रोमियो 1:13 - लाहौली बाइबिल

¹³ दंङ हे गिऊ प्यारे साथी विशवासी रे, गेह मा जुंज़ातग कि केहच़ी ञेंई च़रतेंई कि गेह घड़ी-घड़ी केहतु कछंङ अपिमी जुन्ज़ातेग, कि गेह छना ऊईजाति तु बिचंङ लहज़ातेग, ध्वांए केहतु बिचंङ ला लोहग, पर एंतेग तचेक दिरिंङ रूकावट ए अपाते।

रोमियो 1:13 Iomraidhean Croise

यहून्नो 12:24

गेह केतंङ साते हेले कुट्रातग, अपेहल तचेक छ्वाऊ सोल धरती रिंङ इलजे सीए मेहवा, दुह इच्च़ा केहषी पर अपेहल सीए य्वा, ता महस फल हपा।

यहून्नो 15:16

केहच़ी गेह अंङषी माह शुगाह, पर गेह केतिंङ अंङषातग दंङ केहरे ठेहराएक्तग कि केहरे इलजे फल हतांई; दंङ केहतु फल हमेशा ओ थल्जी शोतो, कि केहरे गिऊ चेलारे शुई, दिऊ थल्जी छिला धिर पिता परमेश्वरो दोरच़ी पेपोंन, दोई केतिंङ रमतो।

यहून्नो 4:36

तुहई ए वल्ज़ा दोरे कम लहज़ी लेहकी तोतोर, दंङ एनातु ध्याड़ी खोक्शातोर। दंङ दोरे दिह शुहर, दोरे दुह मीहतिंङ ठ्रोहका लहज़ी लेहकी तोतोर अच़ि अनंत जीवन खोक्पोर।

प्रेरित 1:15

इच्च़ा ध्याड़ारिंङ पतरस दुह लगभग राह निंज़ो मीहतु बिचंङ खड़े शुहचे कुट्री लेहती,

प्रेरित 14:27

अन्ताकिया शहरंङ पिचे, दोच़ी कलीसिया ओ मीहरे ठ्रोहका लहरिर दंङ कुईर, कि परमेश्वरे ञेंतंङ साते शुहचे छना मोह्ड़े-मोह्ड़े कम लहरी! दंङ छना परमेश्वरे ऊईजाति ऊ मीहतिंङ यीशु मसीहू टोहकठे बिशवास लहज़िमी जोगे लहरी।

प्रेरित 15:12

दंङ भत्ते सभा ओ मीहरे चुपे शुहचे पोलुस ए बरनबासो रेड्री लेहतिर, कि परमेश्वरे दोतु दोरच़ी ऊईजाति तु बिचंङ छोंई घाटे मोह्ड़े-मोह्ड़े कहम ए चमत्कार लहरी।

प्रेरित 19:21

अपेहल दिह गप्पा शुहचे इलि ता पोलुसे मकिदुनिया ए अखाया प्रदेशो विशवासी तंङ साते जोवा थल यरूशलेम शहरो हखा इबिमी थल गिह्बी रोम शहरो हखा खंड्री ज़रूरी तोह।

प्रेरित 21:19

दंङ पोलुसे दोतिंङ नमस्कार लेह, अंऊ-अंऊ कम परमेश्वरे दोऊ सेवाऊ दोरच़ी ऊईजाति मीहतु बिचंङ लहसी तते, इच्च़ा-इच्च़ा लेह भत्ते दोतिंङ कंङे च़रति।

प्रेरित 28:14

दोहर ञेंहतिंङ रें विशवासी न्वा रे दोहरिर, दंङ दोतु कुट्री रंङ साते ञेंरे दोतु दोर निह्ज ध्याड़ा तचेक बंङज़िन; दंङ दोऊ थल, ञेंहच़ी धरतीऊ अमो दोरच़ी रोम शहरो हखा हेंदु यात्रा शुरू लाहतंई।

रोमियो 1:12

गिऊ कुट्रिमी दि मतलब तोह कि अपेहल गेह केहतु कछंङ अपोग, दंङ गेह ए कांह हेंदु बिचंङ इदि-अई दिऊ विशवासो दोरच़ी उत्साहित शुहचे योंई।

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 7:1

हे गिऊ प्यारे साथी विशवासी रे, केहच़ी ञेंच़ातंई कि गेह कानून ञेंहच़ा तंङ साते कुट्रातग, कि अपेहल तचेक मीह श्रींङी बंङज़ा, धोंण तचेक दोऊ टोईच़ी मुसाओ कानूनो अधिकार बंङज़ा।

1 कुरिन्थियों 1:10

हे गिऊ प्यारे साथी विशवासी रे, गेह केतंङ साते हेंदु प्रभु यीशु मसीहू मिंदंङ साते दि बिनती लहज़ातग, केरे भत्तेर इदि-अई दिरंङ साते सहमत शुहबी जूंस दंङ केहतु बिचंङ फूट इबि मेस पर केरे इच्च़ा ठ्रोह विचार तहज़िमी दोरच़ी दंङ इच्च़ा मकसद रंङ साते इदि-अई दिरंङ साते मिलेकी बंङज़ुंई।

1 कुरिन्थियों 10:1

हे गिऊ प्यारे साथी विशवासी रे, गेह केतिंङ हिद दिलाएच़िमी तातग, कि बणारिंङ (सुनसान ठहरि) हेंदु बाह-मेमेतंङ साते महस तुहई छि शुह्ते परमेश्वरे दू भत्ते तु इच्च़ा डुह चरच़े अगुवाई लहरी अंऊ दोतु तुईज़ी-तुईज़ी जोवते, दंङ दू भत्तेतिंङ कारच़े धरतीऊ ठ्रोह षेह्ई समुंद्रो बिचंङ च़ि सही सलामत पार लहज़ी च़रति।

1 कुरिन्थियों 12:1

हे गिऊ प्यारे साथी विशवासी रे, गेह जुंज़ातग कि दू सवालो पाहठी अंऊ केहच़ी आत्मिक वरदाना तु पाहठी गेरंङ साते रूहक्सी तातंई, केरे रूठे रंङ समझेक्तुंई।

1 कुरिन्थियों 14:20

हे गिऊ साथी विशवासी रे, केरे इच्च़ा कटु ठ्रोह सोचेक्च़ी बंद लंहि, अपेहल मांजी ओ गप्पा अपा दंङ दू मुक्का कटुतु ठ्रोह निर्दोष बंङज़ुंई, पर झांह ठ्रोह मामला समझेक्सिमी थल्जी सियाणा शुईं।

1 कुरिन्थियों 14:26

हे गिऊ प्यारे साथी विशवासी रे, रेड्रुंई, छि लहच़ी जूंस? अपेहल केरे अराधना ओ थल्जी ठ्रोका शवातंई, दंङ केहतु बिचंङ अरिया ता गीत कुट्रा, शवातोंई, दंङ रैहच़ी उपदेश रंड्रातंई, अरिया एनोह टोहकठे प्रगट लहसी हेले कंड्रा, अरिया शत्‌ह भाषारिंङ गप्पा लहज़ा दंङ रैहच़ी दोऊ अनुवाद लहज़ातोर; दि भत्ते गप्पो मकसद दि शुहबी जूंस कि कलीसिया बि विशवासरिंङ पक्‍का शुहबिमी थल्जी मदत लेह तरपोर।

1 कुरिन्थियों 9:2

अगर ऊई मीहरे दि स्वीकार माह लहज़ातोर कि गेह प्रभु यीशु प्रेरित शुगाह, दंङ केरे विशवासी तिंङ दि स्वीकार लेह जूंशी तोह। छना कुचे गेह दू ए शुगाह अंऊ केहतु कछंङ रूठे खबर रैंज़ा हंदेग। प्रभु यीशु रिंङ केहतु विशवास दि साबित लहज़ी लेहकी तोह कि गेह हेले रिंङ प्रभु यीशु मसीहू प्रेरित शुगाह।

2 कुरिन्थियों 1:8

हे गिऊ साथी विशवासी रे, गेह जुंज़ातग कि केरे दू परेशानी तु पाहठी ञेंई च़रतुंई अंऊ आसिया नगरंङ ञेंहतु टोहकठे अंदे, दू महस मोह्ड़े ए ञेंहतु सहन शाक्ति बे मोह्ड़े तोहई, देर तचेक कि ञेंहच़ी श्रींङमी बि उम्मीद ए छोड़ेके चरच़ातेंई।

2 कुरिन्थियों 2:14

दंङ परमेश्वरो धन्यवाद शोतो, अंऊ मसीह रंङ साते हेंदु संबधो वहज़ा ज़ि, हेंदिंङ हमेशा ऐनाहरंङ साते चलाच़ा। दिऊ मतलब दि तोह कि हेनर अंऊर ला य्वातंई, हेनर रूठे खबर सुनाच़ातंई ताकि भत्ते मीहरे परमेश्वरो बि ञेंओर ए रेड्रोर।

गलातियों 3:15

हे गिऊ प्यारे साथी विशवासी रे, गेह केरे मीहतिंङ साधारण जीवनो उदाहरण रंड्रा कुट्रातग। अपेहल झुह्ट मीहरे एनोह बिचंङ वाईदा लहज़ातोर, दंङ माह ए अच़िया दोबि टालेके तरपोतो दंङ माह दोरिंङ छा बेहच़ी तरपोतो।

गलातियों 6:18

हे गिऊ प्यारे साथी विशवासी रे, गेह प्रार्थना लहज़ातग कि प्रभु यीशु मसीहू मोह्ड़े दाह केरे भत्ते तंङ साते शोतो। अमीन।

फिलिपियों 1:22

पर अगर गेह फुकारिंङ श्रींङी बंङज़िमी रंङ साते, गेह मसीहू थल्जी महस रूठे लेह तरपोग दंङ गेह माहञेंच़ातग कि अपि जुंज़ातन।

फिलिपियों 4:17

गेह दि दिऊ थल्जी माह कुट्रातग कि गेह ढबाह जुंज़ातग पर गेह जुंज़ातग कि दिबी दुह रूठे गिनती रिंङ शामिल लेह जूंशी तोह अंऊ केहच़ी तुहई ए लेह चरच़ातन दंङ अतु थल्जी परमेश्वरो केतिंङ ईनाम रमतो।

कुलुस्सियों 1:10

दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,

कुलुस्सियों 1:6

दि रूठे खबर भत्ते संसारारिंङ फेलेक्पि लेहकी तोह दंङ महसे मीहरे विशवासी बणेक्पी लेहकी तोतोर। दि हर इच्च़ा ज़िंदगी बदलेक्पि लेहकी तोह, ठीक ध्वांए छना कि केहच़ी मुण्डा फेरा रूठे खबर रेड्रातेंई, दंङ दिह सच्चाई समझेकी चरच़ातंई कि परमेश्वर दुह मीहतु पाप माफ लेह च़रच़ा अच़ि मसीहू टोहकठे विशवास लहज़ातोर।

1 थिस्सलुनीकियों 2:18

झांह लेह ञेंहच़ी (मतलब गेह पोलुसे) महस फेरा केहतु कछंङ अपि जुंज़ातेग, पर शेताने हेंदिङ केहतु कछंङ अपि मरेंई दिऊ थल्जी महस रूकावट लहरी।

1 थिस्सलुनीकियों 4:13

हे गिऊ प्यारे साथी विशवासी रे, ञेंहच़ी दि ञेंच़ातंई कि केहच़ी दि ञेंई च़रतेंई कि दुह विशवासी तंङ साते छि शोतो अंऊ तुहई ए सिए इलोर। झांह शुहबी मेस, कि केरे ऊईतु ठ्रोह शोक लंहि अंऊ दोतिंङ उम्मीद ए माह, कि सिमी थल दोरे यह्च़ा श्रींङी योर।

2 थिस्सलुनीकियों 2:7

छना कुचे दुह मदम मीह शाक्ति संसारारिंङ हेंतेग ला कम लहज़ा, पर अरिया तोह अच़ि दुह रोकेकी ततो, दंङ अपेहल तचेक दुह ऊईतार माह योतो, दोई लगातार दुह रोकेगी तोहतो।

2 तीमुथियुस 4:17

पर प्रभु ज़ि गिऊ मदत लहरी दंङ गिह्बी सामर्थ रांई, ताकि गेह यीशु मसीहू पाहठी रूठे खबरो प्रचार रूठे रंङ लहज़िमी जोगे बणेंके तरपोग, दंङ ऊई जातिऊ भत्ते मीहरे दि रेड्री तरपोर; दंङ दोई गेह सिमी दोरच़ी झांह ठ्रोह बचाएके च़रति छना गेह योंञें ब्राघातु दोरच़ी बचाएकतो।