रोमियो 1:10 - लाहौली बाइबिल

¹⁰ दंङ हर ध्याड़ारिंङ घेंङौ प्रार्थनारिंङ बिनती लहज़ातग, कि अगर शुहचे तरपो ता परमेश्वरो हिटी ओ हिसाबे गेह केतंङ साते दोई अपोग।

रोमियो 1:10 Iomraidhean Croise

प्रेरित 19:21

अपेहल दिह गप्पा शुहचे इलि ता पोलुसे मकिदुनिया ए अखाया प्रदेशो विशवासी तंङ साते जोवा थल यरूशलेम शहरो हखा इबिमी थल गिह्बी रोम शहरो हखा खंड्री ज़रूरी तोह।

प्रेरित 21:14

अपेहल ञेंरे समझेगी इलेंई कि दोई एनोह फेंसला माह बदलेपोतो, दंङ ञेंहच़ी दि कुट्रिमी बंद लेह च़रतिन दंङ ञेंहच़ी कुईनि कि, “प्रभु ऊ हिटी पूरे शुहबी जूंस।”

रोमियो 15:29

दंङ गेह ञेंच़ातग, कि अपेहल गेह केहतु कछंङ अपोग, दंङ दोऊ वहज़ा ज़ि मसीह भत्ते रीतिरंङ साते केतिंङ आशीष रमतो।

1 कुरिन्थियों 1:1

गेह, पोलुस दि डाक च़ेहसी लेहकी तोतोग। गेह परमेश्वरो हिटी रंङ साते यीशु मसीहू प्रेरित शुहबी थल्जी अंङषी शुगाह। गेह देर हेंदु साथी विशवासी सोस्थिनेस रंङ साते तोतोग।

1 कुरिन्थियों 4:19

पर अगर प्रभु ज़ि जुंज़ा ता केहतु कछंङ युरनाह अपोग, पर दू घमण्डी तु सिर्फ शिक्षा ए माह, पर दोतु सामर्थ ला ञेंई केहऊगा।

फिलिपियों 4:6

अंऊ ला गप्पो चिंद थालंही, पर हर इच्च़ा हालाता रिंङ केहतु निवेदन, प्रार्थना ए बिनती रंङ साते धन्यवाद रंङ साते परमेश्वरो तुईज़ी हाज़िर लेह केऊर।

1 थिस्सलुनीकियों 2:18

झांह लेह ञेंहच़ी (मतलब गेह पोलुसे) महस फेरा केहतु कछंङ अपि जुंज़ातेग, पर शेताने हेंदिङ केहतु कछंङ अपि मरेंई दिऊ थल्जी महस रूकावट लहरी।

फिलेमोंन 1:22

इच्च़ा गप्पा अई तोह, कि केनोह चुंङ गिऊ थल्जी इच्च़ा कमरा तेयार तोह; छना कुचे गिह्बी उम्मीद तोह कि परमेश्वर केहतु प्रार्थना ओ जबाब रमतो कि गेह केहतु कछंङ अपोग।

इब्रानियों 13:19

प्रार्थना लहज़िमी थल्जी गेह केतिंङ ऊई ला याहब रमोग, ताकि गेह युरनाह यह्च़ा केहतु कछंङ अपि तरपोग।

याकूब 4:15

झांह लेह केतिंङ दि कुट्री जूंस, “अगर प्रभु ज़ि जुंज़ा ता हेनर श्रींङे बंङज़ोंई, दंङ दि या दुह कम ला लोहनि।”