रोमियो 1:14 - लाहौली बाइबिल

¹⁴ गिऊ ज़िमेवारी भत्ते मीहतिंङ रूठे खबर सुनाच़ी तोह, चाहे दोरे यूनानी भाषा ञेंहच़ा शोरे या माह ञेंहच़ा शोर चाहे दोरे बुद्धिमान या निर्बुद्धि शोर।

रोमियो 1:14 Iomraidhean Croise

मत्ती 11:25

दोहथर यीशुज़ि कुहतो, “हे बाह स्वर्ग ए धरतीऊ प्रभु गेह कांह धन्यवाद लहज़ातग कि केई दिह गप्पारे ञेंच़ाहरे ए समझकार मीहतु दोरच़ी प्याके त्याहतेन दंङ अंऊ मीहरे कटुतु ठ्रोह सीधे तोतोर दोतु टोईच़ी प्रगट लहतन।

लूको 10:21

दोथरे यीशु पवित्र आत्मा रंङ साते शुहचे खुशी रंङ साते बिंङे इलि, दंङ कुट्री लेहती, “हे बाह स्वर्ग ए धरतीऊ प्रभु गेह कांह धन्यवाद लहज़ातग कि केई दिह गप्पारे ञेंच़ाहरे ए समझकार मीहतु दोरच़ी प्याके त्याहतेन दंङ अंऊ मीहरे कटुतु ठ्रोह सीधे तोतोर दोतु टोईच़ी प्रगट लहतन। वेई! हे बाह। छना कुचे कनिंङ दिए लहज़ी रूठे अति।”

प्रेरित 22:21

दंङ प्रभु ज़ि गिऊ हखा कुई, अच़ा इला, छना कुचे गेह कनिंङ ऊईजाति मीहतु कछंङ ओईतार-ओईतार च़रपोग।”

प्रेरित 28:2

दंङ दोहर बंङज़ा दोच़ी ञेंहतु रूठे देखभाल लहरिर; दि बरसेक्पी लेहती दंङ सोई शुहबी लेहकी तोहई, दिऊ थल्जी दोच़ी मेह फरचे ञेंहतु भत्ते तु स्वागत लहरिर।

प्रेरित 28:4

अपेहल दोरकी मीहज़ी ओमड्रा पोलुसो गुहड़रिंङ जिलसी तंङरिर, ता एनातु बिचंङ कुट्री लेहतिर, “हेले दि मीह हत्यारा शुह, छना ला लेह समुन्द्रज़ि ता बचेके इलि, तांला हेंदु न्याय ओ देवी दोबि श्रींङे बंङज़ी माह रेंई।”

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

रोमियो 1:22

दोरे एनाबि बुद्धिमान ञेंहच़ा मुर्ख बणेंके इलिर,

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 12:16

इदि-अई दिऊ ध्वांए ध्यान तंही छना केनोह ध्यान तहच़ातन, घमण्डी था शुई पर दीन ए दुखी तंङ साते मेल जोल तंही केनातिंङ बुद्धिमान था समझेक्तुंई।

रोमियो 13:8

केतिंङ भत्ते तिंङ सिर्फ इच्च़ा ए गप्पो कर्ज़दार शुहबी जूंस दंङ दू दि तोह कि केरे भत्तेर इदि-अई दिरंङ साते दाह लंहि; छना कुचे अंऊ ऊईतिंङ साते दाह लहज़ा, दोई कानून पूरी लाह।

रोमियो 16:19

भत्ते ज़ि ञेंहच़ातोर कि केरे अंयों रूठे रंङ प्रभु हुकुमो भाषे लहज़ातंई। झांह लेह गेह केहतु पाहठी सोचेके खुश शवाहतग; पर गेह दि जुंज़ातग कि, केरे भलाई लहज़िमी थल्जी बुद्धिमान, पर बुराई लहज़िमी थल्जी शरीफ बणेंके तोंई।

रोमियो 8:12

दंङ हे गिऊ प्यारे साथी विशवासी रे, हेंदिंङ हुकुम भाषे लेह जूंशी तोह, पर हेंदु पापमय स्वाभाव माह जुंज़ा कि हेनर झांह लोंहई।

1 कुरिन्थियों 14:11

पर अगर हेनर दू भाषा बि समझेकी मरपोईं अंऊ ऊई ज़ि कुट्रातोर, दंङ दि झांह शोतो मतलब कि हेंदु थल्जी परदेशी तोतोर, दंङ हेनर दोतु थल्जी परदेशी शोंई।

1 कुरिन्थियों 14:16

ञेंई च़रतेंई कि अरिया सीधा रे मीह केहतु अराधनारिंङ तोह, अपेहल केरे केनातु आत्मारिंङ परमेश्वरो स्तुति लहज़ातंई अगर दोई केहतु गप्पा शुहङी मरच़ा, दंङ केहतु परमेश्वरा बि धन्यवाद रंड्रीमी थल, दोबि छना पता लेह्पोतो कि अमीन अपेहल कुट्री अंऊ पाहठी केहच़ी कुट्रातंई?

1 कुरिन्थियों 2:13

दंङ झांह लेह हेनर दि गप्पार ऊईतिंङ कंड्रातंई, दंङ हेनर दि शब्दा तु इस्तेमाल माह लहज़ातंई, अंऊ मीहतु ज्ञानो दोरच़ी खोकसा, पर हेनर दू शब्दा तु इस्तेमाल लहज़ातंई अंऊ परमेश्वरो आत्माओ दोरच़ी खोकच़ातंई, अंऊ आत्मिक ज्ञानो दोरच़ी आत्मिक गप्पा समझाएक्च़ा।

1 कुरिन्थियों 3:18

अगर केहतु बिचंङ अरिला दि सोचेक्च़ा कि दू दि संसारो मीहतु नज़रारिंङ ज्ञानवान तोह, दंङ केतिंङ दि संसारो नज़रारिंङ केनातिंङ मुर्ख बणाषी जूंशी तोह, ताकि केरे हेले रिंङ परमेश्वरो तुईज़ी ज्ञानवान बणेंके तरपोंई।

2 कुरिन्थियों 10:12

छना कुचे ञेंतिंङ दि याहब माह कि ञेंरे हेंदु तुलना दोतंङ साते गिनती लोहनि, या दोतंङ साते हेनर ठ्रोहका शोनि, अंऊ एनोह षटणा लहज़ातोर, दंङ एनाबि एनातु ए बिचंङ नाप तोल लहज़ा इदि-अई दिरंङ साते तुलना लहज़ा मुर्ख शोर।

2 कुरिन्थियों 11:19

केरे ता समझदार शुहचे खुशी रंङ साते मुर्ख दोतु सहन लेह केट्रातंई।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।