रोमियो 1:15 - लाहौली बाइबिल

¹⁵ झांह लेह गेह केतिंङ रोम शहरारिंङ बंङज़ा तिंङ रूठे खबर सुनाएच़िमी थल्जी तेयार तोतोग।

रोमियो 1:15 Iomraidhean Croise

मत्ती 9:38

दिऊ थल्जी परमेश्वरारंङ साते बिनती लंई अंऊ रीहऊ मालिक तोह कि दोई एनोह रीहरिंङ कम लहज़िमी थल्जी महस मीहरे च़रपोतो ताकि दोच़ी ऊई मीहतिंङ परमेश्वरो राज्यो पाहठी कमोर।”

मरकुसो 14:8

दि मेच़िमी छि भलाई लहज़िमी तोहई दुह लहच़ी च़रति। दोई गिऊ फुकारिंङ इत्र केहच़ी टाईम बे तुहई पथेक्च़िमी थल्जी तेयारी लेह चरच़तो दिबे तुई कि गेह सिए योग।

यहून्नो 4:34

यीशु ज़ि दोतंङ साते कुंई, गिऊ बगत दुह परमेश्वरो हिटी ओ भाषे लहज़ी शुह अच़ि गेह च़रसी शुह, दंङ दुह कम पुरा लहज़िमी तोह अंऊ दोई गिह्बी रांहषी ततो।

प्रेरित 21:13

पर पोलुसे जुबाब रेंई, केहच़ी छि लहज़ातंई, कि क्रप्चे-क्रप्चे गिऊ सेहम दुखी लहज़ातंई? गेह ता प्रभु यीशु मिन्दु थल्जी यरूशलेमंङ माह सिर्फ छुहसिमी थल्जी, पर सिमी ला तेयार तोतोग।

रोमियो 10:15

दंङ दिबे तुहई कि अरिया रूठे खबर सुनाएच़ा दोरे इलजे दोतिंङ कमबोतो, रूठे खबर सुनाएच़ा दोतिंङ चरच़ी ज़रूरी तोह। छना पवित्र शास्त्रारिंङ च़ेहसी तोह, कि “दोतु कोंज़ारे छि ठ्रोह रूठे तोतोरे, अंऊ रूठे गप्पो रूठे खबर सुनाएच़ातोर।”

रोमियो 12:18

अंऊर तचेक शुहचे तरपोतो, केरे केनातु तरफे भत्ते मीहतंङ साते शांति रंङ साते मिलाप तंही।

रोमियो 15:20

पर गिऊ सेहमो हिटी दि तोह कि, अंऊर-अंऊर मसीहू रूठे खबर हेंतेग तचेक सुनाएची माह, दोर्तिंङ ए गेह रूठे खबर सुनाएपोग; झांह शुहबी मेस कि गेह दू कम जारी तोओग अंऊ अच़िया ऊईज़ि शुरूआत लहसी शुह। दू मीहू ठ्रोह माह बणेक्पोग, अंऊ ऊईतु मुयांदो टोहकठे घरबार बणाएशा।

1 कुरिन्थियों 9:17

अगर गेह दि कम घेंङौ हिटी रंङ साते लहज़ातग, दंङ गिह्बी ईनाम खोकसोतो। पर अगर परमेश्वरे गिह्बी दि ज़िम्मेवारी रांहषी तो ता, दंङ गेह इनामो छि उम्मीद लोहग? गेह छिला इनामो उम्मीद माह लहज़ातग।

2 कुरिन्थियों 8:12

छना कुचे अगर केहतु सेहमरिंङ ऊईतिंङ दान रंड्रीमी विचार तोह ता, दंङ दान दोऊ हिसाबे ग्रहण ला शुहबी अंऊ दोऊ कछंङ तोह माह कि दोऊ हिसाबे अंऊ दोऊ कछंङ माह।