रोमियो 1:18 - लाहौली बाइबिल

¹⁸ परमेश्वरो रोहष ता स्वर्गो दोरच़ी दुह मीहतु भत्ते पाहठी मदम ए अधर्मो कमो टोहकठे प्रगट शवाह, अंऊ एनोह मदम कमो दोरच़ी मीहतिंङ परमेश्वरो पाहठी सच्चाई ञेंहच़ी रंङ रोकेक्च़ातोर।

रोमियो 1:18 Iomraidhean Croise

रोमियो 1:19

झांह लेह दोरे योह्च़े तरीका रंङ साते परमेश्वरो पाहठी रूठे रंङ ञेंहच़ा तोरे छना कुचे परमेश्वरे एनेह ए दोतु टोईच़ी प्रगट लहरी।

रोमियो 1:28

दंङ दोच़ी परमेश्वरा बि ञेंच़िमी कोशिश मलाहरिरे दंङ परमेश्वरे ला दोतिंङ दोतु निकम्मे सेहमो टोईच़ी छोड़ेके केहरी दोच़ी अनुचित कम लोहर।

रोमियो 1:32

दंङ दोरे ता परमेश्वरो दि विधि ञेंच़ातोर कि झांह, झांह कम लहज़ा दुरे सिमी सज़ा जोगे शुहरे, तांला ऐनाह ए झांह ठ्रोह कम मा लहज़ा पर दि ठ्रोह कम लहज़ा दोतंङ साते ला खुश शुहवा।

रोमियो 2:3

दंङ कांह अंऊ झांह ठ्रोह कम लहज़ा मीहतु टोहकठे दोष लगाएच़ातन, दंङ केनाह दुह कम लहज़ातन; छि दि समझेक्सतना कि कांह परमेश्वरो सज़ा ओ दोरच़ी बचेकी योन?

रोमियो 3:9

दंङ, छि ञेंरे यहुदी मीहरे गैर यहुदी मीहतु बे रूठे तोतोंईयां? माह! बिल्कुल माह! छना कुचे ञेंहच़ी तुहई साफ-साफ कुह्चे चरच़ातेंई कि यहुदी ए ऊईजाति भत्ते पापो शाक्ति ऊ अधीन तोतोंई।

रोमियो 4:15

परमेश्वरे दोऊ टोहकठे रोहषेक्च़ी, अंऊ मुसाओ कानून बि पूरी तरह माह मनेक्च़ातेर। दंङ छा कानून तोह ए माह ता दोऊ छल्ले उल्लंघन ला माह।

रोमियो 5:6

छना कुचे अपेहल हेनर कमज़ोर ए तोहनी, दंङ परमेश्वरो ठहरासी टेमा रिंङ मसीह हेनर मदम मीहतु थल्जी सिए इलि।

रोमियो 5:9

झांह लेह अपेहल हेनर परमेश्वरे रंङ साते धर्मी घोषित शुहचे इलांई, छना कुचे मसीह हेंदु थल्जी सिए इलि दंङ हेंदु पापो थल्जी एनोह शुहई बहाएक्ति। दंङ मसीह हेंदिंङ पक्‍का ए परमेश्वरो रोहषो दोरच़ी बचाएपोतो।

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

इफिसियों 5:6

दिरे मीहतु दोरच़ी मुर्ख था बणेक्तेंई अंऊ दि पापो थल्जी बहाना बणाएषिमी कोशिश लहज़ातंई। छना कुचे दिए कमो दोरच़ी परमेश्वरो रोहष हुकुम माह मनेक्च़ा दोतु टोईच़ी भड़केक्पा।

कुलुस्सियों 3:6

मीहच़ी दि मांजी कम लहज़ा तोर, झांह लेह परमेश्वर पक्‍का ए दोतिंङ खरे सज़ा रमतो।

2 थिस्सलुनीकियों 2:10

दोई भत्ते पाहठी मदम कम लोहतो दंङ दुह मीहतिंङ धोखा रमतो अंऊ परमेश्वरो दोरच़ी नाश शोर, छना कुचे दोर दुह सच्चाई ऊ टोहकठे विशवास लहज़िमी रंङ साते इन्कार लहज़ातोर अंऊ दोतिंङ बचाके तरच़ा।

2 थिस्सलुनीकियों 2:6

दू मांजी हेंतेग तचेक प्रगट शुहचे माह छना कुचे झांह तोह अच़ि हेंतेग तचेक दोबि रोकेकी ततो। केतिंङ पक्‍का हिद शोतो दू छि तोह अच़ि दोबि रोकेकी ततो, दंङ अपेहल परमेश्वर दोरच़ी ठहरासी सही टेम अपतो, दोहपल दू मांजी दू प्रगट शोतो।