रोमियो 1:3 - लाहौली बाइबिल

³ दि रूठे खबर दोतु योह, हेंदु प्रभु यीशु मसीहू पाहठी तोह। दोऊ जन्म इच्च़ा मीहू रूपारिंङ रज्ज़ा दाऊदो खानदाना रिंङ शुई।

रोमियो 1:3 Iomraidhean Croise

मत्ती 1:1

दिह यीशु मसीहू बाह-मेमेतु मिन्दु पाहठी अंऊ रज्ज़ा दाऊदो खानदानो तोहई दंङ रज्ज़ा दाऊद अब्राहमो खानदानो तोहई।

मत्ती 1:16

याकूबो योह यूसुफ, अंऊ मरियमो गगसा तोहई, दंङ मरियमो दोरच़ी यीशु जेह्कते अतिंङ मसीह ला कुट्रातोरे।

मत्ती 1:6

दंङ यिशैऊ योह रज्ज़ा दाऊद तोहई। दंङ दाऊदो योह सुलेमान अंऊ दुह मेच़मीऊ दोरच़ी जेह्कते अरी तुहई उरिय्याहो मेच़ा तोहई,

मत्ती 12:23

दिरंङ भत्ते मीहरे हेरान शुहचे कुट्री लेह्तिरे, “दिह छि मसीह शुहचे तरपोतो आ, अंऊ रज्ज़ा दाऊदो खानदानो शुह, अतिंङ हेनर रुमज़ा तोईन।”

मत्ती 15:22

दंङ खांई दुह इलाका ज़ि इच्च़ा कनानी मेच़िमी हुंच़िरी, दंङ हाऊष रेह कुट्री लेहती; “हे प्रभु दाऊदो योह, गिऊ टोईच़ी दाह लोहऊ गिऊ मिओबि मांजी आत्मा महसे तंग लह्जी लेहकी तोह।”

मत्ती 26:63

पर यीशु चुप्पे बंङज़ी। दंङ यहुदी महापुरोहिते दोबि कुह्तोर, “गेह कनिंङ पिंङी परमेश्वरो वाईदा रंड्रातोग कि अगर कांह परमेश्वरो योह मसीह शुनाह ता, दंङ एतंङ कुड़ु।”

मत्ती 27:43

दोई परमेश्वरो टोईच़ी विशवास लहसी तहरे अगर दोई दिह जुंज़ा, दाह दिह छुड़ातु, छना कुचे दिह कुहषी तहरे, गेह परमेश्वरो योह शुगाह।”

मत्ती 3:17

दंङ स्वर्गंङज़ि परमेश्वरो सग अति: “दिह गिऊ प्यारे योह शुह अतंङ साते गेह महस खुश तोतोग।”

मत्ती 9:27

अपेहल यीशु दोरच़ी तुंखा शुईता, ता झुह्ट काणे मीहरे दोऊ थल दिह हऊषेके अपाहतेर, “हे दाऊद ओ खानदानो यीशु! ञेंहतु टोईच़ी दया लोहऊ।”

लूको 1:35

स्वर्गदूते दोबि जुबाब रेंई, “पवित्र आत्मा कनु टोईच़ी अपतो, दंङ परमप्रधान परमेश्वरो सामर्थ कनु टोईच़ी अपतो; दिऊ थल्जी कांह दोरच़ी जेह्की गंङकटु पवित्र शोतो दंङ, परमेश्वरो योह कहलाहएपोतो।

लूको 1:69

दंङ अरी दोऊ सेवक रज्ज़ा दाऊदो खानदानो शुह, दोई ञेंहतु थल्जी इच्च़ा शक्तिशाली उद्धार लहच़ाबि च़रसी ततो।”

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 1:34

दंङ गेह खांणीगा, दंङ गेह करंङ साते हेले कुट्रातग कि दी ए परमेश्वरो योह शुह।”

यहून्नो 1:49

नतनएले दोबि जुबाब रेंई, “हे गुरु, कांह परमेश्वरो योह शुनाह: कांह इस्राएलो महाराजा शुनाह।”

यहून्नो 10:30

गेह ए गिऊ पिता परमेश्वर इच्च़ा शुई।”

यहून्नो 20:28

दीह रेड्रा थोमा ज़ि जुबाब रेंई, “हे गिऊ प्रभु, हे गिऊ परमेश्वर!”

यहून्नो 20:31

पर दीह दिऊ थल्जी च़ेहसी तोह कि केहच़ी विशवास लांही, कि यीशु ए परमेश्वरो योह मसीह शुह: दंङ दोऊ टोहकठे विशवास लेह दोऊ मिंदंङ अनंत जीवन खोक्पोंई।

यहून्नो 5:25

गेह केतंङ साते हेले कुट्रातग दुह टेम अपि लेहकी तोह, दंङ हेंतेग ए तोह, अंऊर सिए दोरे गिऊ सग थापोर, दंङ अच़ि रेड्रोर दुह भत्तेरे हमेशाओ थल्जी श्रींङमोर।

यहून्नो 7:42

पर पवित्रशास्त्रा रिंङ दिह च़ेहसी तोह कि मसीह रज्ज़ा दाऊदो खानदान ए बेतलहम नगरंङ च़ि अपतो, अंऊर रज्ज़ा दाऊद बंङज़ा।”

प्रेरित 2:30

दुह भविष्यवक्ता तोहई, दोई ञेंहच़ाते कि परमेश्वरे कसम लेह दोरंङ साते वाईदा लह्सी तोह कि, “गेह कांह वंशो दोरच़ी इच्च़ा मीह बि कांह सिहासन रामोग।”

प्रेरित 3:13

दि मीहबी अईन लहज़िमी दोरच़ी अब्राहम, इसहाक ए याकूबो परमेश्वर ञेंहतु बाह-मेमेतु परमेश्वरे एनोह सेवक यीशु ऊ महिमा लहरी। पर केहच़ी दुह सच़िमी थल्जी रोमी राज्यपालो हवाले लेह च़रतिन, अपेहल पिलातुसे दोबि रिहा लहज़िमी फेंसला लहरी, दंङ केहच़ी दोऊ तुईज़ी यीशु ऊ इन्कार लहरिन।

प्रेरित 8:36

“दंङ अमरिंङ ज़ोजा-जोज़ा दोरे इच्च़ा ठहरि रिंङ पिचे इलिर अंऊर तलाब तोहई। दोथर खोजे ज़ि कुई, खंणु देर्तिंङ तलाब तोह, दा गिह्बी बपतिस्मा लेहप्च़िमी थल्जी छि मुशकिल तोह।”

प्रेरित 9:20

दंङ ध्वांए दमिश्क शहरो यहुदी सभो घरबारङ यीशु ऊ पाहठी प्रचार लहज़ी लेहती, कि यीशु ए परमेश्वरो योह शुह।

रोमियो 1:9

परमेश्वर अतु सेवा गेह घेंङौ सेहमे दोऊ योह ओ पाहठी रूठे खबर मीहतिंङ सुनाके लहज़ातग, दुह ए गिऊ गवाह शोतो, कि गेह केतिंङ लगातार घेंङौ प्रार्थना रिंङ हिद लोहवा लहज़ातग,

रोमियो 4:1

हेंतेग हेनर यहुदी शुहबी रंङ साते हेनर हेंदु पूर्वज अब्राहमो पाहठी छि कुंई? छना ठ्रोह दू धर्मी शुहचे इलि।

रोमियो 9:5

अब्राहम, इसहाक ए याकूब दोतु पूर्वज शुरे, दंङ फुको हिसाबे मसीह दोतु ए खानदानो तोह। परमेश्वर, अंऊ भत्ते तु टोहकठे राज लहज़ा, दोऊ हमेशा ओ थल्जी षटणा शुहबी जूंस। आमीन।

1 कुरिन्थियों 1:9

परमेश्वर दि लोहतो, छना कुचे दू विशवासो जोगे तोह दंङ दोई छि कुट्रा दू ए लहज़ा, दंङ दोई केतिंङ एनोह योह, हेंदु प्रभु यीशु मसीह रंङ साते नाता तहज़िमी थल्जी बुलासी शुई।

1 कुरिन्थियों 10:18

इस्राएलो मीहतु पाहठी सोचेक्तुंई, अपेहल भत्ते मीहरे परमेश्वरा बि चढ़ाएसी बलि ओ बगत ज़ोवातोर दंङ परमेश्वरो पूजा रिंङ हिस्सा लेहपच़ा तोर। ध्यांए ठ्रोह अंऊ मीहरे मुर्ति बि चढ़ासी बगत ज़ोवातोर दोरे ला दू मुर्तिऊ पूजा रिंङ हिस्सा लेहपच़ा तोर।

गलातियों 4:4

पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

1 तीमुथियुस 2:5

छना कुचे परमेश्वर सिर्फ इच्च़ा ए तोह, दंङ इच्च़ा मीह अंऊ परमेश्वर ए मीहतु बिचंङ मेल-मिलाप लेह तरपोतो, दुह इच्च़ा ए तोह मतलब यीशु मसीह अंऊ मीह बणेंके दि संसारारिंङ अति,

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

2 तीमुथियुस 2:8

लगातार यीशु मसीहू पाहठी सोचेक्सा लोह, अंऊ रज्ज़ा दाऊदो खानदानो दोरच़ी शुई, दंङ परमेश्वरे दुह सिऊ दोतु बिचंङ श्रींङमी लहरी; दंङ दिए दुह रूठे खबर शुह अंऊ गेह मीहतु बिचंङ प्रचार लहज़ातग।

1 यूहन्ना 1:3

ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।

1 यूहन्ना 4:15

अच़िला दिह मनेकी केट्रा, कि यीशु परमेश्वरो योह शुह, परमेश्वर दोरंङ बड़ेकी बंङज़ा, दंङ दुह परमेश्वरारंङ बड़ेकी बंङज़ा।

1 यूहन्ना 5:1

अतु दि विशवास तोह कि यीशु ए मसीह शुह, दुह परमेश्वरो कटु शुह। दंङ अरिला बाह परमेश्वरारंङ साते दाह लहज़ा, दंङ दोई दोतंङ साते लाह दाह लोहतो अंऊ परमेश्वरो कटुर शोर।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

1 यूहन्ना 5:5

संसारो टोईच़ी जीत खोकसा दुह अरि शुह? सिर्फ दुह अतु विशवास तो कि यीशु ए परमेश्वरो योह शुह।

2 यूहन्ना 1:7

गेह दिह दिऊ थल्जी कुट्रतग छना कुचे महसे मीहरे अंऊ हप्सी शिक्षा रंड्रा ऊईतिंङ धोखा रंड्रातोर दोरे संसारारिंङ अच़ा अन्दोर। दोच़ी कुट्रातोर कि यीशु मसीह इच्च़ा मीहू रूपारिंङ दिह संसाररिंङ अंज़े मशत। अगर अरिया मीह झांह कुट्रा कि, दुह मीह मसीहू विरोधी शुह अंऊ हमेशा मीहतिंङ धोखा रंड्रा।

प्रकाशित वाक्य 2:18

“थुआतीरो शहरो कलीसिया ओ स्वर्गदूताबि चेऊ” “परमेश्वरो योह अतु टिरा मेहू ठ्रोह तोह, दंङ अतु कोंज़ा रूठे रिओह ठ्रोह चमकदार तोह, दोई दि कुट्रा।”