रोमियो 1:12 - लाहौली बाइबिल

¹² गिऊ कुट्रिमी दि मतलब तोह कि अपेहल गेह केहतु कछंङ अपोग, दंङ गेह ए कांह हेंदु बिचंङ इदि-अई दिऊ विशवासो दोरच़ी उत्साहित शुहचे योंई।

रोमियो 1:12 Iomraidhean Croise

प्रेरित 11:23

अपेहल बरनबास दोर्तिंङ पिचे इलि, दंङ दोई ञेंई च़रति कि परमेश्वरे दाह रंङ अन्ताकिया ओ विशवासी तंङ साते व्यवहार लहसी ततो दंङ दुह दि खांई खुश शुचि इलि; दंङ भत्ते तिंङ शिक्षा रेंई कि ध्यान मन रंङ साते प्रभु रिंङ पक्‍का तोंई।

रोमियो 1:11

छना कुचे गेह केतंङ साते दोईमी हिटी लहज़ातग, ताकि गेह केतिंङ छा आत्मिक आशीष रमोग, अंऊ दोरच़ी केरे विशवासरिंङ ढकह शुहचे योंई;

रोमियो 1:13

दंङ हे गिऊ प्यारे साथी विशवासी रे, गेह मा जुंज़ातग कि केहच़ी ञेंई च़रतेंई कि गेह घड़ी-घड़ी केहतु कछंङ अपिमी जुन्ज़ातेग, कि गेह छना ऊईजाति तु बिचंङ लहज़ातेग, ध्वांए केहतु बिचंङ ला लोहग, पर एंतेग तचेक दिरिंङ रूकावट ए अपाते।

रोमियो 15:24

झांह लेह अपेहल इसपानिया ओ हखा योग दंङ केहतु कछंङ ज़ि दोआ योग छना कुचे गिह्बी उम्मीद तोह कि, कि दू यात्रा रि केतंङ साते दोओग, दंङ अपेहल गेह केतंङ साते संगति रि खुश शुहचे योग, दंङ गेह जुंज़ातग कि केरे गिऊ स्पेन देशो सफरो थल्जी मदत लंहि।

रोमियो 15:32

दंङ गेह परमेश्वरो हिटीरंङ साते केहतु खुशी रंङ साते अंज़े केतंङ साते आराम खोकपोग।

2 कुरिन्थियों 7:13

झांह लेह ञेंतिंङ हिम्मत; दंङ ञेंहतु दि हिम्मता रंङ साते तीतुसो खुशी ओ वहज़ा ज़ि ऊई ला खुशी शुई छना कुचे दोऊ सेहम केहतु भत्ते दू वहज़ा ज़ि हरा भरा शुहचे इलि।

इफिसियों 4:5

हेंदु भत्ते तु इच्च़ा ए प्रभु तोह, अतु टोहकठे हेंज़ी विशवास लहज़ातंई, दंङ सिर्फ मसीहू मिंदंङ ए हेंदिंङ बपतिस्मा खोकसा तोह।

2 तीमुथियुस 1:4

गिह्बी हिद तोह कि कांह अंयों क्रपच़ातेन अपेहल गेह कनिंङ छोड़ेके इबि तरेग, दुह हिद लहज़ी गिह्बी करंङ साते दोईमी सेहम लहज़ा, कि गेह खुशी रंङ साते बिंङे योग।

तीतुस 1:4

गेह दि डाक तीतुस बि चेहच़ातग। अंऊ गिऊ थल्जी इच्च़ा योह ठ्रोह तोह छना कुचे कांह ला मसीहू टोहकठे विशवास लहज़ा छना गेह लहज़ातग गेह प्रार्थना लहज़ातग कि बाह परमेश्वर ए हेंदु उद्धार लहज़ा प्रभु यीशु मसीह केतिंङ मोह्ड़े दाह ए शांति रम्मा लोहतो।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

2 यूहन्ना 1:4

गेह महस खुश शुईगा, अपेहल गेह दिह रेड्रा कि कांह थोड़े कटुरे दुह हेले ऊ पालन लहज़ा षिङे बंङज़ा तोर, अंऊ हेन्दिंङ परमेश्वर बाह ज़ि लहज़िमी थल्जी कुहषी ततो।

यहूदा 1:3

हे गिऊ प्यारे साथी विशवासी रे, हालांकि गेह केतिंङ परमेश्वरो पाहठी छा चेहच़ातग, अंऊ दोरिंङ हेनर भत्तेर सहभागी तोतोंई गेह दि दबाब महसूस लहज़ातग कि केतिंङ उत्साहित लहज़िमी थल्जी च़ेओग कि हेले ओ शिक्षा ओ थल्जी संघर्ष लंहि। परमेश्वरे एनोह मीहतिंङ दि हेले इच्च़ा फेरा हमेशा ओ थल्जी रें चरच़तो अंऊ अपेहल ला माह लेहक्सतो।