यीशु मसीह ज़ि लहसी तोह दोऊ वहज़ा ज़ि हमेशा हेंदु बाह परमेश्वरो भत्ते गप्पातु थल्जी धन्यवाद लोहवा लंहि।

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

फिलिपियों 1:3

गेह अपेहल-अपेहल केतिंङ हिद लहज़ातग दोथर घेंङौ परमेश्वरो धन्यवाद लहज़ातग,

कुलुस्सियों 1:3

अपेहल ञेंरे केहतु थल्जी प्रार्थना लहज़ातंई, दंङ ञेंरे हेंदु प्रभु यीशु मसीहू बाह परमेश्वरो धन्यवाद लहज़ा तोंई।

1 थिस्सलुनीकियों 1:2

ञेंहच़ी हेंदु प्रार्थना रिंङ केतिंङ हिद लहज़ातंई दंङ हमेशा केहतु भत्ते तु थल्जी परमेश्वरो धन्यवाद लहज़ातंई,

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

2 तीमुथियुस 1:3

अपेहल ला गेह प्रार्थना लहज़ातग, गेह हमेशा कनिंङ हिद लहच़ी कांह थल्जी परमेश्वरो धन्यवाद लहज़ातग। दुह, दुह ए शुह अतु सेवा गेह घेंङौ शुद्ध सोचे लहज़ातग, छना गिऊ बाह-मेमे ज़ि लहज़ातेर।

फिलेमोंन 1:4

गेह अपेहल लाह प्रार्थना लहज़ातग, दंङ हमेशा कनु थल्जी परमेश्वरो धन्यवाद लहज़ातग।

इब्रानियों 13:15

झांह लेह हेनर यीशु दोरच़ी हेंदु आहच़ि परमेश्वरो स्तुति ए अराधना लोहवा लोहनि। अंऊ परमेश्वरो थल्जी हेंदु बलिदान शुह।

1 पतरस 4:11

अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।